муамед сејдини – Kurir.mk

Инфантино го прими претседателот на ФФМ, Сејдини

Тале Кристо — Tue, 10 Oct 2023 16:02:48 +0000

Претседателот на Светската фудбалска асоцијација, Џани Инфантино, денеска во Цирих прими делегација на Фудбалската федерација на Македонија, предводена од претседателот Муамед Сејдини. Покрај првиот човек на македонскиот фудбал, Фудбалската федерација на Македонија ја претставуваа генералниот секретар, Наталија Божиновска Илиевска и Владимир Гашевски, член на Управниот одбор на ФФМ. Во текот на состанокот на кој присуствуваше и директорот на ФИФА за асоцијации членки на Светската фудбалска организација се разговараше за низа важни фудбалски прашања, можностите што ги нуди програмата ФИФА Forward за поддршка на асоцијациите, како и вложувањата во инфраструктурата и женскиот фудбал. - Фудбалската федерација на Македонија ги поддржува напорите што ФИФА ги прави за развојот на фудбалот преку процесите што ги постави претседателот Џани Инфантино. Под негово раководство, ФИФА направи значајни чекори напред и инвестира во развојот на фудбалот ширум светот, изјави претседателот на ФФМ, Муамед Сејдини. Тој додаде дека ФФМ успешно ги користи расположливите средства од ФИФА и работи на развој на фудбалот во нашата земја.

Сејдини: Фудбалот со Чеферин сигурно е на вистинскиот пат

Бошко Тасиќ — Thu, 06 Apr 2023 04:12:16 +0000

Претседателот на Фудбалската федерација на Македонија (ФФМ), Муамед Сејдини, беше дел од Изборното собрание на Европската фудбалска унија (УЕФА), каде Александар Чеферин доби нов мандат на чело на европскиот фудбал до 2027 година. Делегатите го усвоија извештајот на претседателот и Извршниот комитет на УЕФА за периодот 2021/22. како и финансиските извештаи за истиот период, а Чеферин ја доби комплетната доверба. Сејдини му честита за изборот и кажа дека фудбалот со него е на вистинскиот пат. „Би сакал да упатам најискрени честитки до Александар Чеферин за вашиот реизбор за претседател на УЕФА. Вашата победа е доказ за довербата што асоцијациите членки на УЕФА ја имаат во вашето водство и визија за иднината на фудбалот во Европа.Ние сме горди што ве имаме како претседател на Европската фудбалска унија (УЕФА) и ве уверуваме во нашата непоколеблива поддршка и охрабрување да продолжите да ја насочувате организацијата кон поголеми височини. Имаме доверба во вашата способност да ја водите Европската фудбалска унија со интегритет, страст и цел, и не се сомневаме дека фудбалот е на вистинскиот пат под ваше водство.Уште еднаш, ви честитам за вашиот реизбор за претседател на УЕФА и ви посакувам успех во вашите континуирани напори за промовирање и развивање на убавата фудбалска игра во Европа. Истовремено честитки и до мојот пријател Армандо Дука за реизборот во Извршниот комитет на УЕФА“, истакна Сејдини. Покрај што беа дел од Собранието, претставниците на македонскиот фудбал имаа низа одвоени состаноци со високи претставници на УЕФА и билатерални средби со преставниците на останатите национални асоцијации.

Сејдини: Дуелите со финалистите од последното ЕП ќе бидат право уживање

Бошко Тасиќ — Sun, 09 Oct 2022 15:13:13 +0000

Претседателот на Фудбалската федерација на Македонија (ФФМ), Муамед Сејдини, ја искоментира ждрепката за Европското првенство (ЕП) кое ќе се одржи во 2024 година, а во кои квалификации Македонија доби пеколна група. Нашиот национален тим ќе се судри со Италија, Англија, Украина и Малта. Првиот човек на мак-фудбалот во изјава за „Суперспорт“ кажа дека сите сме свесни дека се работи за многу тешка група, ама вели дека „Рисовите“ досега покажале многу пати дека знаат и можат да победуваат подобри екипи на хартија. „Мора да уживаме во натпреварите, имаме добар тим, ќе се обидеме да го направиме невозможното. Јасно е дека Англија, Италија и Украина имаат огромен квалитет. Но, ние сме секогаш оптимисти и немаме што да загубиме против нив. Веќе еднаш ги победивме Италија и Германија на пример. Ќе се обидеме пак да победуваме посилни. Ќе биде уживање да се игра против двата финалисти од Европското првенство“, изјави Сејдини.

Сејдини: Кога ви треба инспирација, погледнете ги овие момци

Ивона Петрова — Fri, 25 Mar 2022 12:12:14 +0000

Претседателот на ФФМ, Муамед Сејдини се огласи на социјалните мрежи по победата на Македонија над селекцијата на Италија со 0:1. -Кога ви е потребна инспирација за успех погледнете ги овие јунаци! Најубавата приказна од Македонија, кратко, но доволно јасно напиша Сејдини на Фејсбук.

