најдобар фудбалер – Kurir.mk

Меси прв фаворит за наградата најдобар играч на Светското првенство 2022 во изборот на „Goal.com“

Дарко Андоновски — Thu, 15 Dec 2022 12:29:29 +0000

Престижниот портал специјализиран за фудбал „Goal.com“ по полуфиналната фаза ја ажурираше листата на претенденти за наградата играч на Светското првенство во 2022 година. На листата, како и во претходната верзија на рејтингот, во водство е напаѓачот на репрезентацијата на Аргентина и ПСЖ, Лионел Меси. На второто место остана напаѓачот на француската репрезентација и ПСЖ, Килијан Мбапе. Напаѓачот на Франција и Атлетико Мадрид, Антоан Гризман е трет. Топ 10 претенденти за наградата најдобар играч на Светското првенство во 2022 година од Goal.com: 1. Лионел Меси (Аргентина / ПСЖ); 2. Килијан Мбапе (Франција / ПСЖ); 3. Антоан Гризман (Франција / Атлетико Мадрид); 4. Софјан Амрабат (Мароко / Фиорентина); 5. Ашраф Хакими (Мароко / ПСЖ); 6. Николас Отаменди (Аргентина / Бенфика); 7. Џулијан Алварез (Аргентина / Манчестер сити); 8. Оливие Жиру (Франција / Милан) 9. Бруно Фернандеш (Португалија / Манчестер јунајтед); 10. Ричарлисон (Бразил / Тотенхем).

Азар е најдобриот фудбалер во историјата на белгиската репрезентација во изборот на навивачите

Тале Кристо — Thu, 14 Jan 2021 13:24:31 +0000

Играчот за врска на Реал Мадрид, Еден Азар, од навивачите е прогласен за најдобар фудбалер во историјата на белгиската репрезентација, соопшти прес-службата на тамошната фудбалска асоцијација. Гласањето се одвиваше меѓу навивачите во период од 16 декември до 10 јануари. Азар освои 10,6 проценти од гласовите. Второто место го зазеде дефанзивецот Винсент Компани (9,4), додека трет беше играчот за врска Кевин де Брујн (9,1%). Триесетгодишниот Азар досега има одиграно 106 натпревари за белгискиот националниот тим, на кои постигна 32 погодоци.

Алаба по седми пат најдобар фудбалер на Австрија

Тале Кристо — Tue, 22 Dec 2020 09:33:27 +0000

Фудбалерот на Баерн, Давид Алаба е прогласен за најдобар фудбалер во Австрија во 2020 година, објави австриската новинска агенција – АПА. Тој победи со глас на главните тренери на 12 клуба во австриската Бундеслига. Алаба е најдобар во изборот по седми пат во кариерата. Тој беше прогласен за најдобар фудбалер во Австрија од 2011 до 2016 година. Оваа сезона, Алаба одигра 22 натпревари на сите турнири и постигна еден гол.

Светот оваа година нема да добие Најдобар фудбалер!

Дарко Андоновски — Wed, 13 May 2020 13:28:41 +0000

ФИФА годинава нема да ги додели наградите „The Best“ за најистакнатите личности од светот на фудбалот, пренесе „Марка“. Церемонијата за доделување на наградите за најдобри поединци требаше да се одржи во септември во Милано, но тоа нема да се случи поради пандемијата од коронавирус. Така, никој нема да ја добие наградата за Најдобар играч на светот во селекцијата на ФИФА за 2020 година. ФИФА продолжи да ги спроведува мерките, како што истакна претседателот Џани Инфантино, а со пандемијата ќе се справува со најголема претпазливост. Светското првенство за жени до 20 години, и под 17 години, веќе е откажано, тие се преместени за февруари следната година, како и Светското првенство во футсал, кое исто така е преместено за 2021 година. Единственото натпреварување кое ФИФА не го „чепна“ беше Светското клупско првенство, што ќе се одржи во Абу Даби во декември. Што се однесува до другите поединечни награди, „Франс Фудбал“ сè уште не одлучил што да прави за церемонијата за доделување на наградата „Златна топка“, која се одржува секоја година од 1956 година. УЕФА треба да ги распредели наградите на крајот на август, кога, како по правило, се одржува ждрепката за групната фаза од Лигата на шампионите, но сето тоа може да се премести. Што се однесува до „Златната копачка“, таа не е во надлежност на ФИФА, но и овие награди се под знак прашалник, затоа што прекинати се некои првенства, како што е Француската Лига 1, па многу играчи нема да имаат можност да ги подобрат своите перформанси.

Одложено гласањето за најдобар фудбалер во Англија

Тале Кристо — Thu, 16 Apr 2020 19:52:20 +0000

Гласањето за утврдување на најдобриот фудбалер на годината во Англија е одложено поради пандемијата од коронавирус, објави „Тајмс“. Според публикацијата, постои можност за прв пат од 1973 година да нема победник во рангирањето. Минатата сезона дефанзивецот на Ливерпул, Вирџил ван Дајк беше избран за најдобар играч во земјата. Првенството во Англија беше суспендирано во март и не се очекува да биде обновено барем до крајот на април.

Салах фудбалер на годината во Премиер лигата

Дарко Андоновски — Mon, 23 Apr 2018 07:03:02 +0000

Мохамед Салах е добитник на наградата за најдобар фудбалер во англиската Премиер лига за сезоната 2017/18. Играчот на Ливерпул победи во изборот на Асоцијацијата на професионални фудбалери во Англија. Египетскиот интернационалец игра одлична сезона со постигнати 31 гол во Премиер лигата и вкупно 41 во сите натпреварувања во „црвениот “ дрес. Салах го изедначи рекордот (31) кога сезоната во Премиер лигата траела 38 рудни, додека само три погодоци го делат од рекордот (34) кога се играле 42 рунди.

Шест кандидати за најдобар фудбалер во Премиер лигата

Ивона Петрова — Sat, 14 Apr 2018 14:06:57 +0000

Здружението на професионални фудбалери во Англија, ги објави имињата на претендентите за освојувањето на наградата за играч на годината. Меѓу номинираните, тројца се од Манчестер Сити, а по еден фудбалер од Манчестер Јунајтед, Ливерпул и Тотенхем. Кандидати за наградата најдобар фудбалер на годината во Премиер лигата: Кевин де Бруин (Манчестер Сити) Давид Силва (Манчестер Сити) Лорој Сане (Манчестер Сити) Мохамед Салах (Ливерпул) Хари Кејн (Тотенхем) Давид де Хеа (Манчестер Јунајтед).