муцунски – Kurir.mk

Муцунски: Водењето на преговорите со Бугарија само за идентитетските прашања, го покажува аматеризмот на власта во секој степен на владеење

Тале Кристо — Sun, 24 Jan 2021 18:59:20 +0000

Разговорите кои се случуваат со Бугарија а се само за идентитетски прашања се уште еден доказ за аматеризмот на власта кој што имаме на секој степен на владеење, како во надворешната политика, економијата, образованието пописот, по што на аматерски начин се тераат процесите во државата, како и тоа дека власта нема волја за обединување на ставовите за националните интереси, истакна во своето вечерашно гостување во Дневникот на Сител телевизија пратеникот од редовите на ВМРО-ДПМНЕ Тимчо Муцунски.. -Ме загрижува тоа што со бугарската страна се разговара само за идентитетски прашања, тоа е само уште еден доказ за аматеризмот кој што го имаме на секој степен на владеење од надворешната политика, економијата, образованието, гледаме и со пописот, на аматерски начин се тераат процесите во државата, без постигнување консензус со главните опозициски фактори, а од друга страна се преговара со страна која е многу кометна во своите преговарачки позиции, затоа што има униформен став во бугарското општество, изјави Муцунски. Муцунски посочи дека Бугарија ја користи попусливоста која ја имаме во надворешната политика, кој принцип на непостоење на кохезија за националните прашања и суштествен национален интерес што се должи на огромниот недостаток на волја од страна на власта и аматерскиот начин на водење на власт од страна на СДСМ. -Јас не би очекувал Европската унија да има принцип, кој што е различен од фундаменталните принципи врз кои што почива постоењето, интеграцијата и развојот на Европската унија, а еден од начините на кои се разликуваат народите се различните јазици, по тоа не смееме да прифатиме било какви преговори, фасцилитирани од било кого за прашања кои се за идентитетска природа, најдобро е тоа и јавно да го декларираме во собранието како што побаравме, жалам што нема желба од страна на власта за истото, посочи Муцунски.

Муцунски: Со овој закон кој што го донесе власта за попис, граѓаните нема да веруваат во самиот процес на попишување

Тале Кристо — Sun, 24 Jan 2021 18:47:29 +0000

Пратеникот од редовите на ВМРО-ДПМНЕ и Коалицијата „За обнова на Македонија“, Тимчо Муцунски вечер-ва при своеото гостување во централниот дневник на Сител телевизија посочи дека претседателот Пендаровски треба доста трензвено и професионално да постапи и да одлучи за прашањето попис. -Мислам дека претседателот ќе го потпише указот за законот. Но ние му препорачавме да се консултира со објективни со независни експерти кои што веруваме ќе ги дадат голем дел од забелешките кои што ние ги дадовме“, појасни Муцунски. Муцунски додаде дека тој како пратеник и ВМРО-ДПМНЕ е за одржување на попис но како статистичка операција, а не како политичка како што ја предвидува СДСМ. -Ние мораме да бидеме свесни за два доста значајни фактори. Првиот е повразан со фактот дека ние во моментов имаме пандемија, актуелниов закон предвидува 5.000 попишувачи за два месеци од денес да се пуштат на терен и активно да ги посетуваат домовите на граѓаните. Но, дали со оваа епидемиолошка слика со фактот што нема В од вакцина, ќе се чувствуваме комотни кога луѓе кои што претходно посетувале безброј домови да ги посетат и нашите домови, домовите на нашите родители, при се уште неконтролирана епидемиолошка ситуација? Значи, логично е да направиме нешто, што направија многу поразвиени земји од нашата со многу поквалитетен одговор на здравствената криза, да го одложиме овој попис за следната година, рече Муцунски. Муцунски го посочи и вториот аспект кој што е многу значаен, а тоа е начинот на кој што се предвидува овој попис. Во Македонија постојат соодветни дата бази со кои може да се спроведе електоронски попис. Електронски попис може да биде поверодостоен по резултатите, но и многу ќе е поевтин и поефикасен. -Фактот дека ние сега влегуваме во политички, а не статистички процес е доказ дека законот предвидува за заменик директорот на државниот завод за статистика има практично право на вето на резултатите од пописот. И ајде да си ја поставиме дилемата, ако ова е статистички процес врз што ќе стави вето заменик директорот на ДЗС, запраша Муцунски. Муцунски рече дека потребна е сеопфатна дебата помеѓу сите политички субјекти и во консултација со големиот број на експерти да се дојде до реално одржливо решение. Со овој закон кој што го донесе власта за попис, единствено граѓаните нема да веруваат во самиот процес на попишување.

