нацев – Kurir.mk

Нацев: Условите во Армија не се задоволителни ама никој не смее да се пожали затоа што казните се високи

Тале Кристо — Fri, 05 Feb 2021 10:24:44 +0000

Утрово гостин во Лидер радио беше универзитетскиот професор Александар Нацев кој вели дека власта направи перцепција дека ако влеземе во НАТО магично ќе се смени се, но условите во Армија не се задоволителни ама никој не смее да се пожали, затоа што казните се високи. –Се направи една перцепција дека кога ќе влеземе во НАТО се магично ќе се смени, но тоа воопшто не е така затоа што системот на колективна одбрана што го носи НАТО e една работа, а индивидуалните системи кои ги носи или треба да ги изгради секоја друга земја е друга работа, вели Нацев. Според професорот условите во нашата армија не се на задоволително ниво и не доликуваат на нивото кое треба да бидат. Тој истакна дека кога британските структури дошле и ги виделе условите во Пепелиште и Криволак побарале веднаш сакале да си заминат. –Никој не смее да се пожали затоа што казните се високи. Вие тоа може да го видите преку масовниот одлив на војници. Јас знам многу војници, подофицери, па дури и офицери коишто си дадоа откази и отидоа да работат во приватни компании во Ирак и Авганистан, но голем дел од нив почнаа да возат камиони и да се занимаваат со други бизниси, заврши Нацев.

Нацев: Драго ми е што ВМРО-ДПМНЕ има проект кој предвидува ревидирање на системот на плати и надоместоци на припадниците на МО и АРМ

Тале Кристо — Sat, 04 Jul 2020 15:09:07 +0000

Драго ми е што после неколку мои колумни и јавни настапи во кои зборував за лошите услови и непрофесионалното менаџирање со Министерството за одбрана, можев да прочитам дека ВМРО-ДПМНЕ има проект кој предвидува ревидирање на системот на плати и надоместоци на припадниците на МО и АРМ во насока на пореално вреднување на трудот на секое ниво и за надминување на неправилностите во однос на добивањето на надоместоците, пишува во својата објава универзитетскиот професор по одбрана и безбедност Александар Нацев.

Нацев: Програмата на ВМРО-ДПМНЕ за подобрување на здравствената заштита на вработените во одбраната и во АРМ е одлична идеја

Тале Кристо — Mon, 29 Jun 2020 16:31:21 +0000

Програмата на ВМРО-ДПМНЕ за подобрување на здравствената заштита на вработените во одбраната и во АРМ е одлична идеја, смета универзитетскиот професор по одбрана и безбедност Александар Нацев. Сметам дека е одлична идеја проектот од програмата на ВМРО-ДПМНЕ за подобрување на здравствената заштита на вработените во одбраната и во АРМ, затоа што сигурноста што ќе ја донесе имплементацијата на овој проект ќе придонесе кон зголемување на моралот и мотивираноста кај вработените, коментира Нацев. Инаку, професорот Нацев од секогаш се залагал за подобри услови за припадниците во АРМ, а воопшто и за се кога станува збор за македонската армија.

Професорот Нацев открива нов скандал во Министерството за одбрана

Тале Кристо — Thu, 28 May 2020 19:34:35 +0000

Македонските војници во Авганистан оставени да гладуваат!, открива универзитетскиот професор по одбрана и безбедност Александар Нацев Дел од припадниците на АРМ кои се упатени во мисијата “RESOLUTE SUPPORT” во ??Авганистан се со истечени НАТО безбедносни сертификати, и воопшто не можат да ги извршуваат своите редовни работни задачи, ниту да се движат низ базата, а некои од нив дури немаат можност да го користат ресторанот за исхрана, па останува отворено прашањето како се прехрануваат додека се упатени на мисија!?, објави Нацев. Имено, поради промена на начинот на работа на ресторанот за исхрана, заради одредени безбедносни процедури, потребни се пропусници за влез во ресторанот, кои пропусници се издаваат врз основа на важечки безбедносни сертификати (и според регулатива овие пропусници не може да им се издадат на лица кои не поседуваат важечки сертификат). Ова е уште една последица на хаотичното менаџирање на процесот со издавање на безбедносни сертификати и ја доведува ??Македонија и нашите војници во една срамна положба пред нашите НАТО сојузници. Моите информации велат дека нашиот контингент добил и опомена од претпоставените авторитети во базата. Па затоа сакам да ги поставам следниве неколку прашања: 1.Како се дозволило припадници на АРМ да заминат на мисија, а да не поседуваат безбедносни сертификати? 2.Како се дозволило да има истек на безбедносен сертификат кога однапред точно се знае колку време еден припадник ќе помине на мисија? 3.Што прават таму нашите војници кои немаат важечки сертификати, и како ги поминуваат своите денови, кога не можат да влезат во ресторан да се прехранат, а камоли да влегуват во административни и безбедносни зони? 4.Дали овластеното лице од Министерството за одбрана ќе одговара за ваквите пропусти и безбедносни нарушувања? 5.И најважното, како нашите војници ќе се прехранат дури да им стигне новиот безбедносен сертификат, ако се знае дека за сертификат „Строго Доверливо“ се чека по три и повеќе месеци? Ваквата ситуација укажува дека нашите војници се жртви и колатерална штета на сметка на неспособното раководење со Министерството за одбрана и декларативните заложби на министерот за одбрана, вели во својата објава Нацев.

