најдобар стрелец – Kurir.mk

Левандовски прогласен за стрелец на годината

Тале Кристо — Mon, 29 Nov 2021 20:20:06 +0000

Напаѓачот на Баерн Минхен Роберт Левандовски ја освои наградата „стрелец на годината“, награда која за прв пат ја доделува „Франс Фудбал“. -Секогаш сум подготвен да постигнам гол, затоа што така се постигнуваат резултати во фудбалот. Сакам да им се заблагодарам на моите соиграчи, бидејќи без нив ова немаше да го постигнам. Доколку постои хармонија меѓу сите, многу полесно ми е да постигнам погодок. Сакам да и се заблагодарам на моето семејство за нивната поддршка, истакна во своето излагање полскиот напаѓач. Инаку, Левандовски е и еден од главните кандидати за добивање на „Златната топка“ за оваа година.

СКРШИ УШТЕ ЕДЕН РЕКОРД: Роналдо со голот против Франција стана најдобар стрелец на големите турнири

Тале Кристо — Wed, 23 Jun 2021 20:06:36 +0000

Еден однајдобрите фудбалери на денешницата во светот, португалскиот ас Кристијано Роналдо со вечерашниот постигнат гол против репрезентацијатана Франција стана најдобар стрелец на големите турнири – Европско и Светско првенство, притоа оставајќи го зад себе легендарниот германски фудбалер Мирослав Клосе со 19 погодоци. Кристијано Роналдо сега напаѓа нов рекорд, тоа е најефикасен играч во историјата на националните тимови. Лидер е Али Даеи од Иран, кој на листата има еден гол повеќе од португалскиот голгетер.

Роналдо стана најдобар стрелец во историјата на фудбалот

Тале Кристо — Thu, 21 Jan 2021 07:40:48 +0000

Напаѓачот на Јувентус, Кристијано Роналдо синоќа постигна гол против Наполи (2:0) во Суперкупот на Италија. Овој погодок беше 760. за Португалецот на официјални натпревари за клубови и репрезентацијата на Португалија. Така, Роналдо го сруши светскиот рекорд за Чехот Јозеф Бикан, кој ја погоди мрежата на противниците 759 пати од 1931 до 1955 година. Претседателот на Португалската фудбалска федерација (ФПФ) Фернандо Гомеш му го честиташе рекордот на предводникот на репрезентацијата. – Срдечно му честитам на Кристијано за освојувањето на Суперкупот на Италија и за новиот рекорд. Кариера полна со успех, титули, почести и одликувања. Само одличен играч како тебе може да го направи ова. Честитки, капитене, напиша Гомеш на веб-страницата на ФПФ. Во декември, португалскиот напаѓач го престигна легендарниот Бразилец Пеле (757 голови).

Левандовски меѓу најдобрите 25 стрелци во историјата на репрезентативниот фудбал

Ивона Петрова — Thu, 15 Oct 2020 06:57:45 +0000

Напаѓачот на Полска, Роберт Левандовски постигна два гола синоќа против Босна и Херцеговина (3:0) на мечот од Лигата на нации. Тој ги постигна 62. и 63. погодок за националниот тим. Според овој индикатор, Левандовски се искачи на 24. место во историјата на фудбалот, израмнувајќи се со Али Мабхут од репрезентацијата на ОАЕ (Левандовски има 113 натпревари, Мабхут – 83). Бразилскиот капитен Нејмар постигна еден гол повеќе, Дидие Дрогба од Брегот на Слоновата Коска има два пред Полјакот. Најдобар стрелец во историјата останува Али Даеи од Иран (109), а најдобар меѓу активните играчи е Португалецот Кристијано Роналдо (101). Напаѓачот на Белгија, Ромелу Лукаку, постигна два гола против Исланд (2:1) и стигна до 55 погодоци за националниот тим. Тој го дели 40. место во светот со Бразилецот Ромарио, Јапонецот Казјоши Миура, Чехот Јан Колер и Сингапурецот Фонди Ахмад.

Меси по рекорден седми пат најдобар стрелец во Ла Лига

Тале Кристо — Mon, 20 Jul 2020 07:01:19 +0000

Капитенот на Барселона, Лионел Меси стана најдобар стрелец на фудбалскиот шампионатот на Шпанија. Во сезоната 2019/20, Аргентинецот постигна 25 голови. Ова е рекорден седми пат, и четврти пат по ред, тој го освои трофејот „Пичичи“ – награда за најефикасниот играч во лигата. Претходно Телмо Сара од Атлетик Билбао шест пати бил најдобар стрелец во Шпанија. Покрај тоа, Меси стана и најдобриот асистент оваа сезона, поставувајќи го рекордот со 21 додавање по кое е постигнат гол. На вечната листа на стрелци во Шпанија, овој резултат на победникот е најлош во последните 13 години. Во сезоната 2006/07, напаѓачот на Реал Мадрид Руд ван Нистелрој исто така постигна 25 пати, а најдобриот стрелец постигна помалку голови последен пат во 2003/04 година. Тогаш Кристијан Роналдо од Реал имаше 24 погодоци.

Левандовски прв фудбалер во Бундеслигата кој стана најдобар стрелец во три последователни сезони

Магдалена Андонова — Sat, 27 Jun 2020 17:50:49 +0000

Напаѓачот на Баерн Минхен, Роберт Левандовски постигна најмногу голови во германската Бундеслига која заврши денес. Полскиот фудбалер стана првиот играч во историјата на првенството кој ја освои титулата најдобар стрелец во три последователни сезони. На сметка на Полјакот оваа сезона се 34 погодоци за 31 натпревар. Левандовски и денес постигна гол во триумфот над Волзсбург со 4:0. Претходно, Левандовски беше прогласен и за најдобар играч во Бундеслигата за оваа сезона. По Левандовски на листата на стрелците се Тимо Вернер од Лајпциг со 28 гола на 34 натпревари и Џејдон Санчо со 17 гола на 17 натпревари. (МИА)