Тестирани пратениците кои имале контакт со Муцунски- познати резултатите

Тале Кристо — Mon, 07 Dec 2020 13:34:03 +0000

Петмина собраниски службеници и неколкумина пратеници се негативни на Ковид-19 поради контакт со пратеникот и претседател на Комисијата за финансирање и буџет Тимчо Муцунски од ВМРО-ДПМНЕ, кој вчера објави дека е позитивен на вирусот. Поради состојбата на Муцунски и тестирањето на тие што биле со него во контакт во Собранието, беше одложен почетокот на продолжението на амандманската расправа за Буџетот за 2021, но по добивањето на резултатите се очекува таа попладнево да продолжи. Поради отсуството на Муцунски, седницата ќе ја води потпретседателката на Комисијата, пратеничката Марија Петрушевска од ВМРО-ДПМНЕ.

Муцунски: Срамота е СДСМ да не дојде на седница каде се говори за прашање од крицијален и национален интерес

Тале Кристо — Wed, 04 Nov 2020 13:23:59 +0000

Повикувајќи се на членот 29 и членот 30 од Деловникот, прво што треба да констатирам во интерес на јавноста на која што не следи и гледам дека има и сериозен интерес од страна на медиумите е фактот дека за некое прашање кое што е од круционален и национален интерес, прашање кое што е многу значајно за иднината на нашата земја, ние сме соочени со де факто бојкот на работата на работните тела на Собранието. Не присуството и не доаѓање на седниците е бојкот, истакна пратеникот Тимчо Муцунски од ВМРО-ДПМНЕ на денешната комисиска седница. Муцунски додаде дека СДСМ е политичка партија која што го бојкотираше Собранието кога беше во опозиција. СДСМ е политичка партија која што го бојкотира Собранието кога е на власт. -Оттука јас би го додал и моето лично мислење, дека наше место како пратеници е во работните тела, на пленарната седница, да работиме во интерес на тие кои што го делигитирале нивниот суверенитет да бидеме нивни претставници во Собранието. Секој чекор напред во остварувањето на нашето полноправно членство во ЕУ е исклучителен важен и секако треба да биде поздравен, бидејќи претставува заеднички успех во која е вложен трудот, знаењето и умешноста на повеќе генерации во последните скоро 30 години. Истовремено сакам да посочам дека е од повеќе од неопходно навремено и превентивно да разговараме и да ги анализираме отворените прашања кои можат да бидат причина за евентуалниот застој или попречување на тој пат, вклучувајќи ги и оние кои што се поврзани за прифаќањето на преговарачката рамка и потенцијалниот почеток на преговарачкиот процес, појасни Муцунски. Муцунски посочи дека го загрижува фактот што и покрај постоењето на ратификуван договор за пријателство и добрососедство со Република Бугарија кој што беше своевремено најавуван како историски исчекор напред во развојот помеѓу односите на двете држави, зачестените најави на бугарски официјални лица и реалноста ни покажуваат дека се соочуваме со сосема поинаква слика проткаена со притисоци кои истовремено не ни дава реална верба и оптимизам дека во блиска иднина е возможно изнаоѓање на соодветно решение. -Покажаната голема флексибилност кон нашиот источен сосед очигледно не беше доволно силен аргумент да се надминат се уште присутните бариери од минатото. Како Европа така и ние искрено очекуваме дека заедничкото претседавање на Република Македонија и Република Бугарија со Берлинскиот процес ќе придонесе кон поголема соработка, зголемување на пријателство и партнерскиот однос и взаемното разбирање, нагласи Муцунски.

Муцунски: За да има прогрес, потребни се промени – На 15-ти јули одберете надеж и развој

Тале Кристо — Fri, 10 Jul 2020 08:46:48 +0000

За да има прогрес, потребни се промени. Затоа на 15ти јули одберете надеж и развој. Исправи се гордо Македонијо, доаѓаат подобри денови, вели во своето видео обраќање кандидатот за пратеник од редовите на ВМРО-ДПМНЕ во ИЕ2 Тимчо Муцунски.

Муцунски: Нашата визија нуди подобри времиња за Македонија

Тале Кристо — Tue, 07 Jul 2020 08:35:43 +0000

Проектот #Обнова нуди план со кој се обврзуваме кон Вас - граѓаните. 》 Се обврзуваме за зголемена ефикасност на државата и силни институции. 》 Се обврзуваме за создавање на најповолни деловни услови за приватниот сектор и најефикасно користење на буџетските средства. 》 Се обврзуваме дека ќе создадеме еднакви можности за просперитет и подобри услови за животот на сите граѓани. Нашата визија нуди подобри времиња за Македонија, затоа на 15-ти јули ја бараме вашата поддршка. Исправи се Македонијо, одбери Обнова, вели во своето видео обраќање кандидатот за пратеник од редовите на ВМРО-ДПМНЕ во ИЕ1 Тимчо Муцунски.

