Најмладите од Кавадарци се запознаа со возилата со првенство на минување

Дарко Андоновски — Wed, 09 May 2018 11:53:17 +0000

Претставници на кавадаречката полиција денеска на најмладите им ги презентираа возилата со првенство на минување. Станува збор за превозните средства на полицијата, Итната медицинска помош и Противпожарната служба. Настанот беше во рамки на превентивните активности под мотото „Да ги заштитиме децата во сообраќајот“, како и одбележувањето на деновите на полицијата. - Целта е најмладите учесници во сообраќајот, дечињата од градинките, да се запознаат со работата на овие служби и да ги утврдат своите знаења од оваа област. Многу е важно што тие уште од најмала возраст ги знаат телефонските броеви на кои можат да побараат помош во несакани ситуации, нагласи Димитар Каракулев, самостоен инспектор за превенција. Дечињата имаа можност и да влезат во возилата со првенство на минување, за и практично да видат како тие функционираат.

„Кино утро“ за најмладите во Кинотека

Александар Михаилов — Tue, 09 Jan 2018 07:29:53 +0000

Кинотеката на Македонија и овој зимски распуст за најмладите ќе ја организира филмската програма „Кино утро“ од денеска до 20 јануари. Ќе почне со филмот „Мравко“ - приказна за 12-годишниот Пеле кој откако е каснат од мравка добива моќ и се претвора во суперхерој Мравко. Филмот е синхронизиран на македонски и ќе биде прикажан и на 15 јануари. Почетокот е во 12 часот. Утре и на 16 јануари на програмата е анимираниот „Облачно со можност за дожд од ќофтиња“, на 11-ти и 17 јануари - „Малите виленици Пикси“, на 12-ти и 18 јануари - „Мармадјук“ и на 13-ти и 20 јануари - филмот „Змејска топка 2“.

најмлади – Kurir.mk

Најмладите од Кавадарци се запознаа со возилата со првенство на минување

„Кино утро“ за најмладите во Кинотека