мус – Kurir.mk

Чоколаден мус со кафе

Ивона Петрова — Thu, 26 Jan 2023 21:07:13 +0000

Кремаст десерт со кафе и чоколадо. Состојки: 130 гр темно чоколадо 1 јајце белки 2 лажици силно, засладено турско кафе 15 гр путер цимет по желба малку сол Подготовка: Чоколадото ситно исецкајте го, ставете го во тенџере, прелијте го со кафе и со мешање растопете го на пареа. Чоколадото тргнете го од пареата и постепено измешајте го путерот исецкан на парчиња. Оставете да отстои околу една минута. Одделете ги жолчките од белките, а потоа измешајте една жолчка во чоколадната смеса. Изматете ги белките додека не се стегнат со малку сол. Во растопеното чоколадо веднаш измешајте околу четвртина од „снегот“ за малку да омекне. Потоа полека измешајте го остатокот од пенестата смеса. Добиениот мус поделете го во четири чинии и ставете го во фрижидер најмалку три часа. Пред сервирање посипете со цимет.

Мус од костен и чоколадо! Вистинско есенско уживање! (РЕЦЕПТ)

Ристе Здравков — Mon, 14 Nov 2022 15:37:49 +0000

Сезоната на костените пристигна, а ние ви пренесуваме рецепт за едноставен чоколаден мус во кој сигурно ќе уживате… Состојки: 250 гр темно чоколадо две чаши слатка павлака чаша пире од костен четири белки четвртина чаша шеќер малку сол Подготовка: Чоколадото искршете го, ставете го во соодветен сад, па растопете го на пареа со постојано мешање. Слатката павлака измешајте ја во шлагот, додајте ја растопената чоколада, омекнатото пире од костен и прстофат сол, па сè убаво изматете. Белките се матат со миксер додека постепено се додава шеќерот, па се соединува со смесата од чоколадо и костен со шпатула. Се става во чинии, се лади во фрижидер, па се сервира.

Банана мус со кафе (ВИДЕО)

Ристе Здравков — Thu, 13 Oct 2022 12:49:37 +0000

Ова есенско време е совршено за мус десерт! Ништо подобро од уживање во кремаст десерт што се прави брзо! Овој десерт се јаде веднаш штом ќе се направи, нема потреба да се чува во фрижидер. Со оглед на тоа, лесно ќе го подготвите кога ќе ви дојдат ненајавени гости. Додека варите кафе, десертот ќе биде готов. Потребни состојки: – 1 чаша инстант кафе – 1 чаша ладна вода – 2 зрели банани – 2 лажици незасладено какао Начин на приготвување: Инстант кафето изматете го со миксер со вода додека не стане пенесто. Потоа во блендер ставете ги сечканите банани и какаото и истурете го изматеното кафе. Матете додека не добиете еднолична смеса. Истурете во чаши и послужете. Забелешка: Доколку сакате ладен десерт, користете замрзнати банани.

Мус од МАЛИНИ и БЕЛО ЧОКОЛАДО! (РЕЦЕПТ)

Ристе Здравков — Wed, 31 Aug 2022 07:30:16 +0000

Можеби на крајот на летото ќе посакате да се освежите со овој вкусен мус од малини и бело чоколадо и сигурно нема да погрешите… Состојки: две чаши малини, свежи или замрзнати половина чаша шеќер една лажичка пченкарен скроб една лажица вода кесичка пудинг од бело чоколадо 500 мл млеко чаша слатка павлака Подготовка: Одмрзнете ги малините, ставете ги во мало тенџере, посипете ги со шеќер и варете ги на умерен оган, мешајќи десет минути, додека смесата не зоврие. Скробот измешајте го со вода, додадете го во тавата со малините, па мешајте уште 10 минути, за да се згусне смесата. Тргнете од оган и изладете. Изматете ја слатката павлака во шлагот. Сварете го пудингот со млеко според упатството на пакувањето, изладете го и измешајте со шлагот. Наизменично смесата од малини и смесата за пудинг сипете ги во соодветни чаши или чинии, изладете ги во фрижидер и послужете.

