најдобар спортист – Kurir.mk

Пливачот Поповичи најдобар спортист на Балканот за 2022

Катерина Бојаџиева — Thu, 29 Dec 2022 07:31:12 +0000

Романскиот пливач Давид Поповичи го понесе признанието за најдобар спортист на Балканот во 2022 година, во изборот кој традиционално го организира бугарската новинска агенција БТА. Младиот, 18-годишен Поповичи оваа година освои златни медали на 100 и 200 метри слободно на Светското првенство во Будимпешта, а во истите дисциплини ги освои и европските титули во Рим. Воедно го подобри и светскиот рекорд во дисциплината 100 слободен стил. Во 40. По ред избор на најдобар балкански спортист во организација на БТА, во кој учествуваа десет регионални новински агенции, Поповичи освои 64 бодови, три повеќе од српскиот тенисер Новаќ Ѓоковиќ на второто и капитенот на хрватската фудбалска репрезентација Лука Модриќ на третото место (48). Избор на најдобар спортист на Балканот, 2022: Давид Поповичи (Романија, пливање) 64 бодови Новак Ѓоковиќ (Србија, тенис) 61 Лука Модриќ (Хрватска, фудбал) 48 Милтиадис Тентоглу (Грција, атлетика) 46 Тијана Бошковиќ (Србија, одбојка) 31 Никола Јокиќ (Србија, кошарка) 27 Јанис Антетокумпо (Грција, кошарка) 23 Александар Везенков (Бугарија, кошарка) 21 Лана Пудар (БиХ, пливање) 20 Таха Акгул (Турција, борење) 20.

Елма Шемсовиќ најдобар спортист на Велес за 2021 година

Тале Кристо — Fri, 31 Dec 2021 14:44:41 +0000

На 62-то издание на традиционалната манифестација „Избор на најдобар спортист и екипа на Велес за 2021 година“, во организација на Сојузот на спортови, а под покровителство на Советот на Општина Велес и градоначалникот Марко Колев синоќа во големата сала на Општина Велес беа прогласени најуспешните спортисти и спортски работници во Велес. За најдобар спортист на Велес за 2021 година е прогласена фудбалерката на ЖФК „Борец“ Елма Шемсовиќ. Како што информираат денеска од Општина Велес, манифестацијата ја отвори претседателот на Сојуз, на спортови на Велес, Ангел Љутков кој истакна дека и во услови на пандемија велешките спортисти постигнуваат врвни резултати. Наградувањето на најуспешните започна со доделување на признанијата на претставниците на училишниот спорт на ООУ „Васил Главинов“ и Гимназија „Кочо Рацин“. Најпрестижното признание „Спортист на годината за 2021 година“ и се додели на Елма Шемсовиќ, фудбалерка на ЖФК „Борец“ за врвни резултати во овој спорт. Годинава признанија се доделија на спортските манифестации кои се реализираа во текот на 2021 година како што се Ноќна атлетска трка „9 Ноември“, Велешки пливачкиот маратон, Ендуро трка – Мото клуб Велес. Посебни признанија годинава се врачија на планинарот Тодорче Ѓеорѓиев, на Горан Јовановиќ од Хемо мак и Иван Костов од Кеги моби, на Анѓел Мицев Скакар за боречки вештини и на Дарко Николов од ГОК Борец. За најуспешни судии прогласени се Маја Војдиновска – карате и Бошко Нацев – Кајак Бабуна. Во категоријата екипно млади третото место му припадна на Карате клуб Гладијатор, второто место на машкиот ракометен клуб Борец и првото место на Кајак кану клуб Вардар. Во категоријата екипно сениори третото место му припадна на женскиот фудбалски клуб Борец, второто на Кајакарски клуб Бабуна и првото на градскиот одбојкарски клуб Борец. За тренер на млади категории за 2021 година признанието го доби Боби Војдиновски од КК Гладијатор, додека од сениорите Сашко Ванчевски од МВК Велес. Признанија добија и најуспешните млади спортисти за 2021 како и сениорите во сите категирии.

Роналдо најдобар спортист во изборот на Европските новински агенции

Дарко Андоновски — Tue, 26 Dec 2017 13:49:02 +0000

На гласањето кое традиционално се организира од страна на полската агенција ПАП учествуваа 26 новински агенции. Роналдо во годинава што изминува со Реал Пример ја освои Лигата на шампионите, шпанската Примера, шпанскиот куп, Европскиот Супер Куп и ФИФА светскиот клупски куп. Со португалската репрезентацијата се пласира на Светското првенство во Русија. Тој доби вкупно 159 поени. По него се пласира светскиот шампион во Формула 1, Британецот Луис Хамилтон со 143 поени, трет е швајцарскиот тенисер Роџер Федерер со 124 бода. Во ТОП 10 се најдоа и: Рафаел Надал - тенис (113), Сара Сјестерн - пливање (75), Марсел Хиршер – скијање (68), Лаура Дахлмејер – бијатлон (51), Мо Фарах – атлетика (51), Крис Фрум - велосипедизам (50) и Катарина Стефаниди - атлетика (41).