Мицкоски: Нема да прифатам ни милиметар отстапки на штета на националниот идентитет во преговорите со Бугарија, а Европа треба да го оствари тоа што го вети на народот

Ивона Петрова — Fri, 09 Apr 2021 07:23:42 +0000

Претседателот на ВМРО-ДПМНЕ Христијан Мицкоски во вчерашното гостување во емисијата „Заспиј ако можеш“ на ТВ Алфа, рече дека нема да прифати ни милиметар отстапки на штета на националниот идентитет со преговорите со Бугарија, и побара Европа да го исполни ветеното на народот, а тоа е почеток на преговорите со ЕУ. -Нас ни треба датум за отпочнување на преговори и таа дата до сега требаше да се случи. И ќе го повторам тоа што сум го кажал во многу наврати дека на овој народ, мал народот, во срцето на Балканот му беше ветено откако беше понижен со таа референца за името, со промена во Уставот, а промени во знамето, па добиен судски процес во Хаг, па знаете силата на посилниот важи, не важи меѓународното право, ајде и тоа го проголтавме. На крај остана онаа насилна промена на Уставот и тогаш му беше кажано ова е последното од овој момент овој мал народ во срцето на Балканот ќе биде дел од НАТО, бидејќи сака да биде, еве учествуваше во многу мисии иако не беше членка на НАТО, но храбро беше рамо до рамо со вооружените сили на НАТО Алијансата и ќе биде дело од НАТО и ќе ги започне преговорите со ЕУ. Ни ветија и барам да си го исполнат тоа“, вели Мицкоски. -Мене не ме интересира друго, тие што нас ни ветија дека ова е последно, треба тоа да го испорачаат. И на крајот на денот официјалниот став на Американскиот Стејт Департмент е дека билатералните работи треба да бидат надвор од процесот на преговори односно интеграција на Македонија, додаде тој. -Доста е веќе отстапки национални, ВМРО-ДПМНЕ, јас лично, ниту милиметар, ниту запирка нема да поддржам такво нешто, ниту пак на памет ми паѓа такво нешто. А, уште помалку ми паѓа на памет да прифатам нешто кое што е надвор од сите мои капацитети да го прифатам како човек, дециден е Мицкоски.

Мета во посета на Пустец: Максимална поддршка за заштитата на македонскиот национален идентитет

Ивана Ефремовски — Fri, 05 Jan 2018 15:17:27 +0000

Претседателот на Република Албанија, Илир Мета при денешната посета на општина Пустец каде што оствари средба со тамошните жители, даде максимална поддршка за заштита на националниот идентитет на граѓаните на Македонија. -Многу е значајно да го негувате вашиот идентитет. Јас сум посветен и понатаму да го промовирам македонското малциство, кое има прекрасни вредности и традиции. Македонското малцинство ќе биде постојано во моето внимание, изјави Мета по средбата. Тој најави и максимална помош за економскиот развој на целиот регион на оваа општина. -Односите меѓу Македонија и Грција целосно да се нормализираат на патот на интеграцијата. Од одличните односи меѓу Република Македонија, Република Грција, и Република Албанија, целиот регион има корист, но посебно жителите на Преспанскиот регион, изјави претседателот Мета. Мета ја посети црквата „Свети Архангел и Михаил“ каде запали свеќи за здравје, од каде го честиташе денешниот празник Свети Наум, како и божикните празници по што во дворот изигра и македонско оро заедно со жителите на Пустец кои му приредија срдечен пречек

национален идентитет – Kurir.mk

Мета во посета на Пустец: Максимална поддршка за заштитата на македонскиот национален идентитет