Наип Реџепи – Kurir.mk

„Инфомакс“: Загинатиот бил амнестиран – Пред два месеци, Наим Реџепи – Беланока бил амнестиран со законот кој го донесоа СДСМ и ДУИ

Ивона Петрова — Fri, 06 Apr 2018 19:34:32 +0000

-Реџепи бил осуден за финансиски криминал, во кој учествувал заедно со уште еден познат кумановски бизнисмен, но благодарение на Законот за амнестија кој го донесе владејачкото мнозинство, пред два месеци, тој заедно со уште неколку илјади други лица беа ослободени од одлежување на казната, пишува порталот. Беланока бил дел од општинскиот огранок на ДУИ во Куманово, каде заедно со Фатмир Идризи и Фериз Дервиши работеле на преземање на раководството со општинскиот огранок на партијата, стои во текстот на Инфомакс. Вчера беа застрелани веднаш по добивањето на функциите во партиското седиште во Мала Речица.

Последниот статус на убиениот Реџепи: Малкумина умираат како мажи!

Ивана Ефремовски — Fri, 06 Apr 2018 09:01:57 +0000

Наип Реџепи од Куманово е лицето кое вчера е убиено во Мала Речица. Тој важел за еден од посериозните кандiдати за претседател на кумановскиот огранок на ДУИ. Последната објава на неговиот Фејсбук профил е од 11-ти март на која пишува: „Многумина се раѓаат машки, но малкумина умираат како мажи“.

ФОТО: Ова е убиениот во Мала Речица

Ивона Петрова — Thu, 05 Apr 2018 19:18:53 +0000

Наим Реџепи од Куманово е лицето кое вечерва било убиено во Куманово во вооружен судир помеѓу две групи пред седиштето на ДУИ во Мала Речица, пишува ТВ Шења. Според истите извори, на оваа пресметка и претходела расправија помеѓу двете групи. Од МВР потврдија дека во инцидент во Мала Речица едно лице е убиено, а едно повредено.

Познат идентитетот на убиеното лице во Мала Речица

Ивона Петрова — Thu, 05 Apr 2018 18:24:53 +0000

Едно лице загина, а двајца се повредени во вооружениот инцидент кој попладнево се случи во Мала Речица, пишува весникот на албански јазик Коха. Според неофицијални информации на весникот Наип Реџепи од Куманово е лицето кое вечерва во Мала Речица е убиено, додека рането е уште едно лице од Куманово. Според она што е досега познато, непознати лица кои биле во два различни автомобили, застанале на улица и се судриле едни со други со оружје.