музика – Kurir.mk

Необично високи казни: Суми и до 36000 евра за пуштање гласна музика на плажа

Ристе Здравков — Thu, 20 Jul 2023 11:37:53 +0000

Плажата е место каде што често ќе најдете луѓе кои свират гласна музика без да се грижат за другите – а на Португалија официјално ѝ е преку глава од таквото однесување. Така, португалската национална поморска управа (AMN) објави дека ќе почне да ги казнува луѓето кои пуштаат гласна музика со максимална казна од 36.000 евра. Да, добро прочитавте, за висината на максималната казна можете да си дозволите убав нов автомобил. Според Evening Standard, индивидуалните казни за пуштање гласна музика ќе започнуваат од 200 евра, пред потенцијално да се зголемат до 4.000 евра за понатамошни прекршоци. Најголемата казна што може да и се изрече е 36.000 евра. Сепак, точната јачина на звукот што налага таква казна не е особено јасна. АМН едноставно објави дека „преносливите звучници се забранети на плажите ако можат да ги вознемируваат другите посетители“ и дека поплаки за бучава можат да пријават и туристите и локалните жители. Како и да е, ако планирате да пуштате песни на плажа во Португалија ова лето, можеби е најдобро да ги понесете слушалките!

ВИДЕО: Играњето на ова куче ќе ве воодушеви, ужива во ритамот и музиката

Ивона Петрова — Tue, 09 May 2023 17:44:19 +0000

Освен што сакаат да се галат, да одат на прошетка и да јадат, некои кучиња знаат и да уживаат во музиката. На ова видео ќе видите мало куче кое ужива додека го слуша својот сопственик како свири. Кучето кое ужива во музиката во еден момент го фати ритамот и почна да игра со телото и да мавта со опашката. Неодоливата реакција погледнете ја во видеото во продолжение.

View this post on Instagram

A post shared by Dog Lovers 💖 (@dogscaring)

Каква музика најмногу ви се допаѓа? Еве што открива вашиот омилен жанр за вашиот карактер

Ристе Здравков — Sat, 19 Nov 2022 14:52:43 +0000

Каква музика слушаат креативните, а каква анксиозните луѓе? Нечиј музички вкус тешко се менува, а се гради уште од детството. Врската помеѓу типот на музика што ја сакаме и цртите на личноста сè уште не е добро истражена, но има некои резултати кои покажуваат дека тие се поврзани барем до одреден степен. Имено, едно истражување опфатило повеќе од 36 илјади испитаници ширум светот и добиле задача да оценат 104 музички стилови, а пополниле и прашања поврзани со пет особини на личноста и нивната омилена музика. Резултатите покажале дека личностите и музичките вкусови се поврзани, но дека има и други фактори. Ова се дел од заклучоците од истражувањето: Поп музиката им се допаѓа на екстровертни, искрени и конвенционални луѓе. Иако се вредни и имаат висока самодоверба, излегува дека не се толку креативни и опуштени како љубителите на другите жанрови. Рап и хип хоп музика слушаат луѓе кои исто така имаат висока самодоверба и кои се прилично отворени, и покрај стереотипот дека љубителите на оваа музика се агресивни, таква врска не била пронајдена. Луѓето кои слушаат кантри музика се генерално напорни, пријателски расположени и конзервативни. Иако темите често се поврзани со кршење на срцето, луѓето кои слушаат кантри музика се генерално емотивно стабилни. Иако рок и хеви метал музиката се поврзуваат со гнев и агресија, љубителите на овие жанрови се нежни, креативни и интровертни, покажа истражувањето. Имаат и ниска самодоверба. Обожавателите на инди музика се интровертни, паметни и креативни, но помалку напорни и нежни од љубителите на другите жанрови. Се карактеризираат и со пасивност, анксиозност и ниска самодоверба.

Како на телефон да слушате музика од YouTube во позадина?