Сè што ви треба за да се разладите и засладите: Мус од праска на кој нема да можете да му одолеете (РЕЦЕПТ)

Ристе Здравков — Fri, 22 Jul 2022 12:13:27 +0000

Кога во лето ќе почувствувате потреба да го почестите вашето сетило за вкус со некој десерт, а во исто време немате желба да подготвувате каква било торта или да печете во рерна, можете да се свртите кон едноставни рецепти кои не бараат многу напор. Еден таков рецепт е и мусот од праски кој ви го претставуваме. Покрај тоа што е лесен за подготовка, тој е и совршено, кремасто летно освежување и одличен придружник во борбата против високите температури. Непотребно е да се каже колку најмладите ќе бидат воодушевени од овој рецепт. Состојки: – 500 гр праски – две лажици сок од лимон – четвртина шолја ладна вода – лажичка желатин – третина шолја шеќер – шолја слатка павлака – грст ореви Подготовка: Излупете ги праските и исечете ги на парчиња. Ставете ги во блендер, внатре исцедете го лимонот и изблендирајте ги овие состојки. Желатинот се раствора во тенџерче со ладна вода, се остава да отстои 5 минути, па се додава шеќерот. Потоа вклучете го шпоретот и варете го желатинот само 2 минути. Кога ќе биде готово, истурете ја слатката павлака и желатинот во блендерот и вклучете го уште 30 секунди за да се соединат состојките. Смесата истурете ја во помали чинии или чаши и ставете ја во фрижидер да се стегне и излади. Одозгора наредете сецкани ореви како декорација.

ДЕСЕРТ КОЈ ЌЕ ги воодушеви НАЈМЛАДИТЕ! Направете МУС ОД ЈАГОДИ (РЕЦЕПТ)

Ристе Здравков — Mon, 18 Apr 2022 20:04:48 +0000

Доколку сакате да ги засладите и воодушевите вашите малечки, овој мус од јагоди е вистинскиот избор. Со оглед на тоа дека полека влегуваме во сезоната на јагоди, сигурни сме дека од ова вкусно овошје ќе посакате да направите еден деликатес. Станува збор за мус од јагоди, кој ќе го воодушеви целото семејство. СОСТОЈКИ: 500 мл слатка павлака 500 гр исчистени јагоди 100 гр шеќер во прав лажица арома од ванила 200 гр мелени бисквити 70 гр стопен путер чоколадни трошки за декорација ПОДГОТОВКА: Измијте ги и испасирајте ги јагодите, а слатката павлака изматете ја со додавање на шеќер. Во шлагот сипете ја аромата на ванила, а потоа полека изблендираните јагоди мешајќи да добиете едноличен крем. Растопете го путерот, додадете ги бисквитите, убаво соединете и со оваа смеса покријте го дното на чашата за сервирање. Прелијте ја пената и украсете со павлака и чоколадни трошки.

БРЗ ЧОКОЛАДЕН МУС ОД САМО 2 СОСТОЈКИ! Кец во ракавот на секоја домаќинка, гостите ќе мислат дека сте го подготвувале со часови!

Ристе Здравков — Thu, 27 Jan 2022 17:43:11 +0000

Чоколадниот мус е идеален за изненадни гости, бидејќи ви требаат само 2 состојки и малку време. Кога сакате да јадете нешто слатко и кремасто, а да биде домашно, тогаш брзиот чоколаден мус е нешто што не смеете да го пропуштите. Потребни ви се само 2 состојки за да се измешаат и еве го десертот готов за еден миг. СОСТОЈКИ: 240 мл слатка павлака 160 гр нутела ПОДГОТОВКА: Изматете ја слатката павлака, додадете ја нутелата, па добро соединете со шпатула. Истурете во шприц за колачиња, а потоа истурете ја добиената смеса во чаши или чинии. Ставете го во фрижидер најмалку 4 часа. Декорирајте по желба.