најмногу дожд – Kurir.mk

Еве каде има најмногу дожд во изминатите 24 часа

Дарко Андоновски — Mon, 26 Jun 2023 07:04:30 +0000

Најмногу наврнат воден талог од 42 литри на метар квадратен за изминатите 24 часа до 8 часот утрово, има во Битола. Како што информираат од УХМР, следат Претор со 16 л/м2, 9 во Струмица, Берово и Крушево, 6 во Виница, 2 во Тетово и 1 во Охрид и на Попова Шапка. Дадените вредности за количината врнежи се измерени на дождомерните места на Упрвата за хидро-метеоролошки работи. Поради локалноста на процесите, паднатата количина воден талог многу варира и на различни места може да е многу поголема од измерената, стои во соопштението.

Најмногу дожд во Пожаране, Дебар и Тетово

Дарко Андоновски — Mon, 15 May 2023 07:43:58 +0000

Најмногу дожд во изминатите 24 часа наврна во Пожаране 22 литри, во Дебар 12, во Тетово 11 и во Охрид 10 литри на метар квадратен, соопшти УХМР. Во текот на ноќта времето беше облачно, на места со врнежи од дожд. Утрово е облачно со врнежи од дожд. Дува слаб до умерен ветер претежно од јужен правец. Променливо облачно и потопло со повремени врнежи од дожд, попладне особено во западните делови ќе биде нестабилно со пороен дожд игрмежи. Ќе дува слаб до умерен, долж Повардарието засилен ветер од југоисточен правец. Максималната температура ќе биде во интервал од 18 до 23 степени. Во Скопје променливо облачно со сончеви периоди, попладне со повремен дожд и со умерен до засилен југоисточен ветер. Максималната температура ќе достигне до 21 степен.

ОВА МЕСТО ВО МАКЕДОНИЈА ВО ПОСЛЕДНИТЕ 24 ЧАСА СО НАЈМНОГУ СНЕГ – УХМР најавува нови врнежи во текот на целиот ден!

Дарко Андоновски — Tue, 17 Jan 2023 08:14:42 +0000

Изминатите 24 часа најмногу дожд наврнал во Лазарополе, 32 литра на метар квадратен, а најмалку во Битола, Гевгелија и Демир Капија, еден литар на единица површина. Како што информира УХМР, измерени се и 22 литра на метар квадратен во Пожаране, 20 во Маврови Анови, 16 во Тетово, 15 во Дебар, 9 во Попова Шапка, 5 во Претор, 4 во Скопје Зајчев Рид, 3 во Куманово и Крушево, како и 2 литра Берово, додека на Попова Шапка има снежна покривка со дебелина од 26 сантиметри. Минималните температури до 8:30 часот се движеа од -1 степен на Попова Шапка и Лазарополе, еден во Маврови Анови, 2 во Тетово и Берово, 3 во Крушево, 4 во Скопје-Зајчев Рид, Куманово, Прилеп и Струмица, 6 во Битола, Претор и Дебар, 7 во Гевгелија, 8 во Штип, Охрид, Крива Паланка, Виница и Дојран, како и 9 во Демир Капија. Според УХМР, времето денеска ќе биде променливо облачно и ветровито. Особено во западните делови ќе има повремени врнежи од дожд, кои на северозапад ќе бидат пообилни, над 25 литри на метар квадратен. Снег ќе има само на повисоките планински врвови. Ќе дува засилен, повремено силен ветер од јужен правец. Максималната температура ќе биде во интервал од 9 до 14 степени. Во Скопје ќе биде променливо облачно со повремени врнежи од дожд. Ќе дува засилен ветер од југоисточен правец. Максималната температура ќе достигне 13 степени.

