мзт – Kurir.mk

Градоначалникот Муцунски и кошаркарите од МЗТ Скопје се вклучија во одбележувањето на Светскиот ден на ретки болести во Аеродром

Катерина Бојаџиева — Tue, 28 Feb 2023 13:57:07 +0000

Денеска со низа различни активности низ училиштата во Аеродром беше одбележан Светскиот ден на лицата ретки болести. Со свој придонес во неговото одбележување се вклучија градоначалникот Тимчо Муцунски и кошаркарите од МЗТ Скопје кои заедно со дечињата од училиштата „Димитар Македонски“ и „Гоце Делчев“ со обоените дланки испратија јасна порака дека даваат поддршка за лицата кои живеат со ретките болести во Македонија. Градоначалникот Муцунски заедно со дечињата ја обои својата рака со зелена боја, при што потенцираше дека целта на денешниот ден е го подобри знаењето кај јавноста за ретките болести, истовремено охрабрувајќи ги истражувачите и носителите на одлуки да одговорат на потребите на оние кои живеат со ретки болести. „Секој живот е подеднакво важен, а сите заедно можеме да направиме значајни промени во општеството. Токму поради ова, јас и општината Аеродром во следниот период остануваме отворени и подготвени за поддршка на лицата кои живеат со ретки болести и организациите кои делуваат во оваа област“, истакна Муцунски по завршувањето на настанот.

Јигитоглу ги напушти редовите на МЗТ Скопје Аеродром

Тале Кристо — Wed, 11 Jan 2023 15:08:51 +0000

Младиот 18-годишен турски центар Самет Јигитоглу, како што официјално е соопштено денеска, веќе не е член на МЗТ Скопје Аеродром, откако неговиот менаџерски тим ја плати откупната клаузула предвидена во договорот и реши да го врати во Турција, и тоа најверојатно во матичниот Бешикташ, од каде што и дојде во редовите на македонскиот кошаркарски првак. Јигитоглу му се приклучи на МЗТ Скопје минатата сезона кога настапуваше за вториот тим, а високиот центар сезонава беше промовиран во сениорскиот тим. Во дресот на МЗТ Скопје одигра 14 натпревари во регионалната АБА лига на кои имаше просек од 5,7 поени и 4,5 скокови. Претходно оваа недела МЗТ Скопје Аеродром се раздели и со македонскиот репрезентативец Адем Мекиќ, а на негово место го донесе Американецот Кеандре Кук.

Драган Николиќ нов тренер на МЗТ

Тале Кристо — Tue, 27 Dec 2022 14:06:31 +0000

Српскиот кошаркарска стручњак, Драган Николиќ, од денеска е нов тренер на МЗТ Скопје Аеродром, откако потпиша договор до крајот на сезоната со можност тој да биде продолжен и до јуни 2024 година. – Станува збор за добро познато име за македонската спортска јавност, со оглед што во сезоната 2016/17 повеќе од успешно го предводеше Карпош Соколи во АБА-лигата и ни беше повеќе од достоен ривал во битката за титулата во првата лига, која на крајот ја обезбедивме дури по „мајсторка“. Николиќ има и македонски пасош со оглед на потеклото на неговото семејство од нашата земја, а згора на тоа негова сопруга е една од најдобрите македонски кошаркарки на сите времиња, Марија Видикова, објавија попладнево „сино-белите“. Последен клуб на 50-годишниот Николиќ беше Борац Бања Лука (2020-2022) со кој настапи на завршниот турнир од АБА2 годинава во април во Скопје. Претходно, ја предводеше Игокеа, полски Кошалин, Младост Земун, а на почетокот на 21 век неколку сезони беше тренер на поранешниот женски гигант од Охрид, тимот на Профитнес. Популарниот Гаги, се очекува денеска да пристигне во Скопје, а дебито на клупата ќе го има в петок на гостувањето кај Цибона во меч од 13. коло од АБА-лигата. Македонскиот шампион пред неколку дена остана без тренер откако беше прекината соработката со Александар Петровиќ.

