најдобар тренер – Kurir.mk

ФИФА ги објави тројцата финалисти во изборот за тренер на годината

Бошко Тасиќ — Fri, 10 Feb 2023 05:54:05 +0000

Интернационалната фудбалска федерација (ФИФА) соопшти дека Аргентинецот Лионел Скалони, Италијанецот Карло Анчелоти и Шпанецот Пеп Гвардиола влегоа во потесниот круг на кандидати за најдобар тренер во 2022 година. ФИФА потсети дека покрај Скалони, Анчелоти и Гвардиола, кандидати за тренер на годината беа Французинот Дидие Дешамп и Мароканецот Валид Реграги. Скалони ја освои титулата на Светското првенство во Катар на крајот на минатата година со селекцијата на Аргентина. Анчелоти со Реал ги освои шампионатот на Шпанија и Лигата на шампионите, додека Гвардиола со Манчестер Сити триумфираше во Премиер лигата. ФИФА на 27 февруати ќе ги објави наградите за најдобри тренери во двете конкуренции за 2022 година.

Артета, Гвардиола и Клоп претендираат за наградата најдобар тренер во Премиер лигата во септември

Дарко Андоновски — Thu, 30 Sep 2021 12:47:38 +0000

Англиската Премиер лига денес ја објави листата на кандидати за наградата најдобар тренер во септември. Номинирани се: Микел Артета (Арсенал), Хосеп Гвардиола (Манчестер сити), Јирген Клоп (Ливерпул), Греам Потер (Брајтон) и Дин Смит (Астон Вила). За потсетување, најдобар тренер во Премиер лигата во август беше предводникот на Тотенхем, Нуно Еспирито Санто.

Џерард прогласен за најдобар тренер во шкотскиот шампионат

Тале Кристо — Fri, 14 May 2021 10:46:46 +0000

Предводникот на Ренџерс, Стивен Џерард е прогласен за најдобар тренер на Шкотска во сезоната 2020/21, се наведува на веб-страницата на клубот. Ренџерс, под водство на 40-годишен фудбалски стручњак, станаа шампион на Шкотска пред предвидениот рок. Клубот нема загубено ниту еден натпревар, има шест нерешени средби. Утре, на 15 мај, Ренџерс го играат својот последен натпревар сезонава против Абердин.

Тухел прогласен за најдобар тренер во Премиер лигата за месец март

Тале Кристо — Fri, 02 Apr 2021 13:23:14 +0000

Предводникот на Челзи, Томас Тухел е прогласен за најдобар тренер во англиската Премиер лига во март, објавено е на официјалниот Твитер на натпреварувањето. Минатиот месец, Челзи одигра три натпревари во Премиер лигата: против Ливерпул (1-0), Евертон (2-0) и Лидс (0-0). Тухел во изборот за конкуренти ги имаше Греам Потер од Брајтон, Брендан Роџерс од Лестер и Оле Гунар Солскјер од Манчестер јунајтед.

Л’Екип го прогласи Зидан за најдобар тренер на светот

Магдалена Андонова — Tue, 04 Aug 2020 12:22:21 +0000

Тренерот на Реал Мадрид, Зинедин Зидан е прогласен за во моментов најдобар на светот од страна на француското издание на „Л’Екип“. Насловната страница на весникот е посветена на оваа тема денес. Зидан ги надмина најдобрите клупски тренери Јирген Клоп, кој работи со Ливерпул, и Пеп Гвардиола, кој го предводи Манчестер сити. Зидан го тренираше Реал Мадрид од 2016 до 2018 година и за ова време го освои Шпанското првенство и Суперкупот, трипати ја освои Лигата на шампионите, а исто така двапати ги освои УЕФА Супер купот и Светското клупско првенство. Во мадридскиот клуб се врати во 2019 година и повторно оваа сезона ја освои шампионската титула во Ла Лига. (МИА)