Муцунски: Ќе се формираат посебни Младински центри коишто ќе го поттикнуваат претприемништвото, но и професионалните вештини,

Тале Кристо — Sun, 05 Jul 2020 18:57:05 +0000

Со позитивна енергија продолжуваме со промоцијата на мерките за млади претприемачи од проектот Обнова. 》Во Карпош со младите споделуваме што ќе донесат 4те милиони евра за проектот „Претприемничка иницијатива за млади“, преку кој младите луѓе ќе можат со грантови да си ги финансираат своите иновативни проекти, а иновација не им недостига, секогаш се со свежи и кул идеи, пишува кандидатот за пратеник од редовите на ВМРО-ДПМНЕ Тимчо Муцунски. 》Ќе се формираат посебни Младински центри коишто ќе го поттикнуваат претприемништвото, но и професионалните вештини, со обуки за дигитални вештини, доквалификација, обуки за аплицирање за владини или невладини институции, техники на вмрежување, кариерно советување и личен развој. И многу повеќе за младите да можат да ги финансираат своите бизнис планови, проекти и иновативни решенија, вели во својата објава Муцунски.

Муцунски: Предвидуваме отварање на реални компании во средните стручни специјални училишта на лица со попреченост, каде ќе овозможиме да се подготват за пазарот на трудот

Тале Кристо — Sat, 04 Jul 2020 13:56:22 +0000

Имав прилика денеска да им ја посочам дел од проектите кои ги предвидуваме со обновата на Здружението на глуви и наглуви лица на град Скопје. На ранливите групи на луѓе со попреченост им е потребно посебно внимание, за олеснет пристап во секојдневното нивно функционирање и нивна поголема инклузија, вели кандидатот за пратеник од редовите на ВМРО-ДПМНЕ во ИЕ1 Тимчо Муцунски. 》Предвидуваме отварање на реални компании во средните стручни специјални училишта на лица со попреченост, каде ќе овозможиме да се подготват за пазарот на трудот во реалните компании. 》ВМРО-ДПМНЕ ќе работи на формирање на (ПОП), Програма за поврзување на училиштата за лица со посебни потреби, во која ги поврзуваме училиштата со стопанските комори и АВРМ, заради олеснување на процесот на нивно вработување. 》Се обврзуваме да направиме посебни напори и да вложиме дополнителни средства во најдобра можна едукација на овие лица, во согласност со светските конвенции за заштита и промоција на правата на лицата со попреченост.

Муцунски: Во нашата програма зборуваме за реални проекти кои што се од значење за Теарце и Тетово, како и за Темјаник и Кавадарци

Тале Кристо — Fri, 03 Jul 2020 09:38:21 +0000

Во нашата политичка програма зборуваме за проекти реални. Проекти, реални кои што се од значење во Теарце и во Тетово и во Тимјаник близу Неготино и во Кавадарци, посочи во синоќешната предизборна дебата на телевизија 21 кандидатот за пратеник од редовите на ВМРО-ДПМНЕ во ИЕ1 Тимчо Муцунски. -Има граѓани од втор ред во нашата држава, но морам да ви кажам дека и Македонците многу често се чувствуваат како граѓани од втор ред во оваа иста држава. Време е, дали е за вработување во јавен или приватен сектор, ако е борба помеѓу Висар и Јован, да се вработи најквалитетниот, а не бидејќи е на едниот името му е Висар а на другиот му е името Јован, рече Моцунски во своето излагање. -Време е ние да престанеме да зборуваме во 21-от век кога цивилизациските вредности ја надмина политиката да зборуваме за такви теми. И затоа ние во нашата политичка програма зборуваме за проекти реални. Проекти, реални кои што се од значење во Теарце и во Тетово и во Тимјаник близу Неготино и во Кавадарци. И тие се проектите кои што ќе го подобрат стандардот, ќе се борат со ова здравствена криза. Проекти како што е создавање на центар за деца и лица со посебни потреби, нешто што фали во нашата држава, посочи Муцунски.

Муцунски на средба со Здружението на сопствениците на деловен простор во ГТЦ: Градскиот трговски е лошо управуван и менаџиран

Тале Кристо — Tue, 30 Jun 2020 11:34:37 +0000

Денеска остваривме средба со претставници на Здружението на сопствениците на деловен простор во ГТЦ кои ни ги презентираа проблемите со кои се соочуваат секојдневно, а во врска лошото управување и менаџирање на градскиот трговски центар, но исто така ги слушнавме и искрените заложби на сопствениците за организирање на заедница на сопственици преку која уредно би се раководело одржувањето на ГТЦ. Во насока да им помогнеме на бизнисите кои од оваа криза се мачат да егзистираат, со обновата предвидуваме основање на „Центар за поддршка на бизнис-заедницата“, кој ќе биде големо олеснување за малите и средните претпријатија, да се намалат административните процедури и да добијат поддршка за подобро искористување на сопствените ресурси и пласманот на своите производи, вели во својата објава на социјалната мрежа на Фејсбук кандидатот за пратеник од редовите на ВМРО-ДПМНЕ во ИЕ1 Тимчо Муцунски.