најбогат човек – Kurir.mk

Бернар Арно, најбогатиот човек во светот вчера изгубил над 10 милијарди долари

Тале Кристо — Wed, 24 May 2023 11:04:40 +0000

Најбогатиот човек на светот, сопственикот на францускиот производител на луксузни стоки LVMH, Бернар Арно, за еден ден изгуби 10,39 милијарди евра, пишуваат денеска медиумите. Арно, наведената сума пари, наводно ја изгубил вчера по значителниот пад на цените на акциите. Берзите во САД бележат пад, а загуби особено бележи секторот на луксузни производи. Акциите на компанијата „Луј Витон“ паднаа за 5,0 отсто, а на компанијата Керинг, сопственик на „Гучи“, за 2,97 отсто. Пазарите се загрижени поради несигурната побарувачка за луксузни стоки во САД. Но, Арно и натаму е најбогатиот човек на светот, а неговото богатство се проценува на 178,12 милијарди евра. Разликата меѓу него и вториот најбогат човек на светот, шефот на „Тесла“ и Твитер, Илон Маск, се намали на 11,13 милијарди евра.

Илон Маск го надмина Џеф Безос и стана најбогатиот човек во светот

Магдалена Андонова — Thu, 07 Jan 2021 18:47:21 +0000

Богатството на основачот на „СпејсЕкс“, Илон Маск, се зголемило до 188.5 милијарди долари, се дознава во најновиот Индекс на милијардери на Блумберг. Со ова, Маск го надмина основачот на Амазон, Џеф Безос за 1.5 милијарди долари и стана најбогатиот човек во светот. Пораснатите акции на тргувањата на берзите денеска за 4.3 отсто на производителот на електро автомобили, Тесла, придонело за зголемување на богатството на Маск, пишува Блумберг. -Чудно, напиша денеска тој во соопштение на Твитер во одговор на оваа информација. -Добро, назад на работа, додаде тој. Маск го освои второто место на рејтингот на Блумберг во ноември, надминувајќи го соосновачот на Мајкрософт, Бил Гејтс. Според агенцијата, Гејст моментално вреди 132 милијарди долари. (МИА)

Најбогатиот човек на планетата живее тука: Ѕирнете во имотот вреден 195 милиони долари! (ВИДЕО)

Магдалена Андонова — Wed, 19 Aug 2020 16:26:51 +0000

Неверојатниот имот со куќа што ја изградил поранешниот сопственик на „Ворнер Брадрс“, а која пред неколку месеца наводно ја купил најбогатиот човек на планетата, Џеф Безос, малку е да се каже дека го одзема здивот! Во Лос Анџелес, поточно во луксузниот кварт Бел Ер, се простира имот од 400 ари, на кој некогашниот сопственик на најголемата продуцентска куќа на светот си изградил куќа која сега е продадена за неверојатни 195 милиони долари. На имотот што се вика „Чартвел“, се наоѓа куќа направена во француски стил од 18 век, со гостинска куќа која има 5 спални соби, вински подрум, мебел, слики и скулптури купени на аукции и неверојатен луксуз. Доволни причини за да го погледнете следново видео, зар не?!

Ова е најбогатиот човек во време на пандемијата- истиот е производител на респиратори

Дарко Андоновски — Fri, 24 Apr 2020 11:52:21 +0000

Ли Ситинг, претседател на компанијата „Шензен миндреј био-медикал електроникс“ е најбогатиот човек во Сингапур. Неговото богатство месечно се зголемува за една милијарда долари откако вредноста на акциите на неговата компанија за производство на медицински апарти, меѓу кои и респиратори, се зголеми за речиси 50 проценти откако се појави пандемијата со новиот коронавирус. Вредноста на „Шензен миндреј био-медикал електроникс“ од почетокот на годината, според податоци на „Блумберг“ се зголеми од 4,3 милијардио на 13,5 милијарди долари. Ли е роден во кинеската провинција Анхуи, но од 2018 година живее во Сингапур. Компанијата соопшти дека само од Италија примила нарачка за околу 10.000 респиратори, но не соопшти колку чини еден респиратор. За разлика од производството на медицински маски, за респираторите потребна е висока технолошка специјализација.