ФОТО: На децата во болницата во Козле им дале мувлосан леб, директорот за Курир открива какви чекори ќе превземат!

Магдалена Андонова — Wed, 11 May 2022 14:30:50 +0000

На социјалните мрежи денеска се споделува фотографија со громорозна глетка од мувлосан леб кој, според информациите, им е послужен на децата и нивните родители во Институтот за белодробни заболувања во Козле. Редакцијата на Курир стапи во контакт со родителот кој со своето дете лежи на овој Институт и на кои им беше даден мувлосан леб. - На пладне го донесоа лебот, за време на ручекот. Моето дете спиеше, и си реков да јадам додека спие. Кога го пробав лебот видов дека е мувлосан, веднаш го плукнав. Ја повикав жената што ја дели храната и ми се извини дека не видела. Донесе нов леб, јас секако не јадев. Не барам ништо освен детето да си го излечам! Среќа спиеше па не зема од лебот, подоцна дојдоа го собраа и си заминаа како ништо да не било, раскажа родителот кој сакаше да остане анонимен. Одговор побаравме од надлежните органи, при што исконтактиравме со директорот на болницата во Козле, Бесник Зеќири кој вели дека е запознаен со случајот при што договорил средба со претставници од добавувачката фирма за храна како и можни санкции. - Не е дозволиво во здравствена установа да се случуваат вакви пропусти, особено во храната со која се хранат и дечињата. Нашата установа, Институтот во Козле има склучено договор со фирми кои носат храна за пациентите и истата е спакувана по сите стандарди. Рокот на лебот е со валидност до утрешниот ден, но внатре лебот е со променета боја. Веднаш исконтактирав со претставници на фирмата која ни доставува храна и договорив состанок уште утре. Ќе бидат превземени сите законски мерки за санкција и превземање на одговорност од страна на фирмата. Воедно им се извинуваме на пациентите кои се изложени на вакви несакани ситуации, вели Зеќири за Курир.

Студентите од „Кузман“ револтирани: Добиле леб мувлосан и со поминат рок

Ивона Петрова — Wed, 19 Sep 2018 17:30:59 +0000

„Внимавајте што јадете“. Оваа парола денес кружеше во студентскиот дом „Кузман Јосифовски Питу“ откако на студентите кои се во истиот им бил даден за јадење леб со поминат рок. На социјалните мрежи кружат фотографии на кои се гледа дека лебот е мувлосан и со изминат рок. Студентите револтираат коментираат дека веќе еден месец речиси секојдневно јадење е пире, а се прашуваат и како може домот да прима роба со поминат рок и истата да им ја дава на нив. Дрскоска на вработените во студентскиот дом одела дотаму, што откако студентите им посочиле на вработените дека лебот е мувлосан, тие дрско и безобразно им се обратиле да не го јадат ако гледаат дека е таков, да си земеле нов и да молчеле. Секојдневните нечовечки постапки кон студентите само го зголемува нивниот револт и тие остануваат на ставот дека одговорност за ваквите работи мора да има, се бара и оставка од директорот на студентскиот центар Дарко Николовски. Имено, како што посочуваат на социјалните мрежи револтираните студенти, ваква е сликата кога во моментот има околу 50-тина студенти во домот, па се прашуваат што ли ќе јадат кога капацитетот на овој објект ќе биде целосно исполнет, односно 400 лица.

мувлосан леб – Kurir.mk

ФОТО: На децата во болницата во Козле им дале мувлосан леб, директорот за Курир открива какви чекори ќе превземат!

Студентите од „Кузман“ револтирани: Добиле леб мувлосан и со поминат рок