муви – Kurir.mk

НЕМА ДА ВИДЕТЕ НИ МУВИ НИ КОМАРЦИ Ставете 2 лимони во рерна и оставете ја вратата отворена преку ноќ

Ристе Здравков — Tue, 26 Apr 2022 05:49:01 +0000

Пред спиење преполовете неколку лимони и ставете ги во рерната чија врата ќе ја оставите отворена Иако најдобрата опција е да ги отворите прозорците за да влезе чист воздух во вашата соба, за жал во овој случај имате нов проблем а тоа се мувите, комарците и разни други бубачки кои едвај чекаат да влезат во вашиот дом. За ваша среќа, постои трик кој ќе ве спаси од овие мали искушенија. Се што ви треба е рерна и два-три лимони. Пред спиење преполовете неколку лимони и ставете ги во рерната чија врата ќе ја оставите отворена. Наутро кога ќе се разбудите, затворете ја вратата од рерната и вклучете ја само неколку минути. Потоа исклучете и оставете ја вратата повторно отворена. Домот ќе ви мириса убаво и нема да видите никакви инсекти во вашиот дом!

Совети против наезда од муви

Ивона Петрова — Mon, 12 Apr 2021 09:49:46 +0000

Мувите, во повеќето случаи, не се опасни, но освен што се здодевни и често нѐ нервираат, понекогаш може да бидат преносители на вируси и бактерии што се шират преку храната. За да не се собираат муви, се препорачуваат неколку работи. Првиот совет гласи: Отстранете ја храната која почнала да скапува – било тоа да е старо месо или овошје, зеленчук… Исто така, осигурете се, површините во опкружувањето да бидат суви, бидејќи по природа, мувите положуваат јајца на влажни површини. Натаму, собирајте го ѓубрето редовно. Корпата полна со храна е „идеалниот дом“ за муви, особено лете, па затоа ѓубрето се фрла редовно и корпите треба да се секогаш затворени. Одредени растенија или зачини имаат силен мирис што мувите не ги сакаат. Тука спаѓаат: босилекот, лавандата, невенот, ловоровиот лист и нането, кој може да стојат и на маса. Истото важи и за црвените пиперчиња. И растенијата муволовки се делотворни против овие летни „напасници“, оти тие, всушност, се хранат со муви и другите инсекти. Но, поубаво е да бидат засадени во градината, а не во куќата. Следуваат вештачките муволовки… Мешавина од оцет и детергент за миење садови е, исто така, одлична стапица за мува. Во мало капаче, измешајте јаболков оцет со неколку капки детергент, и тоа оди во висока чаша, што се покрива со фолија со дупче. Мувите ќе бидат привлечени од мирисот на јаболко, но ќе се залепат за детергентот. Вториот совет за „направи сам“ гласи: Земете пластично празно шише и исечете го горниот дел. Истурете вода со шеќер внатре и вратете го горниот дел. Исечете дел од шишето, но свртете го наопаку, така што делот каде што капачето ќе се наполнии со водата. Мувата ќе влезе во шишето преку исеченото дупче, привлечена од шеќерот, но нема да знае како да излезе. Борбата со мувите не е лесна, но понекогаш, само упорноста и трепението се клучни.

Нема да ви влезе мува во домот- не го поднесуваат ова, ставете го до прозорците и вратите

Дарко Андоновски — Tue, 21 Jul 2020 07:43:33 +0000

Мувите се многу досадни и тешко се бркаат кога ќе влезат дома, ја напаѓаат храната, а тоа секако сакаме да го спречиме, но за среќа има природно решение. Босилек е нешто што не можат да поднесат. Ставете го близу вратите и прозорците и нема да ви влезе мува дома. Не сакаат ни лаванда, па и таа е замена за босилекот. Oслободете се од комарците за секунда – потребни ви се само две состојки Со доаѓањето на летото доаѓаат и здодевните комарци, постојат различни препарати од кои некои делуваат навистина некои пак не. Ќе ви претставиме еден трик од природата, после кој ќе може да потонете во вашиот сон без здодевните, мали инсекти. Сè што ви е потребно е лимон и каранфилче. Лимонот исечете го на половина, па во секоја од неговите половини забодете ги каранфилчињата. Потоа, ставете го лимонот во собата во која што престојувате. Сите кои што го пробале овој трик велат дека помага, но не само кај комарците туку и кај мувите, а голем плус е тоа што лимонот и каранфилчето со својот мирис ја освежуваат просторијата. Биологот Барт Нолс објаснува дека комарците ги привлекува човековиот здив. Јаглендиоксидот што го издишуваме, во комбинација со разни хемикалии, создава мирис што комарците може да го почувствуваат и на 30 метри оддалеченост. Биологот тврди дека секој човек испушта над 300 различни хемикалии од кожата, а дури 100 од нив се наоѓаат во здивот. Женката комарец ги вклучува сите свои сетила за да одлучи дали некого ќе го касне или ќе го заобиколи. Уште еден битен фактор врз чија основа комарците одлучуваат дали ќе цицаат нечија крв е мирисот на кожата. Така, на пример, жолтите и тигрестите комарци ги привлекува млечната киселина, додека обичниот комарец е понаклонет кон масната киселина. Постои верување дека лицата што јадат лук и земаат витамин Б ги одбиваат комарците, но биологот Нолс вели дека нема доволно докази за тоа. Јапонските научници, пак, веруваат дека крвната група е пресудна за комарците. Па, така, лицата со крвна група 0 тие ги сакаат двојно повеќе од, на пример, оние со крвна група Б или АБ. А најмала веројатност дека ќе ги каснат имаат лицата со крвна група А.

Овој ТРИК е вистински хит: Спасете се од досадните муви и комарци (ВИДЕО)

Ивана Ефремовски — Sun, 05 Jul 2020 17:01:49 +0000

Комарците и мувите во лето се вистински кошмар и често знаат да ни го расипат уживањето во ноќните часови, а дури и спиењето. Но доколку мислите дека за тоа нема лек, се лажете. На Твитер овие денови се појави нов трик кој стана вистински хит. Сетете се само колку пати не сте можеле да спиете поради зуењето и убодите од комарци кои потоа ужасно чешаат. Дури ниту купечките спрееви не помагаат во целост, а и препаратите кои се продаваат за во домот може да бидат високо токсични за организмот. Постојат многу „направи-сам“ трикови кои наводно гарантираат дека ќе бидете безбедни од комарците, но неодамна еден од нив буквално го запали интернетот, а речиси половина милион луѓе тврдат дека е ефикасен. Многу едноставен и евтин, а се што ви е потребно е еден лимон и каранфилчиња. Лимонот исечете го на половина, а потоа во секоја половина забодете каранфилчиња. Потоа, лимонот ставете го каде што спиете или престојувате, а тој помешан со каранфилчињата успешно ќе ги избрка комарците.