надрилекар – Kurir.mk

Унаказила 11 лица со нејзините третмани: Уапсена докторката шарлатан Олгица

Катерина Бојаџиева — Tue, 01 Jun 2021 16:45:12 +0000

Откако минатата недела во Србија бил уапсен лажниот естетски хирург Сава Кнежевиќ, денеска при бегство од земјата е уапсена докторката шарлатан Олгица Маркановиќ. Таа била приведена во моментот кога се обидела да ја премине границата со Хрватска, пишува спрски Блиц. Во март годинава, група жени и мажи тврделе дека биле обезличени со третманот во салонот за убавина, воден од Маркановиќ, за што ја тужеле. Освен во Белград, Маркановиќ работела и во Бања Лука. Осомничена е за изобличување на 11 лица. Маркановиќ е уапсена по повеќе обвиненија за кривични дела, вклучувајќи и тешки дела против здравјето на луѓето, надрилекарство, надриаптекарство, неовластено работење … Исто така, како што се наведува, таа немала лиценца од Министерството за здравство за својата работа. Лицата кои подлегнале на третманите на Олгица Маркановиќ опишале што им се случило пред неколку месеци. -Отидов кај О.М. за корекција на носот и наместо радост и задоволство, буквално преживеав пекол. И сè уште го живеам, вели М.Ф. од Белград. „На вратата стоеше естетско студио, што беше доволно за да не се посомневам дека станува збор за измама, бидејќи како некој може да добие работна дозвола, без навистина да биде професионален и квалификуван. Покрај тоа, сè изгледаше одлично, подобро отколку во повеќето белградски клиники. О.М. ме прими, ме погледна, рече дека ќе се погрижи за сè и закажавме ласерско лекување две недели. Инаку, таа го промовираше овој ласер како единствен и најреволуционерен во Србија и се пофали како и доаѓаат други лекари за да бидат информирани“, наведува М.Ф. (31), пишува Блиц.

Еве како измамувал луѓе: Маж од Неготино ќе одговара за „надрилекарство“

Ивана Ефремовски — Wed, 12 Aug 2020 14:27:08 +0000

ОВР Неготино поднесе кривична пријава против З.Ѓ.(46) од Неготино, поради постоење основи на сомнение за сторено кривично дело „надрилекарство“. Во временскиот период од 2015 до 18.10.2019 во Неготино, пријавениот во својот дом, со намера да прибави противправна имотна корист за себе, без пропишана стручна подготовка од надлежен државен орган, се претставувал како поранешно медицинско лице и се занимавал со лекување и давање медицинска помош, преку продажба на т.н. лекарства за повеќе болести кај луѓето. За лекарствата, кои биле во форма на течности и креми, наплаќал по 5.000-6.000 денари. На 18.10.2019 од полициски службеници бил извршен претрес во домот на пријавениот, при што биле пронајдени и одземени предмети поврзани со кривичното дело за кое се сомничи.

Уште еден Македонец починал по лекување кај надрилекарот од Србија- “Не ги слушајте дебилните лекари туку мене”

Предраг Кукиќ — Sat, 09 Mar 2019 11:20:36 +0000

Уште еден Македонец починал откако почнал да се лекува кај надрилекарот од Србија Мирољуб Петровиќ. Српскиот весник „Блиц“ во денешното издание објавува сведоштво на вујкото на 42 годишниот Ристо Крстевски, Александар Илиевски кој тврди дека неговиот внук Ристо починал по едногодишно лекување со тинктурите на Петровиќ, пренесе НОВА. На внукот на Прилепчанецот му дијагностицирале тешка болест, па е обратил кај Петровиќ. Уште веднаш од Петровиќ добил совет: „Слушајте ме мене, не ги слушајте дебилните лекари“. Ристо се лекувал цела година со тинкрутите на Петровиќ, а 12 дена бил и во центарот на Петровиќ кај Лесковац. За лекувањето Илиевски вели дека зеле и кредит, продавале имот, бидејќи месечно тинктурите чинеле 160 евра, а престојот во центарот 600 евра. По смртта, Илиевски се обратил до Петровиќ, од кого добил одговор дека се неблагодарни и им порачал да не го бараат повеќе. Случајот со Ристо Крстевски е само еден од многуте за кои весникот Блиц подолго време пишува, а се поврзани со надрилекартвото на Мирољуб Петровиќ.