Мицкоски со поддршка за МЗТ од трибини (ФОТО)

Катерина Бојаџиева — Mon, 10 Oct 2022 18:03:17 +0000

Лидерот на ВМРО-ДПМНЕ, Христијан Мицкоски од трибините ги бодреше кошаркарите на МЗТ, заедно со градоначалникот на општина Аеродром, Тимчо Муцунски. -Храбра игра, пожртвуваност на теренот и голема поддршка од трибините. МЗТ Скопје по речиси пет години е вратен таму каде што припаѓа - АБА 1, а допрва следуваат победите. Продолжуваме заеднички да му помагаме на МЗТ Скопје и да го градиме овој локален бренд, напиша Муцунски на Фејсбук.

МЗТ загуби убедливо но не се посрамоти на гостувањето кај Црвена звезда

Тале Кристо — Sat, 01 Oct 2022 20:20:07 +0000

МЗТ Скопје со пораз ја започна новата сезона во АБА лигата, „штрковите" вечерва загубија на гостувањето кај Црвена звезда со 87-67. МЗТ Скопје ја започна авантурата во АБА лигата со пораз на гостувањето кај Црвена звезда, епилог кој беше очекуван со оглед на тоа дека „штрковите“ против себе го имаа актуелниот шампион во регионалното натпреварување и учесник во Евролигата. Клубот од Аеродром беше инфериорен само во втората четвртина која противникот ја доби со 26-13 и се одлепи на убедливи плус 17 на крајот од првото полувреме (39-22). Во третиот период, Црвена звезда направи серија од 14-2 и дојде до највисоки +27, но ниту тоа не ги исплаши момците во сино-бело, кои погодија неколку тројки во низа и ја спуштија разликата под 20 поени. Последните десет минути минаа во наизменично поентирање на двете екипи па конечниот резултат на табелата гласеше 87-67. В. Стојановски со 17 поени, Бојан Крстевски со 14 и Миќовиќ со 12 поени беа најпрецизните кај МЗТ Скопје на вечерашната средба.

МЗТ Скопје убедливо поразен од Младост во првиот четвртфинален натпревар во плејофот на АБА 2

Тале Кристо — Tue, 20 Apr 2021 12:28:18 +0000

Младост Максбет е многу близу до пласман во полуфиналето од плејофот во регионалната кошаркарска АБА 2 лига, откако попладнево во првиот меч од четвртфиналето го совлада македонскиот претставник МЗТ Скопје Аеродром со 95:75. Победникот се наѕираше уште по првата четвртина која екипата од Земун ја доби со 28:19, а разликата во текот на втората четвртина достигна двоцифрени 21 поен. „Сино-белите“ од Аеродром успеаја да одиграат нешто подобро во третата четвртина која ја решија во своја полза со 19:18, но во последниот период српскиот тим повтоно беше подобар за конечна убедлива победа. Треј Дречсел со 24 поени, Душан Танасковиќ со 19 и Стефан Гомбаулд со 18 беа најдобри во победничкиот тим. Кај МЗТ Скопје прв стрелец беше Иван Карачиќ со 15 поени. Двата тима в четврток ќе одиграат уште еден меѓусебен натпревар по кој ќе бид епознат учесникот во полуфиналето.

Тренерот на МЗТ после победата над Хелиос во АБА лигата: Правевме невидени грешки

Тале Кристо — Wed, 20 Jan 2021 08:56:16 +0000

Тренерот на МЗТ Скопје Аеродром, Ѓорѓи Кочов упати критики на адреса на своите кошаркари, и покрај триумфот над екипата на Хелиос од 70:69 во АБА 2 лигата. Македонскиот првак синоќа со многу среќа во драматична завршница стигна до својот четврти триумф во регионалната лига, откако словенечкиот тим се врати од негатива од 12 поени во последната четвртина и испушти шанса за победа во завршните секунди од натпреварот. -Ваква неодговорност и грешки, какви што ние ги правевме во финишот, досега немам видено. Единствена добра работа е што тие го промашија тој последен шут и што ние стигнавме до победата. Среќа е што сме овде сите заедно, па уште веднаш ќе почнеме со корекција на сите грешки што ги направивме, изјави Кочов по натпреварот. Феми Олуџоби со 16 поени беше најпрецизен во македонскиот тим, додека Андрија Бојиќ постигна 12, а Андреј Магдевски 10 поени, додавајќи шест скокови и седум асистенции. МЗТ Скопје Аеродром има ефект од четири победи и еден пораз во пресрет на следниот дуел на турнирот во Бања Лука против Слобода Ужице, закажан за в петок.

Маслинко останува во МЗТ, се потпишаа договори со Бакоч и Радуловиќ

Тале Кристо — Mon, 29 Jun 2020 09:40:55 +0000

Македонскиот кошаркарски репрезентативец Андреј Маслинко и следната сезона ќе го носи дресот на МЗТ Скопје Аеродром, откако го продолжи на уште една година договорот со клубот од „Јане Сандански“. За 23-годишниот крилен центар ова ќе биде четврта сезона во Аеродром, каде што првпат дојде во август 2017 година. Маслинко беше дел од тимот што стана шампион во 2019 година, како и што дојде до пехарот во Купот на Македонија една година претходно. Од денес и официјално нов член на МЗТ Скопје Аеродром е 24-годишниот Филип Бакоч кој потпиша едногодишен договор со „сино-белите“. Засилување има и за стручниот штаб на МЗТ каде се приклучува досегашниот тренер на Вардар, Дарко Радуловиќ, кој во иднина ќе ја има функцијата помошник на првиот стратег Ѓорѓи Кочов. Претходно, договорот со МЗТ Скопје го обновија капитенот Дамјан Стојановски и тренерот Кочов, а под обврска од минатата сезона се и Андреј Магдевски и Бојан Крстевски.

МЗТ загуби од Ловќен во АБА 2

Тале Кристо — Thu, 12 Dec 2019 20:05:43 +0000

МЗТ Скопје Аеродром доживеа пораз на гостувањето кај Ловќен во Цетиње со 73-69 (38-35) во 11 коло од АБА2 лигата. За тимот од Аеродром ова беше трет пораз во регионалната лига. „Штрковите“ го изгубија дуелот во завршницата, откако имаа предност од 63-57 во последните пет минути, но до крајот уфрлија само 6 коша, а притоа примија 16, што беше клучно за финалниот исход. Дамјан Стојановски реализираше 20 поени за скопскиоттим, додека Херис и Хиндс постигнаа по 12. Ѓукановиќ со 23 поени беше најпрезцизен во победничкиот тим. МЗТ во следното коло гостува кај Слобода.

Кривична пријава поради истекувањето на солна киселина: Фирмата работела без дозвола, граѓаните пријавиле дека миризбата е неподнослива

Ивана Ефремовски — Mon, 02 Dec 2019 14:43:31 +0000

Градоначалникот на Град Скопје, Петре Шилегов најави дека ќе биде поднесена кривична пријава против фирмата сопственик на цистерната од која синоќа истече солна киселина во близина на фабриката МЗТ во Општина Гази Баба. Шилегов наведе дека фирмата работела без дозвола и го повика Јавното обвинителство сериозно да ја сфати состојбата со животната средина и да почне соодветно да постапува по вакви и слични пријави. -Иако надлежен за вакви инсталации е Државниот инспекторат за животна средина, ние веднаш по пријава на граѓани излеговме на терен. Направен е записник, констатирано е дека се работи за истекување на солна киселина од цистерна, веднаш се преземени итни мерки за спречување понатамошно истекување. Фирмата работела без дозвола, па затоа ќе поднесеме кривична пријава до Обвинителството. Го повикувам Јавното обвинителство сериозно да ја сфати состојбата со животната средина и да почне соодветно да постапува по вакви и слични пријави, изјави градоначалникот Петре Шилегов. Инспекторот за инцидентот информираше вчера, нагласувајќи дека инспекторите од Град Скопје реагирале веднаш и дека е пронајден сторителот. -По пријава од општински советник од Општина Гази Баба за непријатен мирис во околината на фабрика МЗТ, дежурните екипи на Инспекторатот на Град Скопје веднаш реагираа и го пронајдоа сторителот. Се работи за правен субјект што работи со прекурзори, на лице место е констатирано дека се работи за истекување солна киселина од цистерна, веднаш се преземени итни мерки за спречување на понатамошно истекување, соопштија од Инспекторатот. Инспекторатот на Град Скопје констатирал дека правниот субјект не поседува елаборат за заштита на животната средина.