мувла – Kurir.mk

Отстранете ја влагата и мувлата за неколку минути – Еве како да ги исчистите ѕидовите, не ви треба варосување

Ристе Здравков — Tue, 21 Mar 2023 16:50:06 +0000

Црните точки на ѕидовите обично се создаваат поради пукнатини, лоша конструкција, напукнати цевки или неотворање на прозорците за време на туширањето. Друга причина за прекумерната влажност во просториите е сушење на алиштата во зима во затворен простор. Освен што го расипува естетскиот впечаток, мувлата е штетна и по здравјето затоа што ја вдишуваме. Еве како можете да се ослободите од неа: Хидроген пероксид Ова е добро познато белило што ќе ги отстрани трагите од мувла. Истурете три процентен водород пероксид во шише со прскалка и испрскајте ги мувлосаните места. Оставете да делува околу 10 минути и избришете. Алкохолен оцет Исто така, истурете го оцетот во шише со распрскувач и попрскајте ги црните дамки. Ако не ви се допаѓа неговиот мирис, можете да додадете неколку капки етерично масло. Сода бикарбона Може да ги исчистите дамките и со обична сода бикарбона или уште подобро – измешајте ја со оцет. Масло од чајно дрво Ова масло не се користи само за нега на кожата и косата, туку е одлично и за дезинфекција на домот. Измешајте две лажички масло со 450 мл вода и истурете ја смесата во шише. Пред употреба, протресете и испрскајте ја површината и оставете ја да се исуши.

ОСЛОБОДЕТЕ СЕ ОД МУВЛАТА ЗАСЕКОГАШ Направете домашно средство и ќе ги отстраните сите дамки од ѕидот

Ристе Здравков — Sat, 15 Oct 2022 13:35:47 +0000

Преголемата количина на влага во домот може негативно да влијае на здравјето, особено на респираторниот систем. Но, лесно може да се ослободите од неа со помош на намирници кои веќе ги имате по дома. Влагата е чест проблем во многу домаќинства, но нејзини најчести показатели се црната мувла по ѕидовите и ќошињата. Освен тоа, во влажните простории може да се појават дамки од влага и непријатен мирис. Најмногу влага се задржува во бањата, каде најчесто настанува мувла, а може да се појави и во подруми, простории со лоша изолација, базени и куќи покрај море. За да се ослободите од влагата, прв чекор е сушење на воздухот во влажните простории, а тоа може да го постигнете со одвлажнувачи. Исто така е важно редовно да ги проветрувате тие простории. Ако забележите појава на влага и мувла, може да ги направите овие домашни средства: Сода бикарбона Сода бикарбона ефикасно го апсорбира вишокот влага. Измешајте две шолји вода и една лажица сода бикарбона, добро измешајте додека содата не се растопи и ставете ја течноста во сад со распрскувач. Испрскајте ги критичните делови и чистете со четка додека не исчезне мувлата. Алкохолен или јаболков оцет Природно средство за дезинфекција е оцетот, без разлика дали е алкохолен или јаболков, ефикасно делува против црната мувла. Неразредениот оцет ставете го во сад со распрскувач и испрскајте каде што има мувла. За мирисот не се грижете, ќе исчезне по неколку часа. Ефикасен спреј против мувла Со оваа комбинација може да ги елиминирате мувлата и влагата. Потребни состојки: -половина шолја оцет -1 шолја вода -1 лажица сода бикарбона -6 капки етерично масло од лаванда и лимон Начин на подготовка: Растопете сода бикарбона во водата, па додадете оцет и етерично масло. Течноста ставете ја во сад со распрскувач и напрскајте ги местата зафатени со мувла. Оставете неколку часа да постои така. За да спречите создавање на друга мувла, повторете ја постапката и во следните денови, без плакнење.

Ослободете се од мувлата во вашиот дом засекогаш

Ристе Здравков — Mon, 07 Mar 2022 15:28:58 +0000

Без разлика дали влагата се створила поради пукнатините во ѕидовите, водата која пробила преку лошите цевки или сушење на алиштата во соба, тие оставаат видливи последици: ѕидовите се покриваат со црни и точки грди дамки. Постојат неколку решенија за отстранување на мувлата со помош на: Хидроген пероксид Употребата на хидроген пероксид е навистина широк, и е најдобро познат по , моќта на белење. На овој начин можете да го користите за отстранување на мувлата од ѕидовите, и за ова ќе ви биде потребен 3% хидроген. Подготовката е едноставна – ставете го во шише со распрскувач, а потоа нанесете го по деловите од ѕидот каде што има мувла. По десет минути, нежно избришете ја површината. Алкохолен оцет Алкохолниот оцет исто така може да ви помогне да ги санирате ѕидовите на кои се создава влага. Принципот е ист, треба да го истурите во шише и да испрскате на “критичните места”. Почекајте да делува. Сода бикарбона Измешајте сода бикарбона со алкохолен оцет и нежно тријте ја погодената област каде што има влага и мувла. Масло од чајно дрво Ова масло совршено ќе го дезинфицира, што е многу важно при отстранување на овој вид на оштетување. Се што треба да направите е да се мешате две лажици масло со 45 ml вода, а потоа добиеното средство го истураме во шише. Сега расфрлајте го на ѕидот и почекајте да се исуши.

Сите ги мразиме влагата и мувлата, но ова се најдобрите начини да се справиме со нив

Ивана Ефремовски — Mon, 09 Aug 2021 17:07:18 +0000

Влага и мувла во домот, се најголем кошмар на секое семејство, но постојат природни и лесни начини да се спасите од нив. Масло од чајно дрво Во шишенце измашајте 450 милилитри вода и две лажици масло од чајно дрво, добро помешајте и испрскајте на зафатеното место. Не пребришувајте со крпа туку оставете да отстои. Треба да знаете дека мирисот е прилично интензивен и ќе се задржи во вашиот дом неколку дена, па најдобро е да го направите тоа пред да одите некаде на неколку дена. Алкохолен оцет Ставете во шишенце и испрскајте на зафатената област и оставете да отстои. За да не ви мириса оцетот може да ставите и неколку капки етерично масло или лимон. Сода бикарбона Таа сама по себе е одлична за чистење, помешајте со вода или оцет и со крпа исчистете ја мувлата. Семки од грејпфрут Во 450 мл вода додадете 20 капки масло од семки од грејпфрут, промешајте и испрскајте. Нека отстои, нема потреба од пребришување со крпа.

Ефтино, домашно решение за чистење на нечистотиите околу плочките: Може да го реши вашиот проблем со мувла засекогаш

Магдалена Андонова — Sat, 10 Apr 2021 10:34:29 +0000

Овој трик ќе помогне во спречување на формирање на мувла. Состојки: 1,5 л вода 1/2 чаша сода бикарбона 1/3 чаша лимонов сок 1/4 чаша алкохолен оцет Постапка: Растворете сода бикарбона во вода и додадете сок од лимон и оцет. Почекајте малку, а потоа нанесете ја смесата на споеви околу плочките и нежно тријте ги со стара четка за заби. На крај исплакнете ги со вода. Повторете ја постапката ако е потребно.

Четири ефикасни и ефтини рецепти за отстранување на мувла и влага: Нека вашиот дом замириса убаво

Магдалена Андонова — Mon, 05 Apr 2021 11:51:19 +0000

Мувла и влага, покрај естетското вознемирување во вашиот простор, може да бидат причина за многу респираторни заболувања и разни инфекции. Покрај тоа, тие можат да влијаат на развојот на алергии. Затоа е потребно да се отстрани мувлата што се акумулира на ѕидовите, а тоа можете да го направите без хемикалии, на сосема природен начин. Алкохолен оцет Истурете оцет во шише со прскалка и прскајте на местата каде што се појавуваат влага и мувла. Оставете го да делува некое време, а потоа избришете го со сува крпа. Бидејќи оцетот има силен мирис, може да истурите неколку капки есенцијално масло од лимон во шишето, бидејќи неговата арома е доволно силна за да го прикрие непријатниот мирис на оцет. Сода бикарбона Измешајте 50 ml алкохолен оцет и иста количина на вода, а потоа додадете една лажица сода бикарбона. Истурете го овој раствор во шише со прскалка и прскајте на проблематичните области. Оставете го да делува некое време, а потоа избришете сè со сува крпа. Масло од чајно дрво Измешајте 450 милилитри вода и две лажички масло од чајно дрво во шише со прскалка. Протресете добро и прскајте на површините. Оставете да отстои и не бришете со крпа потоа. Имајте на ум дека мирисот е доста интензивен и ќе остане во вашиот дом неколку дена. Масло од семе од грејпфрут Истурете 450 милилитри вода и 20 капки екстракт од семе од грејпфрут во шишето со спреј. Потоа добро протресете го шишето за да ги споите состојките заедно. Попрскајте ја течноста на проблематичните области и оставете ја да стои. Нема потреба да го бришете средството подоцна.

Трик што ја отстранува и најупорната мувла во тоалетот: Проверено функционира!

Магдалена Андонова — Thu, 10 Sep 2020 18:17:02 +0000

Мувлата најмногу се јавува во тоалетот, бидејќи таму има најмногу влага, па се крие околу одводот, славината на лавабото и кадата. Отстранувањето на овие црни тврдокорни дамки може да биде многу незгодно, па жените ги откриле своите трикови што им ја олесниле оваа работа. Една членка на групата открила дека користи мешавина од оцет, детергент за миење садови и сода бикарбона, додека друг корисник имал необичен совет: Земете кечап и со него истријте го делот каде што се насобрала мувла. Така ќе го отстраните и бигорот што настанал од водата. Натопете тоалетна хартија со оцет и ставете ја да отстои на мувлата 10 минути. Откако жената ги прочитала сите совети, се одлучила за смесата од сода бикарбона, детергент за миење садови и оцет. Откако ја нанела оваа мешавина на одводот, сите нечистотии исчезнале!

Постојат четири начини да се спасите од влага и мувла во вашиот дом, дознајте ги

Ивана Ефремовски — Sat, 05 Sep 2020 15:40:18 +0000

Имала ужасни симптоми и стравувала за својот живот: Докторите се шокираа кога го дознаа причинителот, проверете и вие

Ивана Ефремовски — Sun, 24 Mar 2019 20:09:43 +0000

29-годишната Ема Маршал живеела во источен Лондон во стан кој во бањата имал дебел црн слој од мувла. Таа почнала да чувствува слабост и главоболки поради што посетила неколку доктори. Иако состојбата ѝ се влошила до таа мера што не можела ни да стане од кревет, никој не знаел што ѝ е сѐ додека еден лекар не открил превисоко ниво на микотоксин, секундарен продукт на метаболизмот кој го синтетизира мувлата во текот на растот. “Кога конечно пронајдов добар лекар, ме праша за околината во која живеам и работам, а штом му кажав дека не се чувствувам добро од 2014 година кога се преселив во новиот стан, сфатив дека мувлата би можела да биде виновникот за мојата состојба”, раскажала Ема која вели дека оттогаш телото ѝ е слабо и дека веќе со години се чувствува како некој да ја труе. Набрзо почнала да добива симптоми како акни и болки во телото. На почетокот мислела дека сето тоа е последица на стрес, но во 2015 година, здравјето започнало да ѝ се влошува – неколку пати добила воспаление на бубрезите поради што докторите морале да ѝ вградат катетер на одреден период. Таа година паднала и ја повредила раката, а болката се проширила и кон рамената и вратот. По извесно време, Ема едвај можела да ја мрда таа рака, а подоцна била подложена и на операција поради воспалено слепо црево. “Кога знаете дека нешто не е во ред со вас, а никој не ве слуша, се чувствувате како да викате во празна јама”, вели девојката која во разни фази се борела против бројни симптоми на разни болести како болки во зглобовите и мускулите, главоболки, мачнини, губење на помнењето, несоница, акни, осип, губење на косата и отекување. Кон крајот на 2018 година, Ема пронашла објаснување за своите симптоми на интернет – труење со мувла. Тогаш сѐ ѝ се поклопило, а кога отишла на лекар, се изненадила кога дознала дека нивото на митотоксини во крвта е на превисоко ниво. Сега Ема Маршал собира пари за лекување во Мексико на “GoFundMe” и напоменува дека е важно да не се откажувате кога знаете дека нешто се случува со вашето тело, иако никој не знае што.

Поради мувла одложено лансирањето на ракетата на „СпејсИкс“

Дарко Андоновски — Tue, 04 Dec 2018 09:46:00 +0000

Американската Национална аеронаутичка и вселенска агенција (НАСА) за утре го одложи лансирањето на вселенската сонда „Драгон“, која треба да однесе контејнер со намирници за екипажот на Меѓународната вселенска станица. Како што соопшти НАСА, лансирањето е одложено затоа што на некои од намирниците била откриена мувла. – На тимовите им е потребен дополнителен ден за замена на намирниците, се вели во соопштението на НАСА. Лансирањето на сондата „Дагон“ со ракетата „Фалкон 9“ на компанијата „СпејсИкс“ од космодромот Кејп Канаверал на Флорида беше закажано за денеска во 19:38 часот по средноевропско време. Сондата „Драгон“, која треба да пренесе храна, резервни делови и опрема за научни истражувања, утре треба да го има својот 16-ти лет до Меѓународната вселенска станица.