Начо Фернандез – Kurir.mk

Начо Фернандез нов капитен на Реал Мадрид

Тале Кристо — Thu, 29 Jun 2023 15:07:04 +0000

Дефанзивецот Начо Фернандез (33) ќе ја носи капитенската лента на Реал Мадрид во новата сезона во шпанската Ла Лига, соопшти денеска Кралскиот клуб. Втор капитен ќе биде Лука Модриќ (37), трет Дани Карвахал (31), а четвртата замена за капитенската лента ќе биде Тони Крос (33). Реал ги одредува капитените според временскиот стаж на фудбалерите во првата екипа за која Фернандез дебитираше во 2011 година и досега за клубот од Мадрид одигра повеќе од 300 натпревари. Шпанскиот репрезентативец Начо, кој целата своја кариера е дел од Реал Мадрид, ја презема капитенската лента од Карим Бензема, откако францускиот напаѓач претходно овој месец го напушти клубот и потпиша договор со Ал Итихад од Саудиска Арабија.

Реал подготвува нов договор за Начо

Дарко Андоновски — Sat, 21 Jan 2023 15:07:56 +0000

Реал Мадрид ќе му понуди нов договор на дефанзивецот Начо Фернандез, соопштува „АС“. Актуелниот договор на 33-годишниот Шпанец со „Кралевите“ е со важност до крајот на тековната сезона. Новиот договор ќе биде на една година. Забележано е дека од јануари тој ќе може да преговара со други клубови за летен трансфер како слободен играч. Во тековната сезона во Ла Лига, Начо одигра седум натпревари за Реал Мадрид без постигнат гол.

Севилја е заинтересирана за Начо

Тале Кристо — Fri, 12 Aug 2022 15:19:07 +0000

Одбранбениот фудбалер на Реал Мадрид Начо Фернандез би можел да се пресели во Севилја. Според „El Chiringuito“, клубот од Андалузија бил во контакт со претставници на 32-годишниот Шпанец. Самиот играч сака да остане во Реал Мадрид. Клубот од Мадрид подготвува предлог за продолжување на договорот. Актуелниот договор на Начо е до 2023 година. Порталот „Trasnfermarkt“ ја проценува вредноста на играчот на 7 милиони евра. Минатата сезона Начо настапи на 41 натпревар и постигна три гола. Играчот на првиот натпревар од сезоната 2022/23, во средата во Суперкупот на УЕФА беше на клупата за резерви.

Фернандез поради повреда три месеци надвор од терените

Ивона Петрова — Wed, 02 Oct 2019 10:01:19 +0000

Дефанзивецот на Реал Мадрид, Начо Фернандез, ќе биде надвор од терените два до три месеци, објави шпанска „Марка“. Фудбалерот претрпе повреда на коленото во натпреварот од второто коло од групната фаза од Лигата на шампионите со Бриж (2:2). На полувремето, Начо беше заменет. Кај 29-годишниот Шпанец е дијагностицирана повреда на лигаментот на десното колено. Оваа сезона, Начо одигра три натпревари за Реал Мадрид на сите натпреварување.