мултиплекс склероза – Kurir.mk

Познатата актерка за борбата со МС: Не можам да се симнам по скали

Ивона Петрова — Fri, 05 May 2023 18:17:24 +0000

Познатата актерка Кристина Еплгејт, на која и беше дијагностицирана мултиплекс склероза, неодамна проговори за тоа како се справува со оваа болест. Имено, на актерката пред две години и била дијагностицирана мултиплекс склероза и сега се движи со помош на бастун, а поради оваа болест објави крај на актерската кариера. Таа во интервју за Vanity Fair откри со какви ситуации се справува секојдневно. -Со мултиплекс склероза, никогаш не е добар ден. Само имаш мали пос**ни денови. Луѓето ме прашуваат зошто не се туширам почесто. Па, затоа што туширањето е страшно за мене. Може да паднеш, можеш да се лизнеш, нозете можат да попуштат. Особено затоа што имам стаклен туш. Се плашам да влезам таму, објасни Еплгејт на почетокот на своето интервју. „Постојат само одредени работи што луѓето ги земаат здраво за готово во нивните животи, а јас ги земав здраво за готово. Слегувањето по скали или носењето работи се работи што повеќе не можам да ги правам. Сè уште можам да го возам мојот автомобил на кратки растојанија. Можам да му носам храна на моето дете, но не можам да одам горе-долу“, изјавила актерката.

Медитеранската исхрана може да им помогне на луѓето кои страдаат од мултиплекс склероза

Ивона Петрова — Wed, 07 Dec 2022 16:39:54 +0000

Целта на истражување објавено во Nutritional Neuroscience беше да се открие која диета, односно начин на исхрана е најдобар за лицата кои се борат со оваа болест. -Некои пациенти можеби слушнале дека треба да избегнуваат глутен или да следат диета богата со протеини и ниски јаглехидрати, позната како кето диета. Сепак, ова не е добар совет бидејќи може да се појават недостатоци на хранливи материи, изјави нутриционистот Киран Кембел за Eat This. Таа додаде дека медитеранскиот начин на исхрана е најдобар бидејќи добро влијае на централниот нервен систем. -Иако повеќето истражувања за овој тип на диета се фокусираат на ублажување на кардиоваскуларните болести, исто така е докажано дека делува подеднакво добро за луѓето со дијабетес, Алцхајмерова болест, ментални нарушувања, депресија, артритис или рак, рече таа. Сепак, таа ги потсети сите читатели дека не постои диета која „магично“ ќе ги излечи симптомите на МС, туку дека медитеранската исхрана е корисна поради нејзините антивоспалителни својства.

Кои се раните симптоми на мултиплекс склероза: Можат да се појават уште во дваесеттите години

Магдалена Андонова — Sun, 12 Jun 2022 12:17:55 +0000

Симптомите на мултиплекс склероза може да се појават неочекувано рано, а често се појавуваат и исчезнуваат додека не станат толку сериозни што е неопходна помош од лекар. Според Американското здружение за мултиплекс склероза, повеќе од два милиони луѓе во светот се соочуваат со оваа болест, пишува Active Si, а пренесува City Magazine. Мултиплекс склероза е хронична, имуно-воспалителна болест која влијае на централниот нервен систем - мозокот, 'рбетниот мозок и оптичкиот нерв. Најчесто се јавува на возраст од 20 до 45 години, два пати почесто кај жените отколку кај мажите и во многу различни форми. Многу пациенти со мултиплекс склероза можат да продолжат да живеат активен живот, при што симптомите се појавуваат повремено, додека во некои случаи се јавува потешка форма која предизвикува тешка попреченост. Мултиплекс склероза се нарекува и болест со илјада лица, бидејќи знаците и симптомите на болеста се манифестираат многу различно, во зависност од делот на нервниот систем што е зафатен. Овие често се симптоми кои исто така може да се поврзат со други болести и состојби. Многу често, сепак, болеста започнува со воспаление на оптичкиот нерв, двојно гледање, вртоглавица, нарушување на рамнотежата или меморијата и концентрацијата. Еве неколку вообичаени рани знаци на мултиплекс склероза: Оштетување на видот Визуелните нарушувања се меѓу најчестите симптоми на мултиплекс склероза. Ако забележите визуелни нарушувања - како на пример гледање низ непроѕирно стакло или вода, дури и кога не ги напрегате очите, можеби е време да го посетите вашиот лекар. Вртоглавица Друг симптом би бил вртоглавица, кога брзо ќе станете. Се јавува кај луѓе со низок крвен притисок, а може да биде последица на пад на шеќерот во крвта или физички напор. Како знак на мултиплекс склероза, може да се појави ненадејно, предизвикувајќи гадење и повраќање. Доколку се препознаете во овие зборови, консултирајте се и со лекар. Проблеми со мочниот меур Овој здравствен проблем се јавува кај 80 проценти од пациентите со мултиплекс склероза, што предизвикува честа потреба од одење во тоалет. Когнитивни проблеми Околу 60 проценти од пациентите пријавуваат проблеми со мултитаскинг, концентрација, внимание и проблеми со меморијата. Понекогаш има: депресија, нервоза, промени во расположението или емоционални испади. Вкочанетост Вкочанетоста е типична за мултиплекс склероза, а многу пациенти ја пријавуваат дијагнозата како еден од симптомите. Хроничен замор Заморот кој трае со недели и ви пречи на секојдневната работа го заслужува вашето внимание, без разлика што се сомневате дека тоа е причината. Тоа може да биде толку интензивно кај пациенти со мултиплекс склероза што дури и наједноставните задачи стануваат премногу тешки за нив. Некои го опишуваат заморот како одење по кал, како штотуку да истрчале маратон или како чувство дека ќе добијат грип. Мускулна болка и слабост Половина од пациентите доживуваат дневна болка, понекогаш придружена со неконтролирани движења или слабост. Совет: Ако имате симптоми кои ве загрижуваат, разговарајте со професионалец. Не чекајте ситуацијата да се влоши или да погодувате дали го имате овој здравствен проблем.

