мзт-работнички – Kurir.mk

МВР со детали за каменувањето на автобусот со навивачи на Работнички- еве колкумина се повредени

Дарко Андоновски — Tue, 07 May 2019 13:39:35 +0000

На 06.05.2019 година околу 21 часот во СВР Скопје било пријавено дека на булевар „АВНОЈ“, по завршување на кошаркарскиот натпревар помеѓу екипите на „МЗТ Скопје“ и „Работнички“, лицe фрлилo камен кон автобус што ги превезувал навивачите на кошаркарскиот клуб „Работнички“, при што скршил прозорско стакло. Притоа, Х.Н.(17) и М.Б.(17), двајцата од Скопје, се здобиле со повреди и им била укажана помош во комплексот клиники „Мајка Тереза“. Увид на местото извршила екипа од СВР Скопје и се преземаат мерки за целосно расчистување на случајот, информираат од МВР.

Двајца навивачи на Работнички се повредени по каменувањето на автобусот среде Скопје (ФОТО)

Дарко Андоновски — Mon, 06 May 2019 21:07:30 +0000

Двајца повредени е билансот од вечерашниот инцидент кој се случи во центарот на Скопје откако беше каменуван автобусот со навивачите на Работнички. Повредените со возило на итна медицинска помош се пренесени на градските клиники. Инцидентот инаку се случил по завршувањето на натпреварот во спортскиот центар „Јане Сандански“, а во близина на хотелот „Хилтон.“ МЗТ Скопје вечерва го победи Работнички со 85-63 (48-36), во мечот од шестата рунда во Суперлигата. МЗТ е прв на табелата во Суперлигата со скор 22-3, пред Работнички со 20-5.

ФОТО: Каменуван автобусот со навивачи на Работнички по мечот со МЗТ Скопје- има повредени!

Дарко Андоновски — Mon, 06 May 2019 20:43:44 +0000

Автобус кој превезувал навивачи на кошаркарскиот клуб Работнички вечерва е каменуван близу хотелот „Хилтон“ во Аеродром, по дерби мечот со МЗТ Скопје во спортскиот центар „Јане Сандански“, потврдија од МВР за САКАМДАКАЖАМ.МК Сè уште нема детали за нападот, но неофицијално, на враќање од натпреварот врз автобусот се фрлени камења, а има и повредени кои се однесени со Брза помош. Целиот текст можете да го прочитате ТУКА.

Драма на натпреварот МЗТ-Работнички: Нападнале полицајци и вработен во обезбедување

Ивона Петрова — Fri, 04 May 2018 11:25:02 +0000

Две лица од Скопје вчера за време на кошаркарскиот натпревар помеѓу екипите „МЗТ-Скопје“ и “Работнички“ нападнале вработен на обезбедување и полициски службеници. Од МВР информираат дека инцидентот се случил на влезот од салата кога Ј.Б. (24) и А.Д. (33), физички го нападнале С.Н., вработен во агенција за обезбедување кој вршел службени дејствија како обезбедување на натпреварот, при што му нанеле телесни повреди. При интервенција на полициски службеници, биле нападнати и двајца полицајци, по што напаѓачите се приведени во полициска станица. По целосното расчистување и документирање на настанот ќе следи соодветен поднесок.