Национална гарда – Kurir.mk

Израелската Влада одобри создавање на Национална гарда за справување со пропалестинските протести

Тале Кристо — Mon, 03 Apr 2023 08:15:30 +0000

Израелската Влада одобри создавање Национална гарда под водство на ултрадесничарскиот министер за внатрешна безбедност Итамар Бен-Гвир. Тој истакна дека главна задача на новите сили ќе биде да ги смири немирите поврзани со Арапите. Сепак, неговите политички ривали го обвинија дека создал милиција базирана на религија. Претходната израелска влада веќе го започна процесот на создавање помошни полициски сили за справување со внатрешно-политичките тензии по пропалестинските протести во мешаните еврејско-арапски области за време на војната во мај 2021 година во Појасот Газа. - За точните овластувања на новата Национална гарда ќе разговара комисија составена од сите израелски безбедносни агенции, која ќе ги претстави своите препораки во рок од 90 дена, се наведува во соопштението од кабинетот на премиерот Бенјамин Нетанјаху. Засега не е јасно под чија команда ќе бидат новите сили. Бен-Гвир, тврдокорниот еврејски доселеник на окупираниот Западен Брег, е осуден за поддршка на тероризам и поттикнување против Арапите, кои сочинуваат околу 21 процент од населението во Израел. Тој претходно изјави дека формирањето на Националната гарда едноставно го заокружува проектот на претходната влада. Меѓутоа, на прашањето каде ќе бидат распоредени новите сили, тој ги спомна само арапските заедници погодени од немирите или криминалот во Израел, како и областа долж границата со Западниот Брег. Националната гарда првично треба да има 1.850 персонал, рече Бен-Гвир. Тој истакна дека на нејзините редови би можеле да им се приклучат полицајци и доброволци, вклучително и Арапи, и предвиде дека новите сили ќе бидат оперативни за неколку месеци. Арапските политичари го осудија создавањето на Националната гарда, нарекувајќи ја „милицијата на Бен-Гвир“.

Националната гарда ќе и помага на полицијата на протестот во Вашингтон

Ивана Ефремовски — Fri, 17 Sep 2021 17:46:25 +0000

Американскиот секретар за одбрана, Лојд Остин, одобри барање 100 војници на Националната гарда да се стават на располагање на полицијата, за да помогне во заштитата на Капитол доколку е потребно, пред планираниот собир за поддршка на обвинетите за учество во немирите на 6 јануари. Портпаролот на Пентагон потврди дека ќе бидат ангажирани само војници од Вашингтон и оти ќе се користати откако ќе се искористат локалните, државните и федералните полициски единици. -Војниците ќе бидат распоредени само на барање на полицијата со цел да помогнат во заштитата на зградите на американскиот Капитол и зградите на канцелариите на Конгресот на влезните места и да ги проверат ингеренциите на поединци кои бараат пристап до објектите, изјави портпарол на американската војска. Полицијата во Вашингтон завчера соопшти дека побарала од Пентагон да обезбеди трупи на Националната гарда за да помогнат во заштитата на Капитол на 18 септември за време на закажаните протести, доколку е потребно. (МИА)

Трамп нареди повлекување на Националната гарда од Вашингтон

Тале Кристо — Sun, 07 Jun 2020 17:40:27 +0000

Американскиот претседател Доналд Трамп им нареди на трупите на Националната гарда да почнат да се повлекуваат од главниот град, затоа што, како што оцени, сега се е под совршена контрола. Владата на дистриктот Колумбија минатата недела побара од Гардата да и помогне на полицијата да ги смири протестите по смртта на Џорџ Флојд. Тогаш Трамп нареди илјадници припадници на Гардата и федералните безбедносни сили да бидат на улиците на Вашингтон по одделни случаи на грабеж и насилство. Градоначалничката на Вашингтон, Мјуриел Баузер минатата недела го повика Трамп да ги повлече припадниците на Националната гарда кои некои држави ги испратија во главниот град. Трамп на својот профил на Твитер денеска напиша дека трупите на Националната гарда ќе заминат дома, но оти можат и да се вратат доколку е потребно.

Активирана Националната гарда во САД

Ристе Здравков — Mon, 01 Jun 2020 13:21:52 +0000

Најмалку 30 града во САД беа погодени од масовни демонстрации во текот на викендот поради смртта на Џорџ Флојд од рацете на полицијата повеќе од 12 воведоа полициски час и најмалку 16 побараа активирање на Националната гарда, пренесува „Њујорк пост“. Грабежите, пожарите и тепачките продолжија и вчера национално ниво, откако по насилните судири меѓу демонстрантите и полицијата стотици луѓе завршија во притвор, а десетици беа повредени претходната ноќ. Хаосот го натера гувернерот на Тексас, Грег Абот, да прогласи состојба на катастрофа, а градоначалникот на Чикаго, Лори Лајтфут, беше меѓу последните што ја повикаа Националната гарда – повеќе од 5.000 полицајци сега се распоредени низ целата земја. „Треба да се срамите од себеси“, им напиша Лајтфут на жителите на Чикаго во објавата на Твитер. „Она што го направивте е обесчестување на нашиот град и на неговото долго и гордо наследство како лидер на смели и енергични мирни протести“. Во Лос Анџелес, властите уапсија околу 400 луѓе во саботата и соопштија дека еден полицаец се здобил со скршена вилица откако бил удрен со цигла, објави Си-ен-ен. Во Аризона, гувернерот Даг Дуси итна вонредна состојба и полициски час во неделата. „Ова ѝ дава на полицијата дополнителна алатка за да ги спречи беззаконието што го гледаме во градовите низ целата земја. Полицијата ќе биде опремена да уапси лица што планираат да бунат, ограбуваат или да предизвикаат штета и немири “, напиша тој на Твитер. Минеаполис – каде што Флојд, кој е црнец, почина додека беше притиснат на земја од бел полицаец – веќе шестиот ден го тресат насилства. Комесарот за затвори во Минесота, Пол Шнел, на прес-конференцијата во неделата рече дека во градот сега има невидено присуство на Националната гарда и полицијата. Бројот на припадници на гардата во градот се зголеми на 4.100 во неделата од 700 во петокот, и се очекува да достигне 10.000, објави „Минеаполис стар трибјун“. Претседателот Трамп ја пофали работата на Националната гарда во саботата вечерта и ги охрабри другите да ја искористат. „Честитки до нашата Национална гарда за одличната работа што ја завршија веднаш по пристигнувањето во Минеаполис, Минесота, минатата ноќ. Анархистите, предводени од АНТИФА, меѓу другите, брзо беа затворени. Градоначалникот требаше да го стори тоа првата вечер и немаше да има проблеми! “ твитна тој во неделата. „Градовите и државите што ги водат демократите треба да земат пример од целосното потиснување на радикалните леви анархисти во Минеаполис минатата ноќ. Националната гарда заврши одлична работа и треба да се искористи и во други држави пред да биде предоцна! “ Во меѓувреме, властите во Филаделфија го поместија полицискиот час во градот за два часа – на 6 часот попладне – но грабежите и насилството продолжија дента во неделата.

Марфи: Националната гарда на Њу Џерси излегува на улиците

Ивона Петрова — Tue, 17 Mar 2020 06:48:08 +0000

Гувернерот на сојузната американска држава Њу Џерси, Фил Марфи, ги повика граѓаните да останат во своите домови по 20 часот, потпиша извршна наредба со која го ограничува делувањето на одредени фирми и ги мобилизира припадниците на Националната гарда за да помогнат во спроведувањето на мерките за спречување на ширењето на коорнавирусот. -Силно се обесхрабруваат сите движења што не се неопходни и не се итни, почнувајќи од вечерва, од 20 часот до 5 часот наутро, секој ден. Оваа наредба ќе остане во сила во блиска иднина. Сакаме сите да бидат во своите домови, а не надвор, рече Марфи. Тој нагласи дека тоа не значи експлицитно воведување полициски час, пренесе Си-Ен-Ен. -Ова не е полициски час, но силно се препорачува и воедно и патувањата силно се обесхрабруваат. Но, не морате да бидете на улиците, не треба да бидете на улиците, порача Марфи. Тој потпиша извршна наредба со која се пропишува прекинот на работата по 20 часот на сите малопродажни, рекреативни и забавни компании. Марфи, исто така, ги мобилизира припадниците на Националната гарда на Њу Џерси „за да помогне во нашите напори на сите начини што се неопходни“

Уште едно лице најмалку загина откако вчера се урна авион на американската Национална гарда

Матеја Петровски — Thu, 03 May 2018 06:09:10 +0000

Најмалку девет луѓе загинаа откако се урна товарен авион на американската Национална гарда во близина на аеродром во Савана, во државата Џорџија. Според портпарол на Гардата, авионот бил на пат кон Туксон, Аризона. Локалниот весник Савана морнинг њуз објави дека се урнал авион од типот Ц-130 во близина на раскрсница меѓу два автопати. (Миа)

ВИДЕО: Националната гарда почна да се распоредува на американско-мексиканската граница

Даниел Василев — Tue, 10 Apr 2018 08:07:42 +0000

Околу 1.600 припадници на американската Национална гарда почнаа да се распоредуваат на американско-мексиканската граница. Како што соопштија властите, се очекува да стигнат уште припадници. Калифорнија е една од пограничните држави кои се уште немаат соопштено дали ќе прати свои трупи или не. Американскиот претседател, Доналд Трамп најави во минатата недела дека ќе прати од 2 до 4.000 припадници на гардата на границата со Мексико, за да ја заштити границата на САД од илегални мигранти. Овој потег уследи откако во изминатиот период голем број мигранти, најголемиот дел од Хондурас пеш се упатија кон САД.

.@POTUS orders National Guard to the southern border pic.twitter.com/SheF76PMez
— Fox News (@FoxNews) April 10, 2018

#HAPPENINGNOW Texas National Guard troops patrolling along the banks of the Rio Grande in Roma and Miguel Alemán. @kgbt pic.twitter.com/Nzwi6Hgl8G
— Marybel Gonzalez (@MarybelKGBT) April 9, 2018