мурињо – Kurir.mk

Тотенхем елиминиран од ФА купот: Мурињо вели дека се било како игра на „мачка и глушец“

Тале Кристо — Thu, 11 Feb 2021 07:30:38 +0000

Тренерот на Тотенхем, Жозе Мурињо, даде интересен коментар за играта на неговиот тим по поразот од Евертон (4:5 по продолженија) синоќа во финалето на осминафиналето од ФА купот. – Јас сум и задоволен и незадоволен од натпреварот. Работевме добро со топката, создадовме шанси, погодивме, покажавме карактер. Проблемот е во тоа што напаѓачкиот фудбал носи победа кога тимот не прави повеќе грешки отколку што создава. Постигнавме четири гола и тоа не беше доволно. Сè беше како игра на „мачка и глушец“. Глувчето беше нашите грешке, а фудбалерите, како мачки, се обидоа да се ослободат од нив, го цитира „Goal“ Мурињо. Покрај Евертон пласман помеѓу осумте најдобри досега изборија уште и: Борнмут, Манчестер сити, Манчестер јунајтед, Шефилд јунајтед и Лестер.

Тотенхем поразен на домашен терен од Челзи: Мурињо вели изгубиле поради непостоечки пенал!

Тале Кристо — Fri, 05 Feb 2021 07:08:33 +0000

Тренерот на Тотенхем, Жозе Мурињо го коментираше поразот од Челзи (0:1) синоќа во мечот од 22. коло во Премиер лигата. – Челзи имаше многу шанси, вистина е. Ние не ја поседувавме топката, не создадовме ништо во првото полувреме. Сепак, многу е тешко да се прифати пеналот што беше досуден на нашата штета. Како резултат, овој момент беше решен исходот на натпреварот. Челзи победи поради пенал, кој всушност не постоеше, изјави Мурињо за „Гол“. По овој пораз Тотенхем се најде на 8. место во поредокот во Премиер лигата со 33 бода. За прв пат во кариерата, тимот на Мурињо загуби два домашни натпревари по ред.

Мурињо по поразот од Брајтон вели дека Тотенхем заслужи повеќе

Тале Кристо — Mon, 01 Feb 2021 06:55:37 +0000

Тренерот на Тотенхем, Жозе Мурињо рече дека неговиот тим не заслужи да загуби од Брајтон, вчеравечер во натпреварот од 21. коло на шампионатот во Англија. Домаќините победија со 1:0 нанесувајќи му го на Спарс петтиот пораз сезонава. – Видов две различни полувремиња. Направивме две грешки по ред – еднаш ја погодија стативата, а вториот пат постигнаа гол. Во второто полувреме, за 25-30 минути видов тим со душа, тим кој беше подготвен да даде сè. Заслуживме повеќе од она што го добивме. Второто полувреме се одвиваше поинаку, бевме расположени, момците многу се обидуваа. Имаше малку замор, но јас заминувам со позитивно чувство, изјави Мурињо за „Скај Спорт“. По овој натпревар, Тотенхем со 33 бода е на шестото место во поредокот во Премиер лигата, додека Брајтон со 21 поен – на 17-то место.

Мурињо: Кога лошо се однесував, платив за тоа!

Тале Кристо — Thu, 28 Jan 2021 10:28:03 +0000

Тренерот на Тотенхем, Жозе Мурињо го обвини раководството на Премиер лигата за двојни аршини. Тој верува дека другите тренери во лигата се третираат подобро од него. – Она што можам да го кажам е дека кога лошо се однесував, платив за тоа. И платив на два начина: прво гледав натпревари на ТВ во соблекувалната и второ платив огромни казни. Се чувствувам како за некои други момци да важат казните. Ова не им се случува нив. Ако судиите и резервниот арбитер се тука за да ја завршат оваа работа, се надевам дека ќе го сторат тоа и ќе постапат како што треба. Се чувствувам како да се сменив. Станав подобар во контролирањето на моите емоции, станав помирен, а исто така научив подобро да ја следам играта. Чувствував дека морам да го променам однесувањето и многу сум среќен поради тоа. Ова е случај со мене. Не можам да зборувам за другите, изјави Мурињо. Изјавата на Мурињо доаѓа пред вечерашното дерби (21 часот) со Ливерпул и пресметката со неговиот „лут“ ривал на тренерското место на „црвените“ Јирген Клоп кој исто како и Португалецот знае да биде многу темпераментен крај аут линијата.

Ширер: Мурињо го донесе Тотенхем во финалето на Купот, го смени менталитетот на тимот

Тале Кристо — Mon, 11 Jan 2021 13:12:20 +0000

Поранешниот англиски репрезентативец, Алан Ширер искажа пофални зборови за настапите на Тотенхем под водство на Жозе Мурињо. – Со Мурињо на тренерската позиција Тотенхем веќе се пласира до едно финале (англиски Лига куп), тимот игра добро во Премеир лигата и ќе продолжи да се развива. Има промена во менталитетот на играчите, изјави Ширер. Жозе Мурињо беше назначен за тренер на Тотенхем во ноември 2019 година. „Спарс“ по 17 кола во Премиер лигата се на 4. место со 29 бода и натпревар помалку. Пред Тотенхем се Лестер со 32, Манчестер јунајтед со 33 и Ливерпул исто така со 33 бода.