Ристе Здравков — Mon, 14 Nov 2022 21:11:27 +0000

Не е важно дали имате iPhone или Android, ова се најдобрите реешенија за слушање YouTube содржини во позадина - потполно бесплатно. Со растот на популарноста на платформите за стримување музика, како што се Spotify, Deezer, Tidal и YouTube Music, има сѐ помалку луѓе кои чуваат музика на своите уреди. За жал, сите овие платформи бараат од корисниците да плаќаат одредена претплата за да добијат полна функционалност, па така за бесплатно стримување музика и слушање во позади е сѐ потешко да се најде соодветно решение. Се разбира, независно од тоа дали сакате да слушате студиски верзии на песните, каверите или нешто сосема друго, како подкасти, YouTube е место кое нуди најголем избор на содржини. За жал, доколку не се претплатите, официјалната апликација нема да ви дозволите да ја ставите да работи во позадина. Сепак, постојат алтернативни решенија, кои ви ги претставуваме подолу, независно од тоа дали имате iPhone или Android уред. Најдобра Android апликација за слушање YouTube музика во позадина Според многумина, најдобрата апликација за оваа намена е YMusic. Оваа апликација постои веќе неколку години и е проверено решение не само за слушање музика во позадина, туку и за заштеда на драгоцени мегабајти додека тоа го правите. Интерфејсот е многу едноставен, а иако ја има таа опција, YMusic не подразбира репродукција на видеа, туку само на аудио, па затоа нема да стравувате дали брзо ќе ви се потроши мобилниот интернет додека слушате музиката. Кога ќе ја инсталирате апликацијата, YouTube содржината можете да ја пребарување низ секцијата Discover, а откако ќе ги пронајдете посакуваните видеа, апликацијата ќе состави листа од 25 препорачани песни чиј редослед можете да го прилагодувате по желба. YMusic нуди и бројни други функции како правење плејлисти, еквализатори, тајмери за гасење музика, па дури и подесување на брзината на репродукцијата. Сепак, функцијата која многумина ја сметаат за најкорисна е можноста за симнување на содржини во MP3 формат. Доколку во моментов помислувате на YouTube Vanced, апликација која нуди слична функционалност, имајте на ум дека YMusic не е замена за YouTube Vanced, туку бесплатна алтернатива на YouTube Music апликацијата. Понатаму, овие две апликации можете да ги користите во пар, на истиот начин на кој можете да ги користите и YouTube Premium и YouTube Music. Најдобра iPhone апликација за слушање YouTube музика во позадина За жал, инсталирањето на апликации вон App Store е невозможно без комплициран процес, па на корисниците на iPhone изборот им останува само на апликациите кои Apple ги има одобрено, односно кои што не ги кршат нивните правила. Ова не значи дека iPhone корисниците не можат да слушаат YouTube содржини во позадина, туку само дека решенијата им се прилично ограничени и далеку помалку функционални во однос на Android. Такви решенија на App Store има доста, но според мислењето на мнозинството, најдоброто решение се вика Musi. Апликацијата Musi не е толку богата со функции како YMusic, но ќе ви заврши работа. По пуштањето на песна, автоматски создава плејлиста со 25 песни која можете да ја прилагодувате, нуди создавање сопствени плејлисти, еквализатор и тајмер за гасење на музиката. За жал, сите апликации од ваков тип во App Store, па и Musi, на своите корисници им прикажуваат реклами, па морате да издвоите еднократна сума доколку не сакате да ви се прикажуваат, што не е идеално, но секако е поевтино од редовното плаќање на претплата.

Како НАВИСТИНА влијае музиката на нашето здравје и што се случува во мозокот кога ќе ја чуеме ОМИЛЕНАТА ПЕСНА?

Ристе Здравков — Tue, 25 Oct 2022 13:13:11 +0000

Животот без музика е тешко да се замисли. На крајот на краиштата, многу работи во животот ги поврзуваме со одредени песни, а тоа никогаш нема да се промени. Затоа е интересно да се погледнат резултатите од истражувањето кое се занимавало со влијанието на музиката врз менталното здравје. Како што покажа најновата студија, чии резултати беа објавени во списанието American Medical Association Network Open, музиката позитивно влијае на менталното здравје. Всушност, нејзиното влијание е еднакво на резултатот постигнат со вежбање. Во вкупно 26 студии, колку што се вклучени во споменатото истражување, експертите, меѓу другото, откриле дека слушањето музика има подеднакво големо влијание врз здравјето како и физичката активност. Иако претходно беше познато дека музиката позитивно влијае на менталното здравје, особено кога станува збор за музикотерапии, ова е првиот потврден податок кој го поврзува слушањето музика, или го поистоветува со придобивките од вежбањето. – Воопшто не сме изненадени од фактот што музиката ја подобрува емоционалната благосостојба, а во исто време ни го обезбедува многу потребниот одмор од стресните ситуации. Истражувањата покажуваат дека кога слушаме музика, нашиот мозок ослободува допамин, хемиска супстанца која го намалува чувството на напнатост и стрес – вели психологот Скот Гласман, еден од авторите на ова истражување. – Неодамнешните студии покажаа и дека луѓето имаат поголема корист од вежбањето додека слушаат музика. Нивната мотивација е поголема, а тоа позитивно влијае на нивното расположение за време на вежбањето – додава Гласман.