Пет знаци на подмолната мултиплекс склероза: Внимавајте, симптомите се слични на менопауза!

Ивана Ефремовски — Wed, 28 Jul 2021 10:00:21 +0000

Мултиплекс склероза е невродегенеративно заболување и автоимуна болест која првенствено ја „напаѓа“ белата маса на централниот нервен систем – објаснува доктор Роумен Балабанов. Таа болест се случува кога имунолошкиот систем погрешно ги насочува супстанциите кои ги штитат нервните влакна во мозокот и ‘рбетниот мозок. Секој може да заболи од МС, но жените се двојно поподложни на оваа болест. Шансите да заболите од МС се поголеми ако во вашето семејство постои историја на оваа болест. Меѓутоа, ризик од оваа болест постои и ако сте активен пушач. Прашање е дали би знаеле дали имате МС? Зависи. Во пораната фаза симптомите се појавуваат повремено. На пример, можете да почувствувате еден симптом на МС, а потоа цела година да не забележите ништо. Ова се главни симптоми кои јасно укажуваат на мултиплекс склероза: Слабост и замор Околу 80 отсто луѓе во раната фаза на МС константно се жалеле на слабост во мускулите, која обично почнувала во нозете, соопштило Здружението за МС. Вкочанетоста на нозете како и заморот се знаци кои исто така укажуваат на МС. Заморот се појавува ненадејно и трае со недели додека постепено не се намали. Проблеми со видот Доколку сте забележале дека видот ви е заматен, причина може да биде изложеноста на монитор или едноставно стареењето. Меѓутоа, заматениот вид или проблемите со видот се еден од првите знаци на МС, бидејќи оваа болест влијае на оптичките нерви во окото. Доколку забележате дека видот ви е заматен или дека имате чувство дека „сликата ви се дуплира“, обратете се кај лекар. Болка и грчеви во мускулите Луѓето кои страдаат од МС често се жалат на силни болки во нозете, грчеви и мускулна вкочанетост. Здружението за МС наведува дека 55 отсто луѓе заболени од оваа болест чувствуваат силни болки во нозете, како и дека овие болки ги имаат почесто жените отколку мажите. Проблеми со бешиката Честото уринирање и трчање до тоалетот не го препишувајте на староста, бидејќи тоа можат да бидат рани знаци на МС. Зачестеното уринирање, инконтиненцијата, недостатокот на сексуална желба се подмолни знаци на оваа болест. Проблеми со помнењето Бидејќи МС влијае на нервниот систем, проблемите со помнењето не се ретки. Можеби ќе имате проблеми со изговарањето на одредени зборови или помнењето на истите, со организацијата како и со помнењето на распоредот и состаноците… Меѓутоа, овој проблем не е толку голем за лицето заболено од МС да не може да функционира самостојно. Ако се посомневате дека имате МС задолжително јавете се на својот лекар. Одете на преглед на очите и кај психолог, но најважно е своите симптоми редовно да ги контролирате, бидејќи мултиплекс склерозата тешко се открива.

Светски ден на мултиплекс склероза: Болест со 1.000 лица која најчесто се јавува помеѓу 20 и 40 година од животот

Катерина Бојаџиева — Sun, 30 May 2021 09:29:18 +0000

Денес, односно на 30 мај, се одбележува Светскиот ден на лицата со мултиплекс склероза, болест од која страдаат над 2,5 милиони луѓе ширум светот. Мултиплекс склероза или скратено МС е хронично воспалително заболување на централниот нервен систем и една од водечките причини за онеспособеност кај лицата. Претставува болест на масните миелински обвивки околу нервите на мозокот и ‘рбетниот мозок што води до демиелинизација и лузни на ткивата кои се манифестираат со широк спектар на знаци и симптоми. Нападот на болеста вообичаено се случува кај младите луѓе, и почеста е кај женскиот пол. Се нарекува уште и болест со 1.000 лица, а најчесто се јавува помеѓу 20 и 40 година од животот и е водечка причина за инвалидитет кај младите.

Поради болест Блат го раскина договорот со Олимпијакос

Ивона Петрова — Mon, 07 Oct 2019 07:41:36 +0000

Дејвид Блат го раскина договорот со Олимпијакос со меѓусебна согласност на страните. Не е познато дали неговата одлука е поврзана со неговата здравствена состојба – во август специјалист кажа дека страда од мултиплекс склероза. Минатата сезона грчкиот клуб не влезе во плеј-офот во Евролигата. -После долг разговор меѓу мене и сопствениците, решивме дека е најдобро за клубот да заминам. Моето време во Грција со Олимпијакос беше важно на многу начини. Благодарен сум на луѓето што ги запознав овде. Немам ништо друго освен почит кон раководството, играчите и персоналот. Им посакувам се најдобро, изјави Блат.