мундијал русија – Kurir.mk

Агуеро ќе биде подготвен за Мундијалот

Дарко Андоновски — Sat, 05 May 2018 07:07:44 +0000

Тренерот на Манчестер сити, Пеп Гвардиола, соопшти дека заздравувањето на Серхио Агуеро по хируршкиот зафат на коленото тече според планот и дека аргентинскиот фудбалер во целост ќе биде подготвен за Светското првенство во Русија, кое почнува на 14 јуни. Агуеро го повреди десното колено во почетокот на март, но Сити и без него успеа да ја освои титулата во Премиер лигата. Поради повредата неизвесно беше дали ќе настапи и за репрезентацијата на Аргентина на Светското првенство.

- Агуеро ќе биде подготвен за Мундијалот. Добив информации од докторот Рамон Кугат од Барселона и Серхио одлично напредува, истакна Гвардиола.

Аргентина на Светското првенство во Русија игра во групата Д, а противници ќе и бидат Хрватска, Исланд и Нигерија.

Нејмар оптимист кога е во прашање неговиот настап на Мундијалот

Ивона Петрова — Wed, 18 Apr 2018 07:44:40 +0000

Фудбалерот на ПСЖ и бразилски репрезентативец Нејмар верува дека ќе биде подготвен за настап на Мундијалот. Нејмар поради повреда е надвор од терените веќе два месеца и закрепнува во татковината. - Очекувам да се вратам на теренот во некаде во средината на мај. Се зависи од лекарите кои ќе го имаат последниот збор. Засега се се одвива според планираното. Ветувам дека ќе бидам подготвен за СП и ќе бидам подобар од пред повредата. Бразил подготовките за Мундијалот во Русија ќе ги почне на 21 мај. Фудбалскиот шампионат во Русија ќе се игра од 14 јуни до 15 јули.

Австралија ја разгледува опцијата за дипломатски бојкот на Мундијалот во Русија

Ивона Петрова — Tue, 27 Mar 2018 07:28:30 +0000

Австралиските власти ја разгледуваат можноста за бојкот за Светското фудбалско првенство 2018, објави „Фокс Спорт“ повикувајќи се на министерот за надворешни работи, Џули Бишоп. Како што се наведува, австралиското Министерство за надворешни работи ќе одржува контакти со британските колеги и сојузници во ситуацијата со труење на поранешниот руски шпион Сергеј Скрипал. Претходно, британскиот премиер Тереза Меј рече дека земјата ќе го намали нивото на делегацијата на Светското првенство поради обвинувањата на Русија за вмешаност во труење на Скрипал. Високи функционери и претставници на кралското семејство нема да одат во Русија. Дипломатски бојкот најавија и претставниците на Исланд. Фудбалскиот Мундијал ќе се игра во Русија од 14 јуни до 15 јули.

Претседателот на Полска одби да присуствува на свеченото отворање на СП во Русија

Ивона Петрова — Tue, 20 Mar 2018 13:43:57 +0000

Полскиот претседател Анджеј Дуда одлучи да не патува за Русија за церемонијата на Свеченото отворање на Светското фудбалско првенство 2018. Претходно во медиумите можен бојкот на турнирот најавија претставниците на Велика Британија и на Исланд. Фудбалскиот Мундијал ќе се одржи од 14 јуни до 15 јули во 11 градови во Русија. Полска е во групата Х заедно со Сенегал, Колумбија и Јапонија.

Преку четири милиони билети продадени за Мундијалот во Русија

Ивона Петрова — Wed, 31 Jan 2018 14:52:49 +0000

За Светското фудбалско првенство во Русија до сега се продадени повеќе од четири милиони билети. Повеќето се купени од руски навивачи, а од странските најзаинтересирани се од Германија, а по нив следуваат фановите од Аргентина и од Мексико. Втората етапа на продажба започна на 5 декември 2017 година и е поделена на две фази, првата до денеска, а втората од 31 март до 3 април. Светското првенство во Русија ќе се одржи од 14 јуни до 15 јули.