Муса Дембеле – Kurir.mk

ВИДЕО: Дембеле се онесвести на тренинг, Атлетико Мадрид во паника

Ивона Петрова — Wed, 24 Mar 2021 06:22:25 +0000

Фудбалерот на Атлетико Мадрид на вчерашниот тренинг имаше непријатна ситуација, За време на истегнувањето, Муса Дембеле се онесвести и падна на теренот. Клупските доктори веднаш дошле и се обидувале да го свестат. За тоа време соиграчите од аамбулатното возило покрај теренот земале носилка.

Atlético Madrid striker Moussa Dembélé collapsed in training today and had to receive medical attention. He eventually regained consciousness and was able to walk off the pitch on his own. He is currently at hospital undergoing further medical tests. 🙏 pic.twitter.com/3Gm7SG2Kf6
— FutbolBible (@FutbolBible) March 23, 2021

За среќа Дембеле на свои нозе успеал да го напушти тренинг центарот и да замине во болница. Спроведените испитувања покажале дека нема причина за голема загриженост бидејќи проблемот веројатно бил во нискиот крвен притисок.

🇫🇷 | Moussa Dembelé Former Celtic & now Atletico Madrid striker Moussa Dembelé was able to drive himself home following collapsing at training in the Spanish capital today. Some good news after the worries earlier today 🍀 @MDembele_10 pic.twitter.com/pwShhskJ6K
— Everything Celtic (@aboutceltic) March 23, 2021

Дембеле се одлучи за бројот под кој ќе игра за Атлетико

Магдалена Андонова — Thu, 14 Jan 2021 13:04:05 +0000

Напаѓачот Муса Дембеле се одлучи за бројот на дресот со кој ќе игра за Атлетико. Дваесет и четиригодишниот Французин го избра бројот „19“. Претходно стана познато дека играчот се пресели во мадридскиот клуб на позајмица од Лион до крајот на сезоната 2020/21. Атлетико има право да го купи играчот. Во сезоната 2020/21, Дембеле одигра 16 натпревари за Лион, постигнувајќи еден гол. Напаѓачот играше за францускиот тим со број „9“. (МИА)

Познати условите за трансфер на Дембеле во Атлетико

Ивана Ефремовски — Sun, 10 Jan 2021 14:14:11 +0000

Познати се условите за трансфер на напаѓачот на Лион, Муса Дембеле во Атлетико. Според „Гол“, клубот од Мадрид ќе го изнајми 24-годишниот Французин до крајот на сезоната 2020/21 со опција за откуп од 33 милиони евра. Објавено е дека утре фудбалерот ќе пристигне во главниот град на Шпанија со цел да му се направат лекарски прегледи пред да го потпише договорот. Во сезоната 2020/21, Дембеле одигра 16 натпревари за Лион, постигнувајќи еден гол. Transfermarkt.com ја проценува вредноста на играчот на 30 милиони евра. (МИА)

Барселона заинтересирана за Дембеле како замена за Суарез

Ивона Петрова — Thu, 27 Aug 2020 10:00:49 +0000

Напаѓачот на Лион, Муса Дембеле, се најде во сферата на интерес кај Барселона. Вториот тренер на Каталонците, Хенрик Ларсон веќе остварил контакт со 24-годишниот Французин. Барселона веројатно го гледа Дембеле како потенцијална замена за Луис Суарез, кој би можел да го напушти клубот, објави новинарот на „Скај Спорт Италија“, Џанлука Ди Марцио. Новиот тренер на Барселона, Роналд Куман, му соопшти на Суарез дека нема да смета на него.

