Претседателот на МОК ќе биде меѓу гостите на Мундијалот во Катар

Дарко Андоновски — Sat, 01 Oct 2022 13:28:53 +0000

Претседателот на Меѓународниот олимписки комитет (МОК) Томас Бах најави дека ќе патува на Светското фудбалско првенство во Катар и со тоа ги отфрли повиците за бојкот на Мундијалот што на крајот на ноември ќе почне во оваа арапска држава, –Ќе бидам во Катар на отворањето и финалето на Мундијалот, изјави Бах, кој присуствуваше и на светските првенства 2014 во Бразил и 2018 во Русија. Одговарајќи на прашање поврзано со апелите за бојкот на Мундијалот поради тешките услови за работа на странските мигранти, ограничувањето на човековите права и заштитата на животната средина во Катар, првиот човек на олимпиското движење го отфрли самиот принцип на бојкот на спортските натпревари. –Нашиот став е апсолутно јасен: главните спортски настани, а особено Олимписките игри, постојат за да го обединат светот, а не го делат, изјави Бах.

Рекорден интерес за билети за Мундијалот во Катар

Ивана Ефремовски — Wed, 22 Jun 2022 20:09:25 +0000

Бројот на продадени влезници за Светското фудбалско првенство во Катар, по завршување на втората фаза од продажбата, изнесува 1.2 милиони билети, соопшти денеска генералниот секретар на Организацискиот одбор Хасан Ал-Тавади. -Мислам дека побарувачката е рекордно висока. Луѓето купуваат (влезници) и се радуваат на доаѓањето, рече Ал – Тавади во говорот на катарскиот економски форум во Доха. Здружението на навивачи претходно изразија загриженост поради високите цени на авионските билети и хотелското сместување, како и поради почитувањето на човековите права во Катар. -Се обидуваме да создадеме опкружување во кое економијата има корист, но тоа да биде исплатливо и достапно за навивачите, што не е секогаш лесно да се избалансира, посочи Ал-Тавади. (МИА)

Мундијалот во Катар – Kurir.mk

Претседателот на МОК ќе биде меѓу гостите на Мундијалот во Катар

Рекорден интерес за билети за Мундијалот во Катар