Мундобаскет 2023 – Kurir.mk

Канада по голема драма до третото место на Мундобаскетот

Бошко Тасиќ — Sun, 10 Sep 2023 10:44:49 +0000

Кошаркарската селекција на САД остана без ниту еден медал на Светкото првенство, откако во малото финале против Канада по голема драма и продолжение загуби со 127-118 и така Мундобаскетот го завршива на четвртото место. Најдобар поединец во таборот на бронзената селекција е Брукс со 39 поени, додека првата ѕвезда на Канада, Шаи Гилгеус-Александар заврши со 31 поени и 12 асистенции. За САД најефикасен беше Едвардс со 24 поени. Во битката за златниот медал ќе се сретнет селекциите на Србија и Германија.

Србија и Германија во борба за кошаркарскиот трон на Мундобаскетот

Бошко Тасиќ — Sun, 10 Sep 2023 07:22:40 +0000

Кошаркарските репрезентаии на Србија и Германиј ќе се сретнат во финалето на Светското првенство во кошарка кое во изминатиот период се играше во Филипини, Јапонија и Индонезија. И покрај отсуството на своите први две ѕвезди Никола Јокиќ и Василије Мициќ и големото потценување на Светислав Пешиќ, Србите сепак успеаја да стигнат до финалето и покрај сите очекувања. За противник Србите ќе ја имаат Германија која е репрезентација која убедливо највеќе покажа на овој шампионат. Само еден слаб натпревар, оној во четвртфиналето против Летонија и максимален учинок на шампионатот на кој се очекува да испишат историја и да стигнат до својот прв трофеј. Натпреварот кој ќе го даде новиот светски шампион е со почеток во 14.40 часот, а од 10.30 САД и Канада ќе играат за бронзата.

СП 2023: Србија ја демолира Канада и се пласира во големото финале

Бошко Тасиќ — Fri, 08 Sep 2023 12:56:10 +0000

Репрезентацијата на Србија е првиот патник во големото финале од Светското првенство. „Орлите“ во полуфиналната пресметка со Канада беа апсолутно подобар противник и сосема заслужено славеа со резултат 95-86. Најефикасен во победничкиот табор беше Богдан Богдановиќ со 23 поени, а ист скор имаше и Ар Џеј Берет од Канада. Србија во големото финале го чека подобриот од дуелот меѓу САД и Германија. Американците се големи фаворити во второто полуфинале и голема е веројатноста дека токму тие ќе бидат противници на феноменалниот српски тим.

Димитрис Итудис веќе нема да биде селектор на Грција

Бошко Тасиќ — Fri, 08 Sep 2023 04:56:10 +0000

Кошаркарите на Грција имаа катастрофален настап на Светското првенство. Завршија во 2. фаза, и како 15-ти тим на турнирот. Сметката за лошиот настап и лошите резултати ќе ја плати селекторот Димитрис Итудис. Итудис одличил да поднесе оставка по разочарувачкиот настап на селекцијата на Мундобаскетот, тврдат грчките медиуми. Актуелниот тренер на Фернебахче сака да се посвети само на клупската кариера, и да го намали притисокот на себе водејќи и клуб и репрезенатција. Наводно Итудис веќе го информирал претседателот на грчката федерација Вангелис Лоилиос за неговиот потег, кој ќе биде официјализиран во следните неколку дена.

НОВА ТРАГЕДИЈА НА МУНДОБАСКЕТОТ: Почина физиотерапевтот на Доминиканската Република

Бошко Тасиќ — Wed, 06 Sep 2023 16:14:50 +0000

Нова трагична вест пристигна од Светското првенство во кошарка. Додека српскиот кошаркар Бориша Симаниќ е во болница и успешно се опоравува од повредата заработена на мечот со Јужен Судан, поради која остана без бубрег, ФИБА објави тажна вест – физиотерапевтот на Доминиканската Република, Бладимир Регаладо, почина за време на Мундобаскетот. – Целиот тим на ФИБА упатува искрено сочувство до тимот на Доминиканската Република и семејството на тимскиот физиотерапевт Бладимир Регаладо, кој трагично почина додека патуваше дома од Светското првенство. Почивај во мир – се вели во соопштението на ФИБА.

Канада ја победи Словенија и се пласира во полуфиналето на Мундобаскетот

Бошко Тасиќ — Wed, 06 Sep 2023 16:07:43 +0000

Канада со 100-89 ја победи Словенија и обезбеди полуфинале на Светското првенство, поразот на Словенците значи пласман на Србија на Олимписките игри. Канада покажа дека е посилна селекција од Словенија и заслужено дојде до триумф. Клучна беше третата четвртина која Канаѓаните ја добија со 30-21. Првите две четвртини беа тесни, на одморот се замина со нерешено 50-50, но потоа Канаѓаните го кренаа нивото и дојдоа до триумф од 100-89. Нервозниот Дончиќ предвреме го заврши мечот поради две технички грешки. Тој постигна 26 поени на натпреварот. Најефикасен беше Жилжус Александер со 31 поен, имаше и 10 скокови. Поразот на Словенија донесе радост во Србија затоа што оваа селекција се пласираше на Олимписките игри. Од ова Светско првенство двете најдобри селекции од Европа обезбедуваа место на Олимпијадата во Париз, тоа се Германија и Србија. Во полуфиналето Канада ќе игра токму против Србија, а другиот полуфинален меч е дуелот меѓу САД и Германија.

