муртино – Kurir.mk

Со автомобил удриле во бетонски електричен столб: Тројца повредени во сообраќајка кај Муртино

Ивана Ефремовски — Tue, 04 Oct 2022 20:38:45 +0000

Три лица се повредени во сообраќајка која се случила денеска околу 13:30 часот на излезот од селото Муртино кон Банско, откако од засега непознати причини автомобил „опел“ со струмички регистарски ознаки удрил во бетонски електричен столб. Повредните се пренесени на лекување во струмичката болница, а од СВР Струмица повеќе детали за сообраќајката најавуваат за утре. (МИА)

Никогаш не знаете кои се вашето место и време за да станете милионер: Никола oд Муртино ocвoи СУПЕР МИЛИОНЕР ЏЕК ПОТ

Тале Кристо — Sat, 27 Mar 2021 11:15:32 +0000

Во Видеолотарија Касинос Аустриа пристигна Никола Алачев од Муртино. Тој е среќен сопственик на 8.442.127,00 денари, откако го освои вториот СУПЕР МИЛИОНЕР ЏЕК ПОТ. Добивката е постигната во Спортлајф во Муртино. Никола Алачев заедно со семејството, пристигна во просториите на Видеолотарија. Видно возбуден и се’уште во неверување за големата среќа, ја раскажа својата среќна приказна. Во моментот кога видел дека ја освоил добивката СУПЕР МИЛИОНЕР ЏЕК ПОТ, возбуден го оставил добитниот ваучер кај вработениот во Спортлајф и веднаш излегол малку на воздух, да се соземе. Никола откри дека од парите планира да си купи стан во Струмица и нов автомобил. Тие ќе му бидат убав спомен дека на 25 март 2021 година, добивката СУПЕР МИЛИОНЕР ЏЕК ПОТ на Видеолотарија Касинос Аустриа го измени неговиот живот на подобро. Добивката СУПЕР МИЛИОНЕР ЏЕК ПОТ во фантастична вредност од 8 до 12 милиони денари се постигнува со учество на ВЛТ игрите на среќа. Првиот СУПЕР МИЛИОНЕР ЏЕК ПОТ вреден 10.922.768,00 денари беше освоен во Бет ту мар B2M 057 Трубарево на 15.03.2021. Добивката СУПЕР МИЛИОНЕР ЏЕК ПОТ се постигнува со учество на ВЛТ игрите на среќа. Едновремено, Државна видеолотарија информира дека популарните МИНИ И МИЛИОНЕР ЏЕК ПОТ добивки, остануваат и понатаму среќна опција за нашите играчи и тоа, без промени. Никогаш не знаете кои се вашето место и време за да станете милионер.

Порака за Заев во неговото родно Муртино – и за нив е предавник (ФОТО)

Ивана Ефремовски — Thu, 26 Nov 2020 09:23:32 +0000

Во село Муртино осамна порака наменета за премиерот Зоран Заев кој е роден на ова место. Со добро позната мисла и порака, Заев е претставен како предавник на својот народ.

Патокази покажуваат: Во Муртино живее светскиот рекет број 1

Ивана Ефремовски — Fri, 30 Aug 2019 10:36:40 +0000

Во Струмица се појавија патокази кои, како што на нив пишува, го покажуваат патот до домот на светскиот рекет број 1. Според патоказите, светскиот рекет број 1 живее во струмичкото село Муртино.

Протестот на производителите на пролетна зелка од Муртино продолжува и денеска

Дарко Андоновски — Wed, 04 Apr 2018 07:26:57 +0000

Протестот на производителите на пролетна зелка од Муртино продолжува и денес во центарот на селото. Незадоволните производители вчера со трактори го блокираа влезот на откупниот пункт и ноќта ја поминаа таму, не дозволувајќи ниту еден камион да излезе или да влезе за да товари зелка. Причина за блокадата и протестот на производителите на зелка е намалената откупна цена, која на пунктот што го блокираа се откупуваше за 25 денари за килограм. Производителите бараат откупната цена да изнесува 30 денари за килограм, барем до почетокот на Велигденските празници. - Протестот го продолжуваме мирно на сред село и ќе чекаме да дојдат претставници на Министерството за земјоделство за да го слушнеме и нивниот став. Доколку се прифатат нашите барања тогаш протестот ќе го прекинеме, во спротивно ќе продолжиме, велат незадоволните земјоделци. Од Министерството за земјоделство, шумарство и водостопанство најавија дека денеска ќе се сретнат со земјоделците. Инаку утрово околу 8 часот производителите на пролетна зелка ја прекинаа блокадата на откупниот пункт, но протестот продолжува и денес во центарот на селото. ФОТО: МИА

Земјоделци го блокираа селото на Заев

Катерина Бојаџиева — Tue, 03 Apr 2018 11:14:35 +0000

Производители на пролетната зелка денеска незадоволни поради намалената откупна цена на зелката ги блокираа влезот и излезот на село Муртино. Тие се нездоволни бидејќи од утрово откупната цена на пролетната зелка паднала од 30 на 25 денари. - Без никаква најава трговците ја намалија откупната цена и тоа на многу недостоинствен начин. Имено, утринава кога отидовме да подигнеме гајби за берба на пролетната зелка никој не ни кажа дека откупната цена е 25 денари. Така не оди. За само десетина денови, од почетокот на откупот, откупната цена падна од 40 на 30, а сега на 25 денари, вели Трајко Пандев земјоделец од село Муртино. Земјоделските производители продолжуваат да го блокираат влезот и излезот во селото Муритно, од кое е премиерот Зоран Заев, и бараат интервенција на надлежните органи откупната цена барем до Велгиден да изнесува 30 денари за килограм пролетна зелка.