музеј на македонска борба – Kurir.mk

Изложба „1000 години Бигорски манастир“ во Музејот на македонската борба

Ивона Петрова — Fri, 19 Nov 2021 09:36:21 +0000

Од денеска во Музејот на македонската борба е поставена изложбата „1000 години Бигорски манастир“ реализирана во соработка со Бигорскиот манастир и ансамблот „Македонија“. Музејот соопшти дека изложбата е пресек на духовното и материјалното богатство на манастирот во неговата богата историја од илјада години постоење. – Дел од изложените материјали се и осум олтарни, две чудотворни, две тронски икони, Кивот од капакот на моштите, како и особено драгоцени и вредни предмети од XVIII, XIX и XX век – Митра, Игуменски крст, Епетрахил, Жезол, Рипиди со серафими…, соопшти Музејот на македонската борба. Посетителите ќе може да ја посетат изложбата до 28 ноември согласно со актуелните мерки и протоколи за зашитита од КОВИД-19. Влезот е слободен.

Музејот на македонската борба за самостојност затворен за посетители

Ивона Петрова — Wed, 18 Mar 2020 12:00:57 +0000

Согласно препораките на Владата за спречување на ширењето на КОВИД-19, Музејот на македонската борба за самостојност денеска соопшти дека оваа национална установа е затворена за посета. Комуникацијата со посетителите ја продолжуваат преку интернет локацијата www.mmb.org.mk и преку каналите на социјалните мрежи Facebook и Google business. Од Музејот на македонската борба информираат дека почнале со интерактивната 3Д веб сцена посветена на Аферата Мис Стон која е на располагање на веб локација http://www.mmb.org.mk/elenston/. Се работи за едукативна алатка со која може дополнително да се истражи овој историски настан, вклучувајќи ги главните ликови, бројки, податоци, но и да се доживее дел од атмосферата на постојаната музејска поставка. – Ќе продолжиме со презентација на инклузивниот водич „Минато на дланка“ посветен на 13 тактилни предмети и аудио приказни преку кои ја доловуваме музејската поставка. Водичот е дел од Проектот за унапредување на пристапноста на музејот за слепи и слабовидни лица, поддржан од Балканската музејска мрежа, се вели во соопштението. Во наредниот период Музејот ќе продолжи да објавува и музејски приказни од збирките и депоата со што, како што се наведува, ќе ја реализираме нашата мисија на истражување, промоцијата и едукација за нашето културно и историско наследство во новонастанатите околности.

Музејот на македонската борба ќе биде затворен во понеделниците

Дарко Андоновски — Fri, 29 Jun 2018 12:51:53 +0000

НУ Музеј на македонската борба соопшти дека почнувајќи од јули секој понеделник ќе му биде неработен. Досега оваа музејска установа работеше сите седум дена во неделата, а затворен беше само во првиот понеделник во месецот. Работното време од вторник до недела ќе остане исто - од 10 до 18 часот.