Херојот на Лион не се плаши од Баерн

Тале Кристо — Sun, 16 Aug 2020 09:40:59 +0000

Напаѓачот на Лион, Муса Дембеле влезе како резерва и ги постигна двата гола со кои донесе победа од 3-1 над Манчестер Сити и полуфинале на Лигата на шампионите. 24-годишниот фудбалер беше логично избран за играч на натпреварот, а ги сподели своите емоции по успехот пред медиумите. – Верувавме во себе и затоа победивме. Среќни сме што дојдовме до таква напредна фаза на турнирот. Сити е добар тим и знаевме дека треба да играме најдобро што можеме против нив. Ние го покажавме најдоброто. Тренерот ми рече пред натпреварот дека ќе бидам на клупата, но ќе бидам исто толку важен како другите. Сите сакаат да бидат стартери, но на крајот дури и на клупата се обидувам да бидам фокусиран и да му помогнам на тимот. Духот во соблекувалната е на високо ниво. Баерн (Минхен) е тежок противник, видовме што се случи вчера. Тие се одличен клуб, но ова не е вест, рече напаѓачот на „децата“. Дембеле немаше гол во сезоната на Лигата на шампионите пред синоќешниот натпревар. Во Лига 1, тој реализираше 16 пати на 24 натпревари.

Јунајтед го гледа Муса Дембеле како замена за Рашфорд

Ивона Петрова — Tue, 21 Jan 2020 10:45:39 +0000

Напаѓачот на Лион, Муса Дембеле може да замине во Манчестер јунајтед, пренесува „Дејли стар“. Според изворот, 23-годишниот Французин би можел да биде замена за Маркус Рашфорд, кој ќе биде надвор од терените подолго време поради повреда. Се очекува цената на трансферот да чини 50 милиони евра. Во тековната сезона Дембеле одигра 19 натпревари во францускиот шампионат, на кои постигна 11 погодоци.

Муса Дембеле – главна трансфер цел на Арсенал во зимскиот преоден рок

Ивона Петрова — Thu, 26 Dec 2019 08:53:00 +0000

Премиерлигашот Арсенал покажува интерес за напаѓачот на Лион Муса Дембеле, објави „Мирор“. Напаѓачот е главната трансфер цел на „топчиите“ во зимскиот прозорец. Кандидатурата на Дембеле беше пофалена од бранителот на Арсенал и неговиот поранешен соиграч во Селтик, Киран Тирни. Во зима, екипата на Микел Артета може да го загуби Пјер-Емерик Обамејанг или Александар Лазакет и разгледува алтернативни опции. Оваа сезона Дембеле постигна 10 гола на 18 натпревари во француската Лига 1.

Јунајтед испрати скаути во Франција, овој фудбалер е на мета на „Црвените ѓаволи“

Ивона Петрова — Mon, 07 Oct 2019 10:57:01 +0000

Манчестер јунајтед е заинтересиран за напаѓачот на Лион, Муса Дембеле, пренесува „Дејли Меил“. Според извештаите на медиумите, експертите заминале во Франција во неделата вечер. Претходно беше објавено дека 23-годишниот Дембеле е на списокот на потенцијални новодојденци во Манчестер јунајтед. Во потесниот список се најдоа и: Марио Манџукиќ (Јувентус), Калум Вилсон (Бурнмут) и Александар Соболев (Крилја Советов). Главниот тренер на Лион, Силвињо, не го вклучи Дембеле во стартниот состав во 9. коло од францускиот шампионат против Сен-Етјен (0:1). Напаѓачот влезе од клупата за резерви во 59-та минута од средбата и немаше забележителен настап. Оваа сезона Дембеле настапи на 10 натпревари за Лион и постигна шест гола.

Брајтон ја прифати поканата на Селтик

Александар Михаилов — Mon, 25 Dec 2017 12:18:32 +0000

Англискиот премиерлигаш Брајтон доби големо засилување откако Селтик ја прифати понудата од 20 милиони долари за најдобриот стрелец Муса Дембеле, објави „Скај Спорт“. Трансферот двете страни веќе го договорија, а на Дембеле останува да го потпише и да се врати во англискиот фудбал по само 18 месеци откако од Фулам прејде во Глазгов. Дембеле има одлични настапи за Селтик и даде 40 гола на 67 натпревари во сите натпреварувања. Овој 21-годишен фудбалер одигра 10 натпревари за француската репрезентација и постигна седум гола.