нација – Kurir.mk

Макрон вечерва ќе се обрати на нацијата за ситуацијата со коронавирусот

Тале Кристо — Tue, 07 Apr 2020 13:06:14 +0000

Францускиот претседател Емануел Макрон вечерва ќе и се обрати на нацијата за ситуацијата со новиот коронавирус, јави француското радио „Европа 1“. Според податоците, ширењето на вирусот Ковид-19 забрзано се шири во државата, а бројот на починати и лица на интензивна нега се зголемува. Во Франција, 98.010 луѓе се заразија од Ковид-19, додека 8.911 починаа.

Шпанскиот крал се обрати до нацијата

Тале Кристо — Thu, 19 Mar 2020 09:47:34 +0000

Шпанскиот крал, Фелипе Шести, им се обрати на граѓаните, кои четврти ден се затворени во домовите, додека бројот на заразени расте. -Ова е криза со која се бориме, која ќе ја пребродиме и надминеме. Овој вирус нема да не победи нас. Туку спротивно. Ќе не направи посилни како друштво, истакна Фелипе Шестти во телевизиското обраќање со кое настојуваше да ги охрабри своите 47 милиони сонародници. Откако во 2014 година стана крал, вторпат чувствува потреба за вонредно обраќање. Првпат го направи тоа за време на политичката криза поврзана со Каталонија. Шпанија е втора европска земја по заболени, по Италија, со речиси 15.000 заразени. Бројот на починати лица од коронавирусот во Шпанија достигна 638, а излечени се 1.081 лице.

Трамп на Твитер најави дека денеска ќе се обрати до нацијата

Дарко Андоновски — Fri, 13 Mar 2020 17:14:50 +0000

Претседателот на САД, Доналд Трамп, има намера да прогласи вонредна состоја во САД поради епидемија од смртоносниот коронавирус. Тој најави прес-конференција во 15 часот по источно американско време (20 часот по македонско време). Првично, ова денеска го објави агенцијата „Блумберг“, повикувајќи се на свои извори, а потоа некои американски медиуми потврдија. Вонредната состојба ќе биде објавена солгаснсо актот Стафорд, според кој претседателот може да објави вонредна сосотојба и да издвои средства за спречување на последиците од фондот на Федералната агенција за вонредни ситуации. Законот бил донесен во 1988 годнина и се применувал многу ретко. Поранешниот претседател Бил Клинтон во 2000 година објави вонредна состојба поради ширењето на Западно-нилска треска во САД. Трамп денеска на Твитер соопшти дека планира да одржи прес-конференција во врска со развојот на ситуацијата со епидемија на коронавирусот во САД. – Во 3 часот попладне ќе одржам прес-конференција. Бела куќа. Тема: Короновирус, напиша Трамп на Твитер.

Џонсон повика на единство на нацијата

Тале Кристо — Fri, 13 Dec 2019 17:37:18 +0000

Британскиот премиер, Борис Џонсон денеска ја повика нацијата на единство за надминување на поделбите за Брегзит, кои ја поделија земјата. – Ќе се обединиме… ќе се собереме сите од неверојатната Велика Британија – Англија, Шкотска, Велс, Северна Ирска заедно ќе одиме напред, ослободувајќи го потенцијалот од целата земја, истакна Џонсон. Тој додаде дека сака да разговара и со тие кои не гласале за конзервативците и со тие кои сакале или можеби се уште сакаат да останат во Европска Унија. – Сакам да знаете дека ние во оваа конзервативна влада никогаш нема да ги занемариме вашето добро и позитивните чувства на топлина и сочувство со европските народи, посочи Џонсон. Тој истакна и дека сака ново партнерство со ЕУ. Џонсон наведе дека ќе формира нова влада и оти в понеделник ќе биде конституиран и новиот парламент.