Нацев: Власта ја злоупотребува вонредната состојба, користејќи ги „благодетите“ на истата подготвува терен за избори

Тале Кристо — Wed, 22 Apr 2020 15:49:05 +0000

Одлуката којашто ја донесе Пендаровски да се прогласи нова вонредна сотстојба, не носи во еден вртлог кој може да продолжи сè до пред избори, а сиот тој период да се искористи за тактичко позиционирање на власта, која користејќи ги „благодетите“ на вонредната состојба ќе си го подготвува теренот за избори, пишува универзитетскиот професор по одбрана и безбедност Александар Нацев. Во продолжение ви го пренесуваме целиот статус на професорот Нацев? ГО ДРЖИ ЛИ НЕКОЈ КОРМИЛОТО ВО МАКЕДОНИЈА? -Злоупотребена вонредна состојба -Донесени Уредби по мерка на власта -Олигархијата заштитена, народот уплашен и осиромашен -Терен за изборите подготвен Одлуката којашто ја донесе Пендаровски да се прогласи нова вонредна сотстојба, не носи во еден вртлог кој може да продолжи сè до пред избори, а сиот тој период да се искористи за тактичко позиционирање на власта, која користејќи ги „благодетите“ на вонредната состојба ќе си го подготвува теренот за избори. Прогласувањето на вонредната состојба е обременето со голем број на неодговорени прашања: - Дали има оправданост за повторното воведување на вонредната состојба и дали има стандардни оперативни процедури за институционално дејствување во состојба на прогласена вонредна состојба? - Зошто воопшто прогласија вонредна состојба без претходно да донесат процена за загрозеност на безбедноста на државата од епидемија и без прифатен институционален план и организирани општествени активности за справување со вирусот? - Дали Претседателот на државата пред да донесе одлука, има добиено\побарано од институциите кои уредби со законска дила треба да се донесат ? - Откако е воведена вонредна состојба, само една третина од донесените Уредби со законска сила се поврзани со вонредната состојба. Ме интересира дали кога ќе се прекине вонредната, оние другите Уредби ќе се укинат, како изборот на судии и печатењето на пари со новото име на државата? -Зошто тогаш се инсистира на повторно прогласување на вонредната состојба, кога факт е дека кризната состојба дава поголеми ефекти? Примерите со Дебар и Центар Жупа јасно укажуваат на тоа дека главната тактика во спречувањето на вирусот беше токму прогласувањето кризна состојба во тие места и изолирањето на населението во целосен карантин, што ги даде очекуваните резултати. Од друга страна, го имаме случајот со Куманово, каде што состојбата континуирано се влошуваше и локалната власт очекувано побара мерки слични на оние во Дебар, но за тоа немаше слух од Владата. Се чини дека вонредната состојба не донесе многу ефект во Куманово, но доколку беше прогласена кризна состојба, ситуацијата ќе се развиваше во многу попозитивен правец. https://www.facebook.com/Prof.AleksandarNacev/posts/141339760773161

Нацев: Запрени реформите во одбраната

Тале Кристо — Tue, 04 Feb 2020 13:23:33 +0000

Трансформација на Армијата на Република Македонија запре уште на самиот почеток. Стратешкото промашување во доменот на одбранбената политика е очекувано, затоа што министерството е предводено од врвен непрофесионализам, пишува универзитетскиот професор по одбрана и безбедност Александар Нацев. Стратегискиот одбранбен преглед (СОП) кој беше донесен во 2018 година ги утврдува насоките за идниот развој и континуирана трансформација на одбраната, како и пропратните планови и програми за негова имплементација, вели Нацев. -Долгорочниот план за развој на одбранбените способности 2019-2028 (ДПРОС 2019-2028), кој е основен документ, го проектира развојот на одбранбените и воените способности на вооружените сили и на Министерството за одбрана. Планот е во наредната развојна декада, низ процесот на трансформација, да се преземат низа мерки и активности за исполнување на општите и посебните развојни цели, со краен таргет достигнување на потребните способности и капацитети, кои треба да одговорат и на побарувањата на НАТО и да бидат интероперабилни со оние на останатите НАТО сојузници, објаснува понатаму универзитетскиот професор Александар Нацев. Трансформацијата е предвидена во стратешкиве документи кои ја третираат одбраната, но истата веројатно ќе треба да почека подобри времиња за нејзина реализација, заклучува Нацев.

