надал – Kurir.mk

Надал ќе настапи на Австралија опен

Тале Кристо — Mon, 14 Dec 2020 09:33:28 +0000

Вториот рекет на светот, Шпанецот Рафаел Надал ќе настапи на Грен слемот Австралија опен – 2021. Оваа информација ја потврди меначерот на шпанскиот тенисер Бенито Перез-Барбадиљос. – Имавме разговор денес со Надал. Рафа дефинитивно лета за Австралија, изјави Барбадиљос на прес-конференција. Турнирот во Мелбурн по традиција се одржува во првиот месец на годината, но овој пат нема да биде така. Извршниот директор на Австралија опен, Крег Тили изјави дека поради пандемијата и дополнителни мерки, почетокот на Австралија опен е одложен од 18 јануари за 8 февруари.

Mедведев за прв пат го победи Надал и се пласираше во финалето на АТП-завршниот турнир

Тале Кристо — Sun, 22 Nov 2020 08:17:51 +0000

Рускиот тенисер Данил Медведев синоќа го победи Шпанецот Рафаел Надал со 2-1, по сетови 3:6, 7:6 и 6:3 во полуфиналето на АТП-завршниот турнир во Лондон. Средбата траеше 2 часа и 37 минути. Русинот направи 13 аса и три двојни грешки. Шпанецот имаше три аса, исто толку двојна грешка. За Медведев ова е прва победа над Надал во неговата кариера. Во финалето, вечер од 19 часот, Медведев ќе се сретне со Австриецот Доминик Тим. Наградниот фонд на овој турнир со којшто ќе се заокружи тениската сезона, изнесува 5,7 милиони долари.

Надал го доби 100. натпревар на Ролан Гарос, ова е апсолутен рекорд

Тале Кристо — Sun, 11 Oct 2020 20:10:07 +0000

Шпанецот Рафаел Надал стана победник на Ролан Гарос-2020. Тој денес во финалето го победи Новак Ѓоковиќ во три сета. Надал го освои трофејот 13-ти пат во кариерата и четврти пат по ред. Покрај тоа, победата над Ѓоковиќ беше јубилејна, 100. во кариерата на Надал. Тој го држи рекордот по овој индикатор во ерата на Отвореното првенство на Франција. Кај мажите, Роџер Федерер е втор по бројот на победи со вкупно 70, додека рекордер кај жените е Германката Штефи Граф со 84 победи.

Надал го совлада Ѓоковиќ и по 13.пат го освои Ролан Гарос

Тале Кристо — Sun, 11 Oct 2020 17:40:25 +0000

Шпанецот Рафаел Надал го победи Новак Ѓokоковиќ со 3-0, по сетови 6:0, 6:2 и 7:5 во финалето на Грен слемот Ролан Гарос. За Надал ова е 13 трофеј во Париз од неговото неговото во 2005 година, соборувајќи го сопствениот рекорд. Триесет и четиригодишниот Шпанец ја освои 20. Грен слем титула, израмнувајќи го рекордот на Роџер Федерер. Финалето траеше два часа и 43 минути. Покрај тоа, Надал ја намали разликата во меѓусебните средби со српскиот тенисер на 27:29 (18:7 на земја, 7:1 на Ролан Гарос). Наградниот фонд на Грен слемот во Париз изнесуваше 38 милиони евра.

Надал за пензионирањето и ривалството со Ѓоковиќ: Не сум опседнат

Тале Кристо — Sun, 11 Oct 2020 10:27:44 +0000

Рафаел Надал зборуваше пред „Газета дело Спорт“ за Новак Ѓоковиќ, Федерер, пензионирањето … Двајцата ќе играат во финалето на Ролан Гарос денеска од 15 часот. Надал игра за 13. титула на овој турнир, додека Ѓоковиќ го брка 18-от Гренд-слем трофј и влогот е навистина голем, за што зборуваше Надал за „Газета“. – Ќе видиме што ќе се случи и дали тој ќе ме стигне, Новак има 17 Гренд-слем титули … Јас не сум опседнат, навистина. Отсекогаш сум го следел мојот пат и среќен сум каде оди мојата кариера. Не ми е гајле дали ќе бидам подобар од Роџер или не. Ќе продолжам да ја работам својата работа и да играм најдобар можен тенис. Мојата иднина е во академијата што ја започнав, мојот личен проект, рече Надал.

Во светот има само 50: Надал го носи најскапиот часовник во историјата на тенисот

Ивана Ефремовски — Sat, 03 Oct 2020 09:25:29 +0000

Досега никој и никогаш од тенисерите не носел поскап часовник на својата рака од него во текот на натпреварите.

Шпанскиот тенисер Рафаел Надал оваа година дефинитивно ќе влезе во историјата на тенисот - поради часовникот кој што го носи на десната рака во текот на натпреварите на Ролан Гарос. Имено, часовникот кој што го носи Надал во Париз веројатно е најскапиот кој што некогаш сме го виделе на тениските турнири и чини малку повеќе од еден милион долари. Инаку, Роџер Федерер никогаш не носел ниту еден свој „Rolex“ часовник кој што е поскап од 35.000 долари. Овој часовник кој што тој моментално го носи е поклон од швајцарскиот бренд „Richard Mille“ и го носи името „RM 27-04 Tourbillion Rafael Nadal“. Инаку, постојат само 50 такви произведени часовници. „На почетокот тоа беше прилагодување, моравме блиску да соработуваме за часовникот да го прилагодиме за мојот зглоб. Сега стана дел од мојата кожа, тоа е како да немате ништо на себе. 90 отсто е направен од титаниум и тежок е само 30 грама“ - изјавил Надал.

Надал за мечевите без гледачи: Не ми се допаѓа, ништо не може да ја замени енергијата што ја создава публиката

Тале Кристо — Mon, 01 Jun 2020 13:08:58 +0000

Шпанскиот тенисер Рафаел Надал се произнесе за условите под кои ќе се игра Грен слемот „Ролан Гарос“ оваа есен. – Денес мора да преземеме мерки на претпазливост и да сториме сé за да ја обезбедиме безбедноста и здравјето на целата тениска заедница. Мислам дека за иднината, не од гледна точка на тенисот, туку од гледна точка на медицината и строго почитување на санитарните стандарди во ред е да нема публика. Во фудбалот, оваа практика е веќе воведена, но не сакам да гледам натпревари без гледачи. Без навивачите, сè е различно и ништо не може да ја замени енергијата што ја создаваат тие, изјави Надал. Шпанецот е 19-кратен освојувач на Грен-слем турнирите.

Надал: Сезоната 2020 е практично изгубена

Тале Кристо — Wed, 06 May 2020 19:46:55 +0000

Рафаел Надал, вториот тенисер во светот, смета дека оваа сезона е „практично изгубена“ поради пандемијата од коронавирус. – Ако ми дадете документ во кој пишува дека сезоната ќе започне нормално во јануари 2021 година, би го потпишал без размислување. Има многу лични и економски интереси, спортот се движи, но тоа ќе не чини да се вратиме во нормала, изјави Надал за шпанскиот канал „ABC“. Истиот играч во својата колумна за „Ел Паис“ додаде: „Сезоната 2020 е практично изгубена. Се надевам дека ќе започне следната година“. Надал тренира на тенискиот терен во куќата на неговиот пријател уште од понеделник, по дозволата на шпанските власти спортистите да се вратат на тренинзите. – Се надевам дека ќе играме што е можно поскоро. Патуваме секоја недела од земја до земја, сите сме во контакт со различни хотели, аеродроми … Имам чувство, и го велам тоа со тага и не криејќи, дека губиме една година од животот, а тоа е на 33 или 34 години многу повредно отколку кога имате 20 години, рече тој. Надал изрази сомнеж за новиот календар за натпревари, бидејќи бројните турнири беа откажани и одложени поради пандемијата. „Ролан Гарос“ беше преместен за есен (27 септември – 11 октомври), една недела по завршувањето на Ју Ес Опен (31 август – 13 септември). – Искрено, не мислам дека тоа ќе се случи. Од Ју Ес Опен до Роланд Гарос, има само една недела … Мислам дека не можеме да играме – рече освојувачот на рекордни 12 трофеи на Ролан Гарос, кој требаше да се одржи од 24 мај до 7 јуни.

Надал се квалификуваше во полуфиналето на „Мастерс“ турнирот во Париз

Тале Кристо — Sat, 02 Nov 2019 08:50:32 +0000

Шпанскиот тенисер Рафаел Надал го совлада Жо-Вилфред Зонга со 7-6 (7-4), 6-1 и се квалификуваше во полуфиналето на „Мастерс“ турнирот во Париз. Надал го скрши отпорот на Французинот за 1 час и 35 минути и продолжува напред во турнирот без да изгуби сет. Негов противник на патот кон финалето ќе биде Денис Шаповалов, кој за точно еден час го совлада Гаел Монфис со 6:2, 6:2. Триесет и три-годишниот Надал и 13 години помладиот од него Шаповалов досега се сретнаа двапати и разменија по една победа. Претенденти во другото полуфинале денес ќе бидат Новак Ѓоковиќ и Бугаринот Григор Димитров.

Ѓоковиќ: Надал и Федерер се најдобри во историјата на тенисот

Дарко Андоновски — Sat, 08 Jun 2019 09:59:13 +0000

Српскиот тенисер Новак Ѓоковиќ изјави дека е задоволен од фактот дека Рафаел Надал и Роџер Федерер, како и самиот тој, стигнале до полуфиналето на „Ролан Гарос“. – Секој пат е различно. Стануваме постари, но сепак можеме да покажеме добар тенис на најголемите турнири. Тоа е одлично. И очигледно овие момци – Надал и Федерер се несомнено најголеми легенди во тенисот и најдобри играчи во историјата. Среќен сум што ќе натпреварувам со нив, рече Новак Ѓоковиќ. Рафаел Надал се квалификуваше за финалето на Ролан Гарос, по успехот на Федерер, и за Ѓоковиќ денеска претстои да го одигра својот полуфинален судир со Доминик Тим.