мундобаскет – Kurir.mk

Лендејл нема да настапи за Австралија на Мундобаскетот

Бошко Тасиќ — Fri, 18 Aug 2023 04:01:33 +0000

Џок Лендејл дефинитивно нема да отпатува со репрезентацијата на Австралија на претстојниот Мундобаскет кој ќе се игра во Јапонија Индонезија и на Филипини. Поранешниот центар на белградски Партизан се повреди на натпреварот против Јужен Судан и го оштети скочниот зглоб. Лендејл го напушти теренот по само пет минути игра и беше јасно дека ќе мора да паузира извесно време. Ова е голем удар за „кенгурите“ кои сериозно сметаа на Лендејл и ќе мораат да прават нови планови за играта без него во тимот. Селекторот на Австралија, Брајан Гуријан, изјави дека сите ја прифатиле реалната ситуација и ќе продолжат како тој воопшто да не бил дел од тимот. „Ќе се однесуваме како Лендејл да не бил со нас на подготовките. Мора да направиме одредени промени во играта, но мислам дека имаме шанси за солиден настап. Најважно е сите други да останат здрави и да се претставиме во одлично светло“, заклучи Гуријан.

Словенија ослабена пред Мундобаскетот (ВИДЕО)

Бошко Тасиќ — Sun, 06 Aug 2023 06:53:54 +0000

Словенечкиот репрезентативец и член на Денвер Нагетс од НБА лигата, Влатко Чанчар, заработи сериозна повреда на пријателскиот натпревар со Грција и дефинитивно нема да патува со „змајчеки“ на Светското првенство. Чанчар тргна во силно забивање и успеа во намерата, но при доскокот заработи тешка повреда на вркстените лигаменти, која ќе го оддалечи од терените во следните шест до осум месеци. https://twitter.com/i/status/1687527433061203977

Канада пред Мундобаскетот останува без Мареј

Бошко Тасиќ — Thu, 03 Aug 2023 03:55:44 +0000

Кошаркарот на Денвер, Џамал Мареј, би можел да го пропушти претстојниот Мундијал поради повреда. Ова за Баскетњуз го изјави генералниот директор на Кошаркарскиот сојуз на Канада, Роуан Барет. Мареј минатата сезона со Денвер ја освои титулата во НБА лигата. Во сезоната имаше просек од 20 поени, четири скока и 6,2 асистенции по натпревар. Канадската репрезентација ги започна подготовките за Мундобаскетот, а најдобриот играч на оваа селекција е неизвесен на СП кое од 25 август до 10 септември ќе се одржи во Јапонија, Индонезија и Филипини. Мареј тренираше со соиграчите од канадската репрезентација, а Барет истакна дека лекарскиот тим ќе ја донесе конечната одлука.

Американците го комплетираа најлошиот дрим-тим за настап на кошаркарскиот Мундијал

Бошко Тасиќ — Mon, 03 Jul 2023 06:29:05 +0000

Американците ќе играат не со најдобриот или со вториот, туку можеби и со третиот и четвртиот најдобар селекција која може да се направи во моментов, покажувајќи дека не се премногу заинтересирани за Мундобаскетите. Челниците на оваа репрезентација денеска го објавија списокот на целата репрезентација, во која нема буквално ниту една голема ѕвезда од НБА. Бекот на Њујорк никс, Џош Харт, е последните кошаркар кој доби повик за настап на СП, со што им се приклучи на претходно ангажираните Тајрис Халибуртон, Џејлен Брансон, Ентони Едвардс, Остин Ривс, Микел Бриџис, Кем Џонсон, Брендон Инграм, Паоло Банкеро, Џерен Џексон јуниор, Боби Портис и Вокер Кеслер. Најдобриот светски собир почнува на 25 август, а ќе заврши со финалето на 10 септември во Манила.

ФИБА го објасни системот за квалификации за пласман на кошаркарскиот Мундобаскетот

Бошко Тасиќ — Sat, 28 Aug 2021 06:55:28 +0000

Квалификациите за Светското првенство во кошарка ќе се играат во две фази од по три прозора, во периодот од ноември 2021 до февруари 2023 година. ФИБА одлучи малку да го промени системот, па во првата, 32 репрезентации во европските квалификации ќе бидат поделени во осум групи од по четири. Првопласираните три од секоја група одат во следната фаза каде се спојуваат со друга и ги пренесуваат бодовите од првата фаза. Тоа значи дека во втората етапа ќе има четири групи од по шест репрезентации, но нема да се почнува од „нула“. Пласман на Мундобаскетот обезбедуваат првопласираните три репрезентации од новоформираните групи, односно од втората фаза. Првата етапа ќе се игра во три прозорци: од 20 до 30 ноември 2021, од 21 февруари до 1 март 2022 и од 27 јуни до 5 јули 2022 година. Во втората етапа ќе се игра од 22 септември до 30 август 2022, од 7 до 15 ноември 2022 и од 20 до 28 февруари 2023 година, со по два натпревара во секој прозорец. Ждрепката за квалификациите за Светското првенство ќе се одржи на 31 август, а на неа првпат во историјата ќе учествува и македонската репрезентација.

Полска со максимални три победи ја заврши групната фаза на Мунбаскетот

Ивона Петрова — Wed, 04 Sep 2019 10:39:22 +0000

Репрезентацијата на Полска попладнево ја совлада селекцијата на Брегот на Слоновата коска со 80:63 во натпревар од третото коло од групната фаза на Светското кошаркарско првенство. Полските кошаркари ги победија сите три меча во групата и од првото место одат во следната фаза. За второто место во А-сегменот во директен дуел ќе одлучуваат домаќинот на шампионатот Кина и Венецуела. Овој меч почнува во 14 часот.

Попович назначи тројца капитени за настапите на Мундобаскет

Ивона Петрова — Fri, 23 Aug 2019 07:13:47 +0000

Кошаркарската репрезентација на Соединетите Американски Држави ќе има тројца капитени на Светското кошаркарско првенство во Кина. Капитени на американскиот тим на Мундијалот 2019 ќе бидат Кемба Вокер и Маркус Смарт од Бостон и Донован Мичел од Јута. Американците се во група со Турција, Чешка и Јапонија. Селекторот Грег Попович сè уште не ја објави конечната листа со 12 играчи кои ќе настапат на Мундијалот.