Сејдини: Македонските фудбалери ќе дадат максимум за историски пласман на Светско првенство

Тале Кристо — Thu, 24 Mar 2022 17:57:09 +0000

Претседателот на Фудбалската федерација на Македонија (ФФМ), Муамед Сејдини е уверен дека националниот тим вечерва против Италија во Палермо ќе даде максимум за да го исполни историскиот сон и да обезбеди пласман на Мундијалот 2022 во Катар. – Оваа репрезентација и овие момци ги краси карактер и заедништво. Тие веќе покажаа дека се спремни за големи работи. Македонските играчи веруваат во себе и знам дека ќе дадат сè од себе за да го исполнат сонот за пласман на Светско првенство, истакна Сејдини во видеообраќање пред вечерашниот полуфинален мундијалски бараж против актуелниот европски првак. Дуелот започнува во 20:45 часот на стадионот „Ренцо Барбера“, чиј капацитет од 36.000 седишта е распродаден, а „црвено – жолтите“ ќе имаат поддршка од трибините од околу 2.000 навивачи. Првиот човек на ФФМ во обраќањето упати посебна благодарност до нив. – Благодарност до сите навивачи, кои дојдоа да ја бодрат репрезентацијата, уживајте, порача Сејдини.

Сејдини: Ги постигнавме најдобрите резултати во историјата, тоа е нашиот правец и за во иднина

Ивона Петрова — Sat, 12 Mar 2022 14:28:27 +0000

Претседателот на Фудбалската федерација на Македонија, Муамед Сејдини на денешното редовно Генерално собрание на федерацијата изрази задоволство од работата во изминатата година, потенцирајќи дека искрената и мотивирана работа се клучни за најголемите успеси, а тоа е правецот и за во иднина. Првиот човек на македонскиот фудбал нагласи дека не може постојано да се живее на стара слава или од пласманот на Европското првенство, вели дека федерацијата мора секојдневно да напредува. – Да не беа сурови некои животни судбини, после сите остварени резултати во 2021 година, ова Собрание можеше да биде одржано во празнична атмосфера. Горд сум на постигнатите резултати на ФФМ. Благодарност до сите, тоа е плод на нашата заедничка работа. Без желба да ги повторувам и набројувам успешните моменти од минатата година, сепак би сакал да ја искористам оваа прилика да им честитам на фудбалерите и селекторот на македонската А репрезентација за пласманот во баражот за Светско првенство.Тоа е успех со кој може да се гордее секој фудбалер, тренер и административец во нашиот фудбал. Посакувам успех против Италија на 24 март. Бидете храбри и предизвикајте го Европскиот првак. За сѐ друго ја имате нашата поддршка, им порача Сејдини на македонските фудбалери. Се осврна и на младата селекција. -Би сакал да им посакам успех и среќа на македонската репрезентација до 21 година и на селекторот Канатларовски во продолжение од квалификациите за Европското првенство. Имаме добра прилика да се бориме за висок пласман и се надевам дека ќе успееме да ја искористиме. Се разбира, целите кои ги поставивме и во натпреварувањата во кои учествуваат помладите национални селекции ја имаат целата поддршка од федерацијата во намерата да ги остварат, додаде Сејдини. Првиот човек на ФФМ порача дека и понатаму ќе се вложува во инфраструктурата со цел подобрување на условите за работа. -Имаме план и програма и одиме чекор по чекор. Наша цел е да продолжиме да вложуваме во инфраструктурата, но и да ја поттикнеме локалната самоуправа да се вклучат во помагање на клубовите, да бидат партнери. Генералната стратегијата „Обединети од фудбалот“ мора да биде клучен документ кој треба да одговори во кој правец се движиме и како да се поставиме пред предизвиците кој ни доаѓаат. Не можеме вечно да живееме на стара слава и на пласманот на Европското првенство. Од ден на ден мораме да се стремиме кон подигнување на квалитетот на работа на федерацијата на сите нивоа и во сите сегменти. На крајот повторно ќе кажам, оваа федерација потврди дека со искрена и мотивирана работа ги постигнавме најдобри резултати во историјата на македонскиот фудбал. Тоа е нашиот правец и за иднината, заклучи Сејдини.

Сејдини во посета на Охрид, источната трибина на „Билјанини извори“ пред промоција

