мундијали – Kurir.mk

Македонија на Мундијалите: Катар го помниме по добро, Египет веќе го заборавивме

Ристе Здравков — Fri, 13 Jan 2023 14:21:27 +0000

Ракометната репрезентација на Македонија денеска со мечот против Норвешка ќе го стартува настапот на Светското првенство кое се игра во Полска и Шведска. За „црвено-жолтите“ ова е осмо учество на мундијалите, а веќе петто во низа. Македонската репрезентација пред почеток е на своето осмо Светско првенство во историјата, второ кое ќе брои 32 репрезентации. Низ историјата Македонија била дел од седум Мундијали. Првото учество го имавме во далечната 1999 година, кога го остваривме и вториот најлош пласман, заземајќи го осумнаесеттото место. Пред две години исто така на египетско тло бевме 23. од 34. селекции. По нашето деби второ учество на светските првенства беше десет години подоцна. Во Хрватска издвојувавме пет победи (рекорд), кои беа доволни за пласман на единаесеттата позиција. По отсуството во Шведска 2011 година, македонските репрезентативци врзаа пет учества во низа, вклучувајќи го и овогодишното. Најдобар пласман имавме во Катар 2015 година кога завршивме како деветти, но разочарувањето останува бидејќи по групната фаза бевме втори, а учеството го завршивме веќе во првата нокаут елиминација. извор: ekipa.mk

Македонија има одличен скор во првите мечеви на Светските првенства

Ристе Здравков — Fri, 13 Jan 2023 13:33:07 +0000

Ракометната репрезентација на Македонија со мечот меѓу Норвешка вечерва ќе го стартува осмото Светско првенство кое се одржува во Шведска и Полска. Во групата која се игра во Краков, Македонија за прв противник ги има Норвежаните кои се број еден фаворити во нашиот сегмент. Во историјата Македонија одлично ги отворала Мундијалите, а во премиерниот мечеви има скор од пет победи и два порази. Двата го победувавме Тунис (2015 и 2017). На нашето прво учество во 1999 година бевме подобри од Саудиска Арабија, а останатите две победи ни се против Чиле (2013) и Бахраин (2019). Двата порази ни се од Тунис (2009) како и катастрофата која ја имавме против Шведска на минатиот шампионат. Натпреварот кој ќе се игра меѓу Македонија и Норвешка во полски Краков е закажан за 20.30 часот.

Осминафиналето на СП 2022 најефикасно во историјата на Мундијалите

Тале Кристо — Wed, 07 Dec 2022 08:51:10 +0000

На осум натпревари од осминафиналната фаза на Светското првенствои 2022 во Катар беа постигнати 28 голови. Ова е рекорд во оваа фаза во историјата на фудбалските Мундијали откако беше воведен во 1986 година. Најефикасен натпревар во 1/8 финалето на СП 2022 беше синоќешниот меѓу Португалија и Швајцарија (6:1), на кој беа постигнати седум гола. Четвртфиналната фаза ќе почне в петок. Двојки за четвртфиналето: Хрватска – Бразил (9 декември) Холандија – Аргентина (9 декември) Мароко – Португалија (10 декември) Англија – Франција (10 декември).