Мурињо смета дека немал доволно време во Манчестер јунајтед

Тале Кристо — Wed, 16 Dec 2020 08:04:50 +0000

Тренерот на Тотенхем, Жозе Мурињо изјави дека му било потребно повеќе време во Манчестер јунајтед. Португалецот соработуваше со „црвените ѓаволи“ од јули 2016 година до декември 2018 година. – Во одредени периоди од мојата кариера, не требаше долго за да се постигне успех. Така беше и во Порто, Интер, Реал Мадрид, Челзи. Првиот клуб во кој чувствував дека ми треба време и дека времето не е достапно беше Манчестер јунајтед. Тогаш се чувствував како да заминувам на сред патување, но научив многу рано да ги почитувам одлуките. Она што е направено е готово, да продолжиме понатаму. Ова го кажувам со гордост кога ќе ги напуштам клубовите, истакна Мурињо. Португалецот се приклучи на Тотенхем 11 месеци по заминувањето од Манчестер јунајтед. Во моментов Тотенхем е лидер во Премиер лигата со 25 бода по 12 кола.

Мурињо по дуелот со Барнли: 6:1 или 1:0 најважно е освоени се трите бода

Тале Кристо — Tue, 27 Oct 2020 07:39:25 +0000

Тотенхем синоќа го совлада Барнли на гостински терен со 1:0 и стигна до третата победа по шест одиграни кола во англиската Премиер лига. Тренерот на Спарс, Жозе Мурињо е задоволен од победата исто како и по дуелот со Манчестер јунајтед којшто неговиот тим го доби со 6:1. – 6:1 или 1:0 – тоа се три бода, затоа сум среќен, како по победата над Манчестер јунајтед на „Олд Трафорд“. Пред натпреварот реков дека ова не е меч за убав фудбал или игра за постигнување на многу голови. Предводникот на Барнли знае како да организира тим и да ги сопре најдобрите тимови. Пресреќен сум поради победата, бидејќи тоа беше типичен натпревар во кој лесно може да изгубите два бода, изјави Мурињо за Би-би-си. Тотенхем е петти на табелата со 11 бода, два помалку од водечките Евертон и Ливерпул.

Мурињо се извини на Саутгејт заради погрешна употреба на неговото име

Тале Кристо — Tue, 06 Oct 2020 06:51:02 +0000

Тренерот на Тотенхем, Жозе Мурињо му се извини на селекторот на Англија, Герет Саутгејт затоа што го нарече со погрешно име Гери. Претходно разговарав со Саутгејт, но сакам да и кажам на јавноста за тоа. Кога му реков „Гери“ на Саутгејт, му објаснив дека, живеејќи толку години во Англија, секогаш бев убеден дека тоа е кратенка од Герет. Му се јавив на Гери и му се извинив и сакам ова да го објавам апсолутно отворено, бидејќи имам само почит кон Саутгејт, изјави Мурињо за „Talksport“. Вербалната војна меѓу Мурињо и Саутгејт настана по повикот на Хари Кејн во репрезентацијата. Мурињо бараше играчот на Тотенхем да биде изземен поради големиот број натпревари во кус период.

Мурињо: Скандалозна одлука за укинување на суспензијата на Сити

Тале Кристо — Tue, 14 Jul 2020 17:54:36 +0000

Тренерот на Тотенхем, Жозе Мурињо, изјави дека одлуката за укинување на суспензијата на Манчестер Сити е срамна и катастрофална. – Ако Манчестер Сити не е виновен, тогаш е срамно да се казни со милион. Ако не сте виновни, тогаш не сте ни казнети. Од друга страна, ако сте виновни, треба да бидете суспендирани. Во секој случај, ова е катастрофа, рече Мурињо, пренесе „Скај“. Арбитражниот спортски суд (КАС) во Лозана вчера ја прифати жалбата на Манчестер Сити за суспензија на две години од европските натпреварувања. УЕФА го суспендираше Сити во февруари поради сериозно кршење на правилата за фер-плеј помеѓу 2012 и 2016 година. Сити поднесе жалба, а КАС ја прифати жалбата, велејќи дека одлуката на УЕФА е „неоснована и застарена“. Исто така, казната е намалена од 30 милиони евра на 10. – Не велам дека е виновен Манчестер Сити. Јас велам, ако не си виновен, тогаш не плаќаш. Дури ни фунта. Знам дека е лесно за нив со пари, но сепак. Ако сте виновни, тогаш треба да бидете суспендирани од натпреварувањето. Не знам дали се виновни или не. Ја критикувам одлуката, изјави Мурињо.

Мурињо ја забележа 200. победа во Премиер лигата

Тале Кристо — Tue, 07 Jul 2020 06:32:42 +0000

Португалскиот фудбалски стручњак Жозе Мурињо синоќа прослави јубилеј. Тој го предводеше Тотенхем до триумф над Евертон (1:0) во натпреварот од 33. коло од Премиер лигата. За Мурињо ова беше победа број 200 во елитната англиска лига. За да го стори тоа, му беа потребни 326 натпревари. Само Алекс Фергусон (322 натпревари) постигна 200 победи во Премиерлигата побрзо од него. Мурињо се најде на петтото место по бројот на победи во Премиер лигата. Пред него се Фергусон (528), Арсен Венгер (476), Хари Реднап (236) и Дејвид Мојс (207). За потсетување, Португалецот претходно во Англија беше тренер на Челзи и на Манчестер јунајтед.