најстара личност – Kurir.mk

НА 119 ГОДИНИ: Почина Кане Танака, најстарата личност во светот

Ивона Петрова — Tue, 26 Apr 2022 07:12:22 +0000

Јапонката Кане Танака за која се верува дека била најстарата личност во светот, почина на 119 години. Танака е родена во 1903 година, а годинава го прослави својот 119-ти роденден во Јапонија Гинисовата книга на рекорди во 2019 година потврди дека Јапонката е најстариот жив човек на Земјата. Во пензија отишла на 63 годишна возраст. Кога имала 104 години успешно била оперирана од тумор. Државната телевизија објавила дека починала на 19 април од старост во болница во градот Фукуоки. Кане до неодамна била со добро здравје, а уживала во играње друштвени игри. „Пороци“ и биле чоколадото и газираните пијалаци. Според податоците од септември минатата година, во Јапонија живееле 86.510 стогодишници, а 90 проценти од нив биле жени.

Најстарата личност во светот го прослави својот 119-ти роденден

Ивана Ефремовски — Sun, 13 Feb 2022 15:10:38 +0000

Кане Танака, родена во 1903 година, го прослави својот 119-ти роденден во Јапонија, продолжувајќи го својот рекорд како најстара личност на светот за уште една година. Според повеќе јапонски медиуми, Танака го славеше својот роденден во неделата во домот за стари лица во Фукуока. Семејството на Танака соопшти дека таа има намера да живее уште една година за да го достигне својот 120-ти роденден, дополнително зајакнувајќи го нејзиниот подвиг во Гинисовата книга на рекорди, која почна да ги бележи нејзините години во март 2019 година, кога таа наполни 116.

На 114 години почина најстарата личност во САД

Ивона Петрова — Wed, 09 Jan 2019 10:40:03 +0000

Леси Браун од американската сојузна држава Охајо, која лани наполни 114 години, и за која се веруваше дека е најстарата личност во САД, почина вчера, соопшти нејзиниот внук Роналд Вилсон. Браун живееше со својата ќерка во градот Кливленд Хајтс. Таа е родена е во септември 1904 година во американската сојузна држава Џорџија и пораснала на фарма. Во Кливленд се преселила со семејството на 18 години. Тука го запознала и нејзиниот сопруг со кого имаа пет деца. Таа велеше дека нејзиниот живот бил толку долг по Божја волја, додека пак, нејзините блиски тоа го припишуваа на нејзиниот здрав начин на исхрана. Браун стана најстара личност во САД откако нејзината врсничка, 114-годишната Делфина Гибсон од Хантингтон во Пенсилванија, почина на 9 мај 2018 година. МИА