најниска температура – Kurir.mk

Утрово измерена досега најниската температура во Македонија

Тале Кристо — Tue, 25 Jan 2022 08:16:56 +0000

Во Маврови Анови и Берово утрово се измерени -20 степени, на Попова Шапка -18, во Битола и Крива Паланка -16, Крушево -15, Тетово и Прилеп -13. Во Охрид, Штип и Виница се регистрирани 12 степени под нулата, во Дебар и Демир Капија -11, Струмица и Куманово -19, во Скопје -9, Дојран -6 и во Гевгелија -4 степени. Највисока снежна покривка има во Маврово 39 сантиметри, на Попова Шапка 31 и во Круево 15. Времето денеска ќе биде сончево и студено со мала до умерена локална облачност. Ќе дува слаб до умерен, а вдолж Повардарието повремено засилен ветер од северен правец. Максималната температура ќе достигне од -3 до 6 степени. Во Скопје, сончево со мала облачност и студено со умерен, повремено засилен ветер од северен правец. Максималната температура ќе достигне до 1 степен.

РЕКОРД: Откриена најниската температура на северната хемисфера

Магдалена Андонова — Thu, 24 Sep 2020 11:55:00 +0000

Истражувачи при Светската метеоролошка организација (СМО) открија нов рекорд на најниска температура на Земјината северна хемисфера. Според запис пронајден неодамна, по редовни проверки, на Гренланд на 22 декември 1991 година биле измерени -69,6 Целзиусови степени. Тоа е за два степена пониско од досега познатиот рекорден студ. Податокот е забележан од автоматска метеоролошка станица Клинк на Гренланд во средината на зимата пред речиси 30 години. Досегашните познати рекорди од -67,8 Целзиусови степени се забележани во Верхојанск, Русија, во февруари 1892 година и во Ојмјакон, Русија, во јануари 1933 година. (МИА)

Научниците открија, ова е најниската температура на Земјата

Ивона Петрова — Thu, 28 Jun 2018 15:48:43 +0000

Температура од мунис 98 степени научниците регистрирале во низа во долина на Антарктикот и сметаат дека тоа е веројатно најниската температура на Земјата. Научниците во вторникот објавиле дека ја забележале најниската температура на Земјата некогаш измерена. Користејќи сателитски податоци експертите измериле дека во долина во источниот дел на Антарктикот е достигната температура од -98 степени Целзиусови. Експертите сметаат дека оваа измерена температура е веројатно најниската можна на Земјата. Со оглед на фактот дека не е возможно да се постави метеоролошка станица на ова подрачје, научниците истражувале сателитски податоци до 2003 до 2016 година за да може да утврдат колку е студено во тоа подрачје. Иако Антарктикот е едно од најстудените места на планетата, сепак се чини дека некои негови делови се загреваат.