Бошко Тасиќ — Sat, 21 Aug 2021 17:41:32 +0000

Новата трибина на источната страна на стадионот на СРЦ „Билјанини извори“ го добива комплетниот лик. Денес увид на терен направија градоначалникот на општина Охрид Константин Георгиески и претседателот на Фудбалската федерација на Македонија, Мухамед Сејдини. „Ова е голема придобивка за Охрид и развојот на спортот. Воедно, најавувам дека во наредните две години Охрид ќе добие уште една ваква идентична трибина повторно во соработка со општина Охрид и Фудбалската федерација. Општина Охрид континуирано ги подржува сите спортски клубови во градот и развојот на спортот со буџет од 27 милиони и 500 илјади денари, од кои 22 милиони се средства кои дирекно се слеваат во фудбалските клубови, додека 5,5 милиони се субвенции за фудбалските школи за непречено одвивање на тренинзите на стадионот Билјанини извори во Охрид“, истакна Георгиески. Капацитетот на новата трибина е 1.480 седишта. Во нејзиниот централен дел е изведена вип ложа, коментаторска кабина и простор за камери. Согласно проектот, изведени се и сите внатрешни простории, кои се предвидени за вакви современи спортски објекти, истакна Георгиески. „Во моментов сме во завршна фаза, активностите се интензивираат деновиве, бидејќи знаеме дека нашата млада репрезентација до 21 година на седми септември ќе одигра натпревар на овој стадион. Со завршување на активностите ,наскоро СРЦ „Билјанини извори“ ќе добие нова трибина која ќе му даде лик на овој стадион. Ме радува фактот што актуелниот градоначалник на општина Охрид, Георгиески, максимално дава поддршка на сите клубови за да се стимулираат сите спортови во општината. Тоа се прави само со цел младината да спортува, да не се бават со лоши работи“, додаде Сејдини. Трибината се гради заеднички во соработка на Фудбалската федерација на Македонија и општина Охрид со поддршка на УЕФА.

Сејдини: Останувам доследен, не го дадов јас името на ФФМ за да го менувам

Ивона Петрова — Thu, 05 Aug 2021 10:45:28 +0000

Претседателот на ФФМ денеска истакна дека останува доследен и нема да го промени името на Федерацијата. -Уште на почетокот кажав и во многу наврати повторував дека ниту јас сум го ставил името на Фудбалската федерација на Македонија, ниту јас можам да го сменам тоа име. Единствен орган кој може да го смени името на Фудбалската федерација на Македонија е Собранието на ФФМ. Така да, Муамед Сејдини и натаму ќе остане доследен и ќе ги почитува сите правила, истакна Сејдини на денешната прес-конфернција одговарајќи на новинарско прашање. Инаку, ФФМ денеска официјално го промовираше Благоја Милевски за селектор на А машката фудбалска репрезентација со договор до 2024 година.

Сејдини: Благоја Милевски ја создаде златната генерација на македонски фудбалери

Бошко Тасиќ — Fri, 25 Jun 2021 15:42:55 +0000

Претседателот на Фудбалската федерација на Македонија Мухамед Сејдини, даде коментар по назначувањето на Благоја Милевски за нов селектор на А-тимот. „Најпрвин, од мое лично и од име на Управниот одбор на Фудбалската федерација на Македонија упатувам благодарност до Игор Ангеловски за неговата работа и придонесот кој го даде за успесите со македонската А репрезентација. Игор Ангеловски самиот најави дека по завршувањето на Европското првенство ќе бара нови предизвици во својата кариера и сега е време ние да ја почитуваме неговата одлука и да ја покажеме нашата благодарност за неговата работа и страст во сите овие години на чело на македонската А репрезентација. Визијата за нашата фудбалска иднина со Благоја Милевски на местото селектор на македонската А репрезентација е кристално јасна. Тој е човекот кој го регенерираше македонскиот фудбалски крвоток, создаде неверојатна група на фудбалери кои зад себе веќе имаат настап на две Европски првенства, младинско и сениорско и уверени сме дека тој пат мора да продолжи. Му даваме доверба на Благоја Милевски да ја предводи македонската А репрезентација поради неговиот карактер, работната етика и човечките квалитети. Тој е тренер кој става личен печат на тимовите кои ги предводи и човек со дисциплина и исклучителна ментална сила. Македонската А репрезентација ќе ја предводи селекторот Благоја Милевски кој ја создаде златната генерација македонски фудбалери која беше меѓу 12-те најдобри селекции во Европа и фудбалери кои веќе неколку години се дел од нашиот најдобар национален тим. Веруваме во квалитетите на Благоја Милевски и убедени сме дека ќе продолжи со успех да ја предводи и А репрезентацијата. Уште повеќе затоа што на секоја разумна и личност со вистински вредности му докажа каков човек е и каков тренер е“, вели Сејдини во своето обраќање.

Сејдини : Фудбалерите демонстрираат желба за победа

Катерина Бојаџиева — Thu, 17 Jun 2021 19:13:55 +0000

Претседателот на Фудбалската федерација на Македонија, Муамед Сејдини ги пофали македонските репрезентативци за залагањето и покажаната желба за позитивен резултат на натпреварите на ЕВРО 2020. И покрај денешниот пораз од Украина (1:2) Сејдини е задоволен од изданието на „црвено-жолтите“ посебно во второто полувреме. – Од самиот почеток на Европското првенство кажав дека мотивот и желбата за победа кај играчите постои. Првото полувреме не бевме на посакуваното ниво, но се покажа карактерот кај нашите фудбалери кои демонстрираат желба за победа и тоа дека сакаат да ги израдуваат нашите верни навивачи кои денеска беа многубројни на трибините во Букурешт. Им честитам на стручниот штаб и на фудбалерите за прикажаната игра.Против Холандија шансите се 50-50. Ние на секој натпревар одиме на победа, изјави Сејдини. Македонските фудбалери во последното, трето коло од групната фаза, в понеделник во Амстердам ќе играат со Холандија во обид да ги освојат првите бодови на евро-шампионатот.