најниско ниво – Kurir.mk

Еврото е на најниско ниво во последните 20 години, се зголемува стравот од рецесија

Тале Кристо — Tue, 23 Aug 2022 08:25:31 +0000

Азиските акции денеска паднаа шеста сесија по ред, по новиот скок на цените на енергенсите во Европа. Скокот на цените ги поттикна стравувањата од рецесија и ги зголеми приносите на обврзниците, додека европската валута – еврото падна на најниско ниво во последните 20 години. Референтните цени на гасот во Европската Унија се зголемија за 13 отсто во текот на ноќта на рекордно високо ниво, откако се удвоија за само еден месец и стасаа 14 пати повеќе од просекот во изминатата деценија. Аналитичарите на американската банка Сити вчера предупредија дека инфлацијата во Обединетото Кралство би можела да надмине 18 отсто доколку не се ограничат цените на енергијата, што е за девет пати повеќе од целта на Банката на Англија. Инфлацијата на потрошувачките цени последен пат достигна такво ниво во 1976 година. Аналитичарите сметаат дека „тешката енергетска ситуација“ сугерира дека врвот на инфлацијата сè уште не е достигнат, со голема можност инфлацијата да остане висока уште некое време доколку не дојде до реакција од централните банки. Еврото вчера го достигна најниското ниво во однос на доларот во последните дваесет години и падна под нивото на паритет. Едно евро чинеше 0,9937 долари. Најавеното затворање заради одржување на гасоводот Северен тек 1 од 31 август до 2 септември дополнително ги зголеми стравувањата од недостиг и доведе до енормно зголемување на цената на гасот во Европа.

Биткоинот падна на десетдневниот минимум, повлече и други крипто валути

Магдалена Андонова — Thu, 26 Nov 2020 13:21:30 +0000

Биткоинот денеска падна на најниско ниво во последните 10 дена, поради распродажбата што се прошири на други помали дигитални монети. Биткоинот, најголемата крипто валута во светот, падна за дури 13 проценти на 16.317 американски долари, од највисоките 19.521 долари во средата. Според последните податоци, тргувањето во моментов е во пад од 8,0 проценти. Во текот на годинава, биткоинот зајакна за околу 150 проценти, достигнувајќи ниво малку под својот рекорд на сите времиња, од 19.666 долари. Неговиот раст е поттикнат од побарувачката за поризични средства, но оние што се сметаат за отпорни на инфлацијата, како и очекувањата дека крипто-валутите ќе бидат широко прифатени како платежно средство. Дванаесетгодишната историја на биткоинот е проследена со огромни подеми и подеднакво остри падови. (МИА)

Инвестициите во здравството во Италија се на најниско ниво од 90-те години

Тале Кристо — Tue, 28 Apr 2020 16:52:19 +0000

Инвестициите во здравствениот сектор во Италија се на најниско ниво од 90-те години, објави денеска италијанскиот Национален институт за статистика (ИСТАТ). Трошоците за здравство во 2019 година беа 22,7 проценти од вкупното трошење на јавниот сектор. Здравството и пензиите сочинуваа 59 отсто од јавната потрошувачка во 2019 година, додаде ИСТАТ. Тоа ја чинело Италија вкупно околу 479 милијарди евра. Таа држава е една од најтешко погодените од вирусот со речиси 27.000 смртни случаи.