Руската музика ќе биде забранета во Украина

Катерина Бојаџиева — Sun, 19 Jun 2022 17:43:24 +0000

Музиката на уметници со руско државјанство ќе биде забранета во јавност во Украина, откако мерката денеска беше усвоена со двотретинско мнозинство во Горниот дом на парламентот, изјави пратеникот Јарослав Железњак преку апликацијата Телеграм. Во образложението заедно со предлог-законот се вели дека „музичкиот производ на државата агресор може да предизвика сепаратистички чувства кај населението“. Руската музика може да помогне да се направи усвојувањето на рускиот идентитет попривлечно и да се ослаби украинската држава, се вели во текстот. Исклучок ќе бидат само уметниците кои јавно ја осудија руската инвазија на Украина, а тајната служба СБУ ќе состави посебна листа на исклучоци. Паралелно, забранет е увоз и дистрибуција на книги и други печатени материјали од Русија, Белорусија и териториите окупирани од Русија. Увозот на книги од Русија е забранет од 2016 година.

И предвидуваат нов Оскар: Слушнете ја песната на Лејди Гага за продолжението на „Топ Ган“

Ивона Петрова — Wed, 04 May 2022 09:48:58 +0000

Лејди Гага сними песна под името „Hold My Hand“ за потребите на филмот „Top Gun: Maverick“. На обожавателите песната им се допаѓа, а дел од нив и предвидуваат и нов Оскар. -Кога ја напишав песната за „Top Gun: Maverick“ не ни сфатив колку слоеви се простираат нив срцето на филмот, мојата психа и природата на светот во кој живееме. Работев на песната една година, ја усовршував, се обидувам да ја направам наша. Сакав да претворам музика во песна во која ја делиме нашата длабока потреба да бидеме сфатени и да се обидеме да се разбереме едни со други, вели Гага. Пејачката изрази благодарност за укажаната доверба и дадената можност.

Која е поврзаноста помеѓу МУЗИКАТА И ВЕЖБАЊЕТО? Ново истражување има интересни одговори

Ристе Здравков — Thu, 03 Feb 2022 07:07:13 +0000

Дали забележавте дека голем број луѓе во теретана речиси секогаш имаат слушалки? Една неодамнешна студија покажа дека слушањето музика ги стимулира луѓето да прават повеќе и забележале дека тоа прави разлика кога прават вежби за издржливост Музика и тренинг? Слушањето музика со високо темпо може да ви го одвлече вниманието од секојдневните стресови и да ја направи вежбата помалку предизвикувачка, што значи дека е поголема веројатноста да уживате во неа. Ако сакате максимално да ги искористите вашите вежби и да уживате во тоа, се чини дека сè што треба да направите е да направите забавна и оптимистичка плејлиста. Високото темпо и музиката со висок интензитет може да ве мотивираат подолго време. Неопходно е да обрнете внимание на темпото на вашата музика за да го подобрите тренингот. Друго истражување покажа дека кога луѓето слушаат музика со висок интензитет, добиваат подобри придобивки од вежбањето бидејќи не мислат дека работат толку напорно, па го прават тоа подолго. Тие додадоа дека придобивките од музиката со високо темпо биле поприсутни за време на попредизвикувачки вежби како што е кревање тегови отколку одење. Така, слушањето музика може да го подобри вашето расположение, да ве инспирира и да ве натера привремено да заборавите на заморот, па затоа сте посклони да работите подобро и подолго, пренесува The List.

Талибанците забранија музика во автомобилите

Магдалена Андонова — Sat, 25 Dec 2021 16:00:55 +0000

Талибанците забранија да се слуша музика во автомобилите, како и жените да не можат да се возат без хиџаб. Авганистанското Министерство за исламска ориентација издаде пишана препорака до возачите да не вклучуваат музика и да не примаат во возилата жени без хиџаб. Талибанците го зазедоа Кабул на 15 септември и ја презедоа власта во Авганистан, а на почетокот на септември го објавија составот на привремената влада. (МИА)

МТСП најавува вонредна инспекција во градинката каде на децата им се пушта „Жена од султана“

Ивона Петрова — Mon, 29 Nov 2021 13:10:09 +0000

Министерството за труд и социјална политика ја информира јавноста дека веднаш ќе испрати вонреден инспекциски надзор во соодветната установа за згрижување и воспитување на децата. Ова е ставот на МТСП откако порталот „Слободен печат“ објави видео на кое се гледа како на деца во детска градинка во Општина Карпош на децата им се пушта несоодветна музика, меѓу кои и песната „Жена од султана“. -Јавните установи за згрижување и воспитување на деца работат врз основа на Програма за рано учење и развој која воспитно - згрижувачкиот кадар е должен да ја спроведува. Надлежните инспекциски служби ќе ја утврдат фактичката состојба околу спроведувањето на Програмата, по што ќе предложат соодветни мерки, се вели во соопштението.