Најмногу дожд во Гевгелија и Дојран

Дарко Андоновски — Mon, 05 Sep 2022 07:46:45 +0000

Најмногу дожд до осум часот изутрина наврнал во Гевгелија и во Дојран, каде се измерени 23 литри на метар квадратен, како и во Демир Капија – 18 литри на метар квадратен и 12 во Скопје-Петровец. По нив, според мерењата на Управата за хидрометеоролошки работи (УХМР), следат Берово со 9, Тополчани – 8, Крива Паланка и Скопје – Зајчев Рид – 6, Битола и Попова Шапка – 4, Виница – 3, Тетово, Пожаране, Маврово и Струмица – 2 и Прилеп со 1 литар на метар квадратен. УХМР за денеска претпладне најавува променливо облачно со слаб локален дожд, претежно во југоисточните делови. Попладне облачноста ќе се намалува. Ќе дува слаб до умерен северен ветер, поизразен вдолж Повардарието. Максималната температура ќе биде во интервал од 22 до 27 степени. УВ-индексот ќе изнесува 6. Во Скопје во утринските часови променливо облачно, во текот на денот сончево со мала до умерена облачност и слаб до умерен северен ветер. Максималната температура ќе достигне 26 степени.

УХМР со детали за вчерашното невреме кое ја зафати Македонија – еве каде наврнало најмногу дожд

Дарко Андоновски — Fri, 10 Jun 2022 08:43:36 +0000

Во Охрид е измерено најголемо количество дожд во изминатите 24 часа, односно 28 литри на метар квадратен, соопшти Управата за хидрометеоролошки работи. Во изминатото деноноќие, според мерењата до 8 часот, 25 литри на метар квадратен наврнат воден талог имало во Дебар, 22 во Претор, 18 во Пожаране, 17 во Штип, 14 во Маврови Анови, Крива Паланка и Крушево, 13 во Битола, 12 во Лазарополе, десет во Тополчани, осум во Прилеп, седум во Тетово, Гевгелија, Попова Шапка, шест во Скопје – Зајчев Рид и Демир Капија, пет во Струмица, три во Берово, Дојран и Ѓуриште. Времето денеска ќе биде облачно, посвежо и нестабилно со пороен дожд, грмежи и засилен ветер. Наместа врнежите ќе бидат поројни и пообилни, локално над 20 литри на метар квадратен наврнат воден талог, проследени со електрични празнења и со услови за појава на град. Максималната температура ќе биде во интервал од 20 до 26 степени, а вредноста на УВ-индексот 4. Во Скопје облачно и нестабилно со пороен дожд, грмежи и засилен ветер, особено попладне и кон крајот на денот. Во делови од котлината ќе има услови процесите да бидат поинтензивни во форма на невреме. Максималната температура ќе достигне 24 степени.

Најмногу дожд во изминатите 24 часа во Берово, еве каде биле измерени -4 степени среде април!

Дарко Андоновски — Mon, 11 Apr 2022 07:03:22 +0000

Во Маврови Анови изутрина се измерени – 4 степени, а во Претор и Крушево -1, додека во останатите делови од државава утринските темрепатур се над нулата. Ва изминатите 24 часа до 8 часот во Берово наврнале 20 литри дожд на метар квадратен, 16 во Крива Паланка и Виница, 15 во Маврови Анови и Пожаране, 14 во Прилеп, 13 во Охрид, 11 во Битола,… УХМР информира дека во текот на ноќта дуваше умерен, а наместа засилен ветер од северен и северозападен правец, кој во Штип достигнувал брзина до 50 километри на час. Времето денеска ќе биде сончево со мала до умерена локална облачност. Ќе дува умерен, а вдолж Повардарието и во источните делови засилен ветер од северен правец. Кон крајот на денот ветерот ќе ја намали брзината. Максималната температура ќе биде во интервал од 9 до 16 степени. Во Скопје, сончево со мала до умерена облачност и со умерен, повремено засилен ветер од северен правец. Максималната температура ќе достигне до 14 степени.

