награден фонд – Kurir.mk

Победникот на Мастерсот во Париз ќе добие четири пати помалку пари во споредба со 2019 година

Тале Кристо — Fri, 30 Oct 2020 08:18:53 +0000

Организаторите на тенискиот Мастерс во Париз повторно го намалија наградниот фонд. Износот што ќе го заработат учесниците во првиот круг останува ист во споредба со претходниот пад, а промените се случија во останатите фази. Сега шампионот ќе добие само 23% од паричната награда за 2019 година, додека финалистот – 30%. Само за пример, во 2019 година освојувачот на трофејот заработи 995 илјади евра, додека паричната награда за 2020 година изнесува 225 илјади евра.

Наградниот фонд на Лигата на шампионите скоро две милијарди евра

Магдалена Андонова — Thu, 08 Oct 2020 10:43:39 +0000

Европската фудбалска федерација го објави на официјалната веб-страница наградниот фонд за европските натпреварувања и шемата за распределба на приходите меѓу клубовите. Вкупните плаќања кон клубовите се поделени во четири категории: 25% – почетни плаќања (488 милиони), 30% – фиксни плаќања за перформанси (585 милиони), 30% – плаќања според перформансите на тимот за десет години (585 милиони), 15% – плаќања според уделот на маркетинг-базенот (292 милиони). Секој од 32. клуба во групната фаза ќе добие 15,25 милиони евра (14,5 милиони евра во почетната исплата и 0,75 € бонус. Постигнувањето во осминафиналето ќе му донесе на клубот дополнителни 9,5 милиони евра, достигнувајќи четвртфинале – 10,5 милиони, полуфинале – 12 милиони, пласман во финале – 15 милиони. Победникот во Лигата на шампионите ќе добие дополнителни 4 милиони, учесниците во Суперкупот на УЕФА – по 3,5 милиони, а победникот – дополнителни 1 милион. Клубот со најнизок ранг во последните 10 години ќе добие една акција (1,108 милиони), а најдобро рангираниот клуб 32 акции (35,46 милиони). Околу 560 милиони евра ќе бидат распределени меѓу учесниците во Лигата на Европа, од кои 25% – почетни плаќања (140 милиони), 30% – фиксни плаќања за резултати (168), 15% – плаќања според рејтингот на перформансите на тимот за десет години (84), 30% – плаќања во согласност со уделот на маркетинг-базенот (168). Исплатата за сите 48 клуба во групната фаза ќе биде 2,92 милиони. Плаќања до учесниците во плеј-офот: пласман во 1/16 финале – по 0,5 милиони, пласман во 1/8 финале – по 1,1 милион, пласман во четврт-финале – по 1,5 милион, полуфинале – секое 2,4 милиони, стигнувајќи до финалето – 4,5 милиони. Победникот во Лигата на Европа ќе добие дополнителни 4 милиони евра. Клубот со најнизок ранг во последните 10 години ќе добие една акција (71.430 евра), клубот со највисок ранг 48 акции (3,42 милиони). За жал, ниту една македонска екипа не успеа да се пласира во групната фаза од евро-куповите, па Силекс, Шкендија, Шкупи и Ренова ќе мора да се задоволат само со делот наменет за учесниците во квалификациите. (МИА)

Австралија опен 2020 со рекорден награден фонд

Ивона Петрова — Wed, 25 Dec 2019 07:30:25 +0000

Наградниот фонд за првиот гренд слем во сезоната, Австралија опен, ќе изнесува рекордни 71 милион долари, соопштија организаторите на тенискиот турнир во Мелбурн. Споменатиот фонд за турнирот што ќе почне на 20 јануари и ќе трае до 2 февруари во 2020 година е за 13,6 отсто поголем од изданието во 2019 година или за трипати побогат од 2010 година. Се повредни стануваат и квалификациите, па дури и поразите во таа фаза ќе носат заработувачка од 20.000 долари за тенисер(к)ите. Елиминација во првото коло на главниот турнир ќе значи приход од 90.000 долари. Чекот за победниците во машка конкуренција и во женска конкуренција ќе биде потпишан на 4,12 милиони долари што е речиси петпати повеќе од освојување на титулата во 2009 година (927.000 долари). Во улога на бранители на тронот во Мелбурн ќе бидат Србинот Новак Ѓоковиќ и Јапонката Наоми Осака.

„Ролан Гарос“ со рекорден награден фонд

Ивона Петрова — Sat, 26 May 2018 13:57:34 +0000

Раководството на Отвореното првенство на Франција најави дека наградниот фонд оваа година ќе биде за осум проценти поголем од ланскиот и ќе достигне 39 милиони евра. На овој начин „Ролан Гарос“ ќе се претвори во „најдарежливиот“ Гренд слем турнир од почетокот на годината, но најверојатно ќе биде надминат од „Ју Ес Опен“ во август. Зголемувањето на наградниот фонд најмногу ќе го полувствуваат тенисерите што ќе отпаднатите во првиот круг, кои веќе ќе добиваат по 40 илјади евра, што е за 14 отсто повеќе од лани. Победниците кај мажите и жените ќе добијат чек за 2,2 милиони евра, што е зголемување за речиси пет отсто. Француската тениска федерација, сепак, предупреди дека тешко ќе може да се задржи стабилното зголемување на наградниот фонд на „Ролан Гарос“ во наредните години, бидејќи планира да вложи околу 400 милиони евра за изградба на подвижен покрив на централниот терен на комплексот.