Стив Кер: Можеме да учиме од Србија

Бошко Тасиќ — Wed, 06 Sep 2023 04:08:05 +0000

Американскиот стратег Стив Кер се осврна и на другите ривали на Мундобаскетот и ја истакна Србија како исклучително силен и сериозен тим, од кој треба да стравуваат сите противници. „Одигравме одличен меч и мислам дека дефанзивно ова беше најдоброто наше издание досега. Момчињата ги заслужуваат сите пофалби, затоа што одиграа брилијантно. Одиме натаму и се фокусираме на полуфиналето. Повеќе нема слаби противници и сите можат да стигнат до златниот медал. Одличен впечаток ми остави селекцијата на Србија. Погледнете како играат без двете главни ѕвезди во тимот. Уште еднаш се потврдува фактот дека со добра организација и „хемија“, секој може да биде успешен. Ако не се лажам, Србија не беше ниту во првите десет фаворити пред почетокот на турнирот, но видете до каде стигнаа. Ние можеме многу да научиме од нив. Некогаш сме полежерни во одбраната, а денес токму силната дефанзива ѝ дозволи на Србија да ја уништи Литванија. Мора да продолжиме во сличен ритам и да бидеме уште поцврсти. Остануваат уште малку натпревари, блиску сме до целта и сакаме да ја оствариме“, заклучи Стив Кер.

Познати пет учесници на олимпискиот кошаркарски турнир во Париз

Бошко Тасиќ — Tue, 05 Sep 2023 04:17:00 +0000

Со конечниот пласман искористен за одредување на квалификациите за Олимписките игри во Париз 2024 и Олимписките квалификациски турнири, вкупно пет репрезентации се пласираа на директните места на Олимписките игри како најдобро рангирани тимови од нивните континенти. Канада и Соединетите Американски Држаив ги добија двата директни билети за Олимпијадата резервирани за Америка поради пласманот во четвртфиналето, а другите три нации во трката – Бразил, Доминиканската Република и Порторико, беа елиминирани во второто коло. Претходно, Австралија стана првата селекција која обезбеди пласман на Олимпијадата како единствена селекција од Океанија која се пласираше од втората рунда. Во меѓувреме, Јужен Судан и кодомаќинот на Светското првенство Јапонија се квалификуваа како најдобри селекции во нивните региони на Африка и Азија во класификациските мечеви за пласман од 17. до 32. позиција на шампионатот. Франција, како домаќин на Олимписките игри, автоматски се квалификува. Судбината на двата преостанати директни билети за Париз 2024 за европските тимови ќе биде решена во финалната фаза, при што на сите осум учесници во четвртфиналето ќе им биде гарантирано, минимум, место на Олимписките квалификациски турнири на ФИБА.

Пет кандидати во игра за најдобар млад играч на Светското првенство

Бошко Тасиќ — Mon, 04 Sep 2023 17:35:55 +0000

Светската кошаркарска федерација (ФИБА) ги објави имињата на сите млади играчи кои ќе бидат во конкуренција за наградата која му припаѓа на најдобриот млад играч, а тука се најде и српскиот репрезентативец, Никола Јовиќ. Нему друштво му прават уште Џош Гиди од Австралија, Американецот Паоло Банкеро, Усман Гаруба и Хуан Нуњез од Шпанија, како и Жан Монтеро од Доминиканската Република. Сите овие играчи прикажаа одлични партии за своите репрезентации и оваа „трка“ ќе биде навистина интересна. Се претпоставува дека наградата ќе замине кај играчот кој ќе има најдолг престој на турнирот, а според најавената листа, најголеми шанси за ова признание има Србинот Никола Јовиќ, кој досега забележа просек од 11,2 поени, 2,6 скока и 3,4 асистенции по натпревар. Најдобриот млад кошаркар на Светското првенство ќе биде прогласен веднаш по завршувањето на финалниот натпревар, кој е закажан за 10 септември, со почеток во 14:40 часот по македонско време.

УЖАСНИ ВЕСТИ ОД СРБИЈА: Симаниќ остана без бубрег при настапот на Мундобаскет

Бошко Тасиќ — Mon, 04 Sep 2023 04:13:02 +0000

Српските кошаркари обезбедија пласман во четвртфиналето од Мундобаскет, но вечерва од Филипините стигнува лоша вест – дека Бориша Симаниќ останал без бубрег по тешката повреда заработена на мечот со Јужен Судан. Симаниќ настрада при еден дуел со екс-кошаркарот на МЗТ Скопје, Нуни Омот (кој подоцна јавно му се извини), па мораше итно да биде опериран пред неколку дена. Првичните информации велеа дека состојбата по хируршкиот зафат му е стабилна и дека се враќаат основните функции на бубрегот, но ситуацијата во меѓувреме се искомпликувала. Како што вечерва објавуваат бројни српски медиуми, на Симаниќ во текот на денешниот ден морал да му биде отстранет повредениот бубрег, информација што во изјава за Спортклуб ја потврди и екс-тренерот на Партизан, Душко Вујошевиќ. „Не знам колку знаете, дека Бориша Симаниќ останал без бубрег… Тоа е тешка вест, бидејќи јас исто така имам сериозни проблеми со бубрезите. Знам дека и со еден бубрег може нормално да се живее, но воопшто не е лесно. Она што му се случи на Симаниќ не погоди сите што сме дел од српската кошарка, искрено верувам дека тој ќе продолжи со нормално живеење, да се занимава со спорт. Јас лично му посакувам се најдобро“, изјави Вујошевиќ за „Спорт клуб“.