СНЕГОТ НЕ ПРЕСТАНУВА НИТУ ВО АПРИЛ – на ова место утрово има најмногу наврнато

Дарко Андоновски — Tue, 05 Apr 2022 07:12:17 +0000

Најстудено утрово е на Попова Шапка со -4 степени, нула степени се измерени во Маврови Анови, а максимални седум степени во Демир Капија и Гевгелија. На Попова Шапка има и најмногу снег 10 сантиметри. Како што соопшти УХМР, најмногу дожд до 8 часот изутрина наврнал во Гевгелија каде се измерени шест литри на метар квадратен, во Претор и Дојран четири литри, Битола три, Крушево и Попова Шапка два литри, еден литар во Штип, Тетово, Крива Паланка, Охрид, Прилеп, Виница, Струмица, Дебар и Маврово. Времето денеска ќе биде променливо облачно, претпладне во јужните делови ќе има слаби локални врнежи од дожд. Од пладне облачноста ќе се намалува и ќе преовладува сончево време со мала до умерена облачност. Ќе дува слаб до умерен ветер од јужен правец. Максималната температура ќе биде во интервал од 11 до 17 степени. Во Скопје, претпладне претежно облачно, од пладне облачноста ќе се намалува и ќе преовладува сончево време со мала до умерена облачност. Ќе дува слаб до умерен ветер од југоисточен правец. Максималната температура ќе достигне до 15 степени.

Најмногу дожд во Пожаране, магла во Струмичко

Дарко Андоновски — Wed, 09 Dec 2020 06:57:40 +0000

Изминатите 24 часа во Пожаране наврнале 10 литри дожд на метар квадратен, во Дебар девет, во Тетово и во Охрид по осум, четири во Прилеп, три во Претор….Изутринава во седум часот во Берово се измерени – 2 степени Целзиусови, а на останатите места во државата температурата е над 0, односно 1 во Лазарополе, 2 Маврово, 3 Штип, Демир Капија, Пожаране, 4 Ѓуриште, Скопје Петровец, 5 Прилеп, 6 Гевгелија, Струмица, Скопје Зајчев Рид, Охрид и Претор, а 7 Битола. Како што информира Управата за хидрометеоролошки работи, магла утринава има во Струмичко. Ветерот е југоисточен и засилен на Ѓуриште. Времето денеска ќе биде облачно со пообилни и на места поројни врнежи од дожд (над 20 л/м2), а на повисоките планини од снег. Од вечерните часови понекаде во планинските региони ќе има услови за појава на замрзнат дожд. Ќе дува и умерен до засилен југоисточен ветер најизразен долж Повардарието и во источните делови. Максималната температура ќе достигне од 7 до 15 степени. Во Скопје облачно со повремен дожд и со умерен до засилен југоисточен ветер. Температурата ќе достигне 10 степени.

Еве каде попладнево најмногу наврна дожд во Македонија

Тале Кристо — Wed, 06 May 2020 17:01:20 +0000

Најмногу наврнат воден талог во изминатите девет часа до 17 часот денеска има во Пожаране, Тетово – 6 литри на метар квадратен, во Лазарополе – 4 и Виница и Скопје – Зајчев Рид по 1 литар на метар квадратен, информираат од Управата за хидрометеоролошки работи. Дувал умерен до засилен северозападен ветер, кој во Штип достигнувал брзина до 65, а во Скопје-Зајчев Рид над 50 километри на час. Времето до крајот на денот ќе биде претежно облачно и посвежо со повремени врнежи од дожд, пообилни во западните делови. Ќе дува умерен до засилен северозападен ветер. Во текот на ноќта врнежите ќе престануваат. Во Скопје, времето ќе биде облачно и свежо со повремени врнежи од дожд и со умерен до засилен северен ветер. Времето утре претпладне ќе биде променливо облачно, а попладне облачноста ќе се намалува. Ќе дува умерен до засилен северен ветер, кој на места ќе достигнува брзина над 70 километри на час. Минималната температура ќе биде во интервал од 2 до 9, а максималната ќе достигне од 15 до 21 степен. Во Скопје, времети претпладне ќе биде променливо облачно, а попладне облачноста ќе се намалува. Ќе дува умерен до засилен северен ветер. Минималната температура ќе се спушти до 4, а максималната ќе достигне до 19 степени. Во наредните денови следува период на стабилно време со пораст на дневните температури. Особено топло се очекува во почетокот на следната седмица.