Нацев до Шеќеринска: Министерке, одговерете дали имало манипулација со списоците на лицата кои требало да заминат на мисија

Тале Кристо — Sun, 15 Dec 2019 16:57:40 +0000

Министерке,нервозна сте, а да бидам искрен и треба да бидете. Доказите за криминалот не се бришат и прецртуваат како што вие прецртувате имиња по списоци, стои во реакцијата на професорот Александар Нацев, откако претходно МО и министерката Радмила Шеќеринска преку реакција порачаа да не се чепкаат војниците. -Професионализацијата на Армијата и доброто на војниците ве интересира колку што Заев го интересира расчистување на случајот "Рекет". Повеќе време имате за гледање фудбалски натпревари со Боки 13, отколку за решавање на проблемите на професионалните војници, кои одат во искинати чизми и униформи, пишува во својата објава Нацев. Смирете се малку. Фокусирајте се и не бегајте од темата. Одговорете на прашањата кои се едноставни: - Дали сите кои заминаа во последната мировна мисија во Авганистан конкурираа за мисијата? - Дали сите кои заминаа ги поминаа физичките, здравствените и останатите проверки? - Што се случи со списокот кој го добивте со прворангираните на конкурсот? - Дали е точно дека некој прецртувал имиња и дали тоа е правено лично од Вас или по Ваша наредба?, прашува професорот Нацев. -За ваквите понижувања и потценувања на Армијата одговорност ќе има. Војниците не заслужуваат ваков третман. Русковска може и нема да покрене истрага со оглед на тоа што не ја прошири истрагата и со тоа ве амнестираше и за "Рекет". Сепак, после 12ти април, правдата ќе биде еднаква за секого и ќе треба да одговарате и на посериозни прашања од оние “За кого навивавте кога со Боки гледавте фудбал?”, порачува Нацев.

Нацев: Жените во АРМ мора да се чувствуваат горди и безбедни, случајот со сексуално вознемирување да биде истражен во целост

Тале Кристо — Thu, 21 Nov 2019 15:51:04 +0000

Последниот случај со сексуално вознемирување на припадничка на АРМ мора најостро да биде осуден и истражен во целост. Жените припаднички на АРМ мора да се чувствуваат горди и безбедни на своите работни места и затоа е круцијално ваквите предаторски постапки соодветно да бидат казнети, пишува универзитетскиот професор Александар Нацев. Нацев потенцира дека неприфатливи се декларативните изјави на раководството на Министерството за одбрана дека се борат за родова рамноправност и инклузивност, а пред нос им се повторуваат вакви ситуации -Ова не е прв ваков случај, и апсолутно се неприфатливи декларативните изјави на раководството на Министерството за одбрана дека се борат за родова рамноправност и инклузивност, а пред нос им се повторуваат вакви ситуации. Таквите изјави мораат да се поткрепат со дела. Да се потсетиме дека имаше ваков случај и во рамките на една од мировните мисии во кои учествува нашата армија, кој исто така беше откриен од медиумите. Ќе повторам, помалку декларативно, повеќе реактивно. Поддршка за жените војници, пишува Нацев во својот статус на Фејсбук.

Нацев: По расформирањето на специјалните сили на Армијата, на ред дојдоа и специјалните сили на Полицијата?

Тале Кристо — Wed, 09 Oct 2019 13:27:04 +0000

По расформирањето на специјалните сили на Армијата, изгледа на ред дојдоа и специјалните сили на Полицијата, пишува на својот Фејсбук профил универзитетскиот професор Александар Нацев. -Со секој изминат ден погласни се информациите кои велат дека Владата на Заев и на Спасовски планира да удри по Единицата за брзо распоредување (ЕБР) и да се расформираат одредени компоненти на оваа Единица, а вишокот припадници да се дисперзираат по Секторите за внатрешни работи, Единиците за Јавен ред и мир и да се користат како обезбедување на банкови пратки, а оклопната чета да не постои поради наводна некомпатибилност на оклопните возила со некои замислени стандарди на Спасовски. Поучени од ваквата ситуација во ЕБР, и специјалците од Единицата за специјални задачи „Тигар“ чувствуваат дека тие се следни, па околу 30% од припадниците на оваа единица се со барање за префрлување во друга единица, боледување, но и огромен број барања за неплатен одмор, кои не се одобруваат од командантите и воопшто не се проследуваат до повисоките старешини. Дали после „Лавовите“ и „Волците“, на ред сега дојдоа и „Тигрите“?, пишува во својот статуус професорот Нацев.