Национални шуми – Kurir.mk

„Национални шуми“ оштетени за 769.300 денари: Кривични пријави за 4 лица, еве за кои дела ќе одговараат

Ивана Ефремовски — Fri, 27 Jan 2023 13:12:01 +0000

ОВР Кичево поднесе кривична пријава против двајца кичевци Б.М.(70) и З.К.(64), и против Т.Ј.(53) од кичевското село Другово поради постоење основано сомнение за сторени кривични дела „злоупотреба на службената положба и овластување“, како и против кичевецот А.Т.(36) за сторено кривично дело „кражба“. -Пријавените, вработени во Шумското претпријатие „Лопушник“, ја злоупотребиле својата службена положба и овластување и бесправно изготвиле службена документација за сеча на 167 метри просторни огревно дрво и ја издале на физичко лице од Прилеп. Со тоа предизвикале штета на Јавното претпријатие „Национални шуми“ од 769.300 денари, информираат од МВР.

За 20 проценти поскапено огревното дрво на ЈП „Национални шуми“

Ивона Петрова — Thu, 01 Sep 2022 12:04:19 +0000

Огревното дрво на ЈП „Национални шуми“ се продава по 20 проценти повисока цена, откако стапи во сила одлуката на УО на претпријатието од 21 јули годинава за која вчера е добиена согласност од Владата. -Управниот одбор на ЈП Национални шуми на 21 јули донесе одлука за зголемување на цените на главните шумски производи и за таа одлука чекавме согласност од Владата и ја добивме на 31 август. Национални шуми од вчера веќе ги продава своите производи со повисоки цени за 20 проценти од досегашните, изјави за МИА в.д. директорот на ЈП „Национални шуми“, Валентин Груевски. Огревното дабово дрво, што најмногу ги интересира граѓаните, како што појасни, ако еден просторен метар досега беше 2.454 денари со ДДВ од вчера се продава за 3.000 денари со ДДВ, а буката е за 100 денари поевтина. Сите други производи, вклучувајќи ги и трупците за индустријата, Груевски рече дека се со 20 проценти повисоки цени.

Нанесена е голема штета: И директорот на „Национални шуми“ меѓу осомничените

Ивана Ефремовски — Mon, 19 Jul 2021 15:42:51 +0000

СВР Велес поднесе кривична пријава против Б.Д.(50) од Демир Капија - вработен во ЈП „Национални шуми“ – Шумско стопанство Демир Капија, поради постоење основано сомнение за сторено кривично дело „несовесно работење во службата“ и Б.П.(48) од Демир Капија - вработен во ЈП „Национални шуми“ – Шумско стопанство Демир Капија, поради постоење основано сомнение за сторени кривични дела „злоупотреба на службената положба и овластување“ и „фалсификување исправа“. Првопријавениот - референт по шуми го поттикнал второпријавениот - директор во ЈП „Национални шуми“ – Шумско стопанство Демир Капија, да му овозможи да се стекне со противправна имотна корист, а на штета на јавното претпријатие. Првопријавениот организирал на лице од с.Тремник, неготинско, да му бидат однесени огревни дрва и за нив платил во готово. Подоцна, првопријавениот уплатил само дел од парите, а 30.836 денари задржал за себе, а на штета на ЈП „Национални шуми“ – Шумско стопанство. Второпријавениот, ги пречекорил службените должности и овластувања со тоа што спротивно на законските прописи му одобрил на првопријавениот испорачаните огревни дрва да ги наплати, а паричните средства да си ги задржи за себе. Исто така, второпријавениот, со намера да ги прикрие кривичните дела со незаконска наплата на огревните дрва, сочинил лажна опомена адресирана кон лицето од с.Тремник и ја приложил на полициските службеници како вистинска, а при увидот во архивската книга, под наведениот број бил заведен друг акт.

Вработени во ЈП „Национални шуми“ сопреле возило, возачот се обидел да ги прегази

Ивана Ефремовски — Wed, 24 Jul 2019 15:25:41 +0000

Возило без регистерски таблични било стопирано од двајца вработени во ЈП „Национални шуми“ , но наместо да затане тој продолжил а вози, па со возилото се обидел и да ги прегази по што побегнал. Според пријавеното, вчера во 19.00 часот во Полициската станица Драчево, М.А.(53) од село Тисовица, скопско, вработен во ЈП „Национални шуми“ - подружница „Караџица“ - Скопје, пријавил дека истиот ден во 14.00 часот во село Вражали, скопско,, на место викано „Ракида“, при вршење на службени дејствија, тој и неговиот колега Р.Х. дале знак за запирање на патничко возило „Опел Фронтера“ без регистарски ознаки, но возачот не застанал и се обидел да ги удри со возилото, по што побегнал. Се преземаат мерки за расчистување на настанот.