Мумбаи – Kurir.mk

На паркинг се отвори oгромна дупка и буквално го проголта автомобилот! Ова видео го остави светот во ШОК (ВИДЕО)

Магдалена Андонова — Tue, 15 Jun 2021 07:31:41 +0000

Монсунските дождови создаваат големи проблеми во Мумбаи. За жал, има и жртви. Најмалку 11 лица, вклучително и осум деца, биле убиени кога порој уништи куќа во градот, објавија индиските власти во четвртокот. Светот само ја обиколува сцената на исчезнување на автомобил, кој буквално го проголта дупка на местото каде што беше паркиран. Сообраќајната полиција објасни дека порано имало бунар, кој подоцна некој го покрил со бетон за да направи паркинг простор.

Најмалку десетмина загинати при уривање зграда во Индија

Ивана Ефремовски — Mon, 21 Sep 2020 08:25:16 +0000

Најмалку 10 лица загинаа, а се стравува дека десетици се под урнатините, откако денеска се урна дел од трикатна станбена зграда во близина на индискиот финансиски центар Мумбаи, соопштија властите. Несреќата се случи во индустрискиот град Биванди, 40 километри северо-источно од Мумбаи, а градскиот комесар Пнаќа Аши рече дека стравува дека речиси 26 семејства останале под урнатините. Сѐ уште не е позната причината за уривањето на зградата со 54 станови, а станарите велат дека почнале да бегаат откако се појавиле пукнатини. Како што пренесуваат медиумите, досега се извлечени 11 повредени лица. При отстранување на урнатините учествуваат членови на градските служби и Националните сили за одговор на катастрофи. Причината за уривањето на повеќето стари или нелегално изградени згради во Индија обично се бара во обилните врнежи, а бројот на вакви несреќи се зголемува за време на сезоната на монсуните, од јуни до септември.

Авион се врати во Мумбај откако 30 патници прокрвавија поради исклучен систем за притисок

Ристе Здравков — Thu, 20 Sep 2018 10:53:10 +0000

Триесет лица се почувствуваа лошо за време на лет на авионот на „Џет Ервејз“ од Мумбај до Џајпур, бидејќи пилотите најверојатно заборавиле да го вклучат системот за регулирање на притисокот, јавија индиски медиуми. Леталото, со 166 патници и петчлен екипаж, безбедно се вратило во Мумбај. На 30 патници, кои крвавеле од уши и нос, им е била укажана медицинска помош. Според податоците од индискиот Генерален директорат за цивилно воздухопловство, делот во авионот каде се наоѓаат патниците не бил херметички затворен за време на летот. Авиокомпанијата соопшти дека вработените, кои биле во авионот, ќе бидат суспендирани, додека трае истрагата на случајот.

ФОТО: 16 загинати во пожар во трговскиот центар „Камала Милз”

Ивона Петрова — Fri, 29 Dec 2017 08:04:13 +0000

Шеснаесет лица загинаа и над 30 се повредени во пожар во ресторан во трговскиот центар „Камала Милз" во индиската финансиска престолнина Мумбаи, соопшти локалната полиција. Пожарот пламнал во ресторанот, кој се наоѓа на покривот на четирикатница, брзо ја зафатил целата зграда, информираат локални медиуми, повикувајќи се на полициски извор. Според првичните податоци, пожарот бил предизвикан од краток спој, соопшти телевизијата Ен-Ди-Ти-Ви. Според неа, некои ресторани и продавници кои се наоѓаат во комплексот, не ги почитувале мерките за безбедност. Во гаснењето на огнот, кој траеше повеќе од пет часа, учествувале осум пожарни возила.