најстудено место – Kurir.mk

Најсвежо на Попова Шапка и во Лазарополе, најмногу дожд во Маврови Анови и Крушево

Дарко Андоновски — Tue, 29 Aug 2023 06:59:36 +0000

Утрово е најсвежо на Попова Шапка и во Лазарополе, 13 степени, а изминатите 24 часