нафтена рафинерија – Kurir.mk

Изгаснат пожарот во нафтена рафинерија во иранското пристаниште Бандар Абас

Ивона Петрова — Mon, 10 Jul 2023 16:24:47 +0000

Изгаснат е пожарот што денеска избувна во индустриската зона на пристанишниот град Бандар Абас, јужен Иран, јавија иранските државни медиуми. Иранската новинска агенција ИРНА јави дека во инцидентот повредени се осум лица, како и оти не е позната причината за пожарот. Од огнот беа зафатени три танкери со нафта, кои се во сопственост на компанијата „Афтаб оил рафининг“ (Aftab Oil Rafining).

При руски напад целосно уништена нафтена рафинерија во Кременчук

Магдалена Андонова — Sun, 03 Apr 2022 09:18:55 +0000

Гувернерот на украинската област Полтава, Дмитро Лунин изјави дека при напад на руските сили врз градот Кременчук целосно е нафтена рафинерија. – Пожарот во рафинеријата е изгаснат, но објектот е целосно уништен и повеќе не може да функционира, посочи Лунин. Кременчук е важен индустриски град во централна Украина. (МИА)

Ракетираа нафтена рафинерија во Џеда

Тале Кристо — Thu, 04 Mar 2021 07:37:58 +0000

Јеменските бунтовници Хути денеска соопштија дека со крстосувачка ракета погодиле нафтена рафинерија во Џеда, а државните медиуми во Саудиска Арабија се уште не информирале за инцидентот. Портпаролот на Хутите, бригадниот генерал Јахја Сари на Твитрер објави дека истралале крстосувачка ракета врз саудиската нафтена рафинерија на компанијата Арамкод. Хутите во ноември минатата година ја ракетираа истата нафтена рафинерија. Од 2015 година цели на Хутите се меѓународните аеродроми, воените објекти и нафтената инфраструктура во Саудиска Арабија, а изминатите недели бунтовниците ги интензивираа нападите. Саудиска Арабија ја предводи коалицијата и ја поддржува меѓународно признаената Влада во Јемен, која е во судир со Хутите, кои имаат поддршка од Иран. Хутите во 2014 година го зазедоа главниот град на Јемен, Сана и северниот дел од земјата.