Највозрасниот фудбалер на светот Миура потпиша нов договор

Магдалена Андонова — Mon, 11 Jan 2021 15:37:33 +0000

Легендарниот јапонски фудбалер Казујоши Миура, кој на 26 февруари ќе го прослави својот 54 роденден, го продолжи за уште една година договорот со прволигашот Јокохама. Миура минатиот септември постави нов светски рекорд како највозрасен фудбалер, појавувајќи се на теренот во дресот на јапонскиот прволигаш Јокохама со 53 години, шест месеци и 28 денови. Новиот договор „Кралот Казу“, кој на својот дрес го носи бројот 11, го потпиша денеска, на 11 јануари, во 11 часот и 11 минути. -Мојата страст за играње фудбал само се зголемува, изјави Миура при потпишувањето на новиот договор со членот на јапонската Прва лига. (МИА)

Најстариот фудбалер на светот има 74 години

Тале Кристо — Mon, 19 Oct 2020 06:37:19 +0000

Египќанецот Езелдин Бахадер, кој има 74 години, вчера официјално стана највозрасниот активен фудбалер на светот и го доби признанието за Гинисовата книга на рекорди. Бахадар ги одигра сите 90 минути за клубот „6 октомври“ на натпреварот од третата лига на Египет, против „Ел Ајет Спортс“. Неговиот тим загуби со 3: 2. Бахадер одигра два официјални натпревара по 90 минути. Првиот натпревар се одигра пред паузата поради корона-пандемијата, па тој мораше да чека седум месеци за да го одигра и вториот натпревар. Со тоа, тој го исполни условот за да биде запишан во Гинисовата книга на рекорди. Бахадер е роден на 3 ноември 1945 година и го урна рекордот што до вчера го држеше Израелецот Исак Хаика, кој бранеше минатата година за израелски тим на 73-годишна возраст.

Најстар фудбалер – Kurir.mk

Највозрасниот фудбалер на светот Миура потпиша нов договор

Најстариот фудбалер на светот има 74 години