Мундобасет 2023 – Kurir.mk

СП 2023: Канада го елиминираше светскиот шампион Шпанија

Бошко Тасиќ — Sun, 03 Sep 2023 15:50:06 +0000

Кошаркарската репрезентација на Канада уште еднаш потврди зошто се вбројува меѓу најдобрите екипи на Мундобаскетот затоа што го совлада светскиот шампион Шпанија (86-88) и така светот ќе добие нов кошаркарски владетел. „Фуријата“ имаше 12 поени предност пред влезот во последната четвртина, беше 73-61 за европската селекција. А, потоа, Канада во живот ја вратија Шеј Гилџус-Александер и Дилон Брукс, кои со своето НБА-искуство блескаа на теренот. Двајцата заедно постигнаа 52 поени во кошот на Шпанците, кои беа доста кофнузни во нападот во клучните моменти, а последната четвртина ја завршија со само 12 уфрлени поени. Шпанците ја предадоа круната, а Канада ќе игра со Словенија на Лука Дончиќ. Гилџус-Александер мечот го заврши со 30 поени, пред Брукс со 22 поени, додека Ер-Џеј Берет финишира со 16 поени. Кај Шпанците, не помогнаа 25-те поени на Хернангомез, Алдама постигна 20 поени, а Абринес реализира 11 поени.

СП 2023: Летонија решение и за моќната Шпанија

Бошко Тасиќ — Fri, 01 Sep 2023 17:12:32 +0000

Летонија приреди втора сензација на Светското првенство и оствари огромна победа над „фуријата“, остварена со резултат 74:69. Шпанија имаше предност на полувреме, отиде и со двоцифрена позитива во третата четвртина, но Летонците покажаа завидна упорност и на крајот беа наградени за тоа. Аутсајдерот покажа импресисвен карактер и со борбен тимски дѕх се врати во игра, па така во последните десет минути режираше фантастичен пресврт и добивајќи го овој период до 27:11 му зема скалп на еден од фаворитите за највисок пласман. Бертанс со 16 поени беше лидер во победничкиот тим, но имаше огромна поддршка и од Куруч со 13, како и Гражулис и Шмитс со 11 поени.

Сега и Костас Адетокумбо отпадна од списокот на Грците за СП

Бошко Тасиќ — Mon, 14 Aug 2023 04:01:53 +0000

Кошаркарската репрезентација на Грција претрпе неверојатен удар пред Мундобаскетот, бидејќи својот настап поради повреда го откажа првата ѕвезда Јанис Адетокумбо. Селекторот Димитрис Итудис мораше пак да „крати“ од списокот, а од него отпаднаа уште две имиња. Се работи за братот на Јанис, Костас Адетокумбо кој не успеа да заздраве навреме од операцијата. Покрај него, со тимот на подготовките во Абу Даби нема да патува ниту Василис Толиопулос од Арис.

Словенија со моќен тим ќе настапи на Мундобаскетот (ФОТО)

Бошко Тасиќ — Mon, 03 Jul 2023 13:44:00 +0000

Селекторот на словенечката кошаркарска репрезентација Александар Секулиќ го објави поширокиот список на играчи за следното Светско првенство. Словенија секако ќе цели кон искачување на светскиот врв, со оглед на фактот на кои кошаркари ќе смета селекторот Секулиќ. Европскиот шампион од 2017 година го предводи НБА суперѕвездата Лука Дончиќ, а покрај него е шампионот со Денвер, Влатко Чанчар. Во овој словенечки тим има и двајца Американци, Џордан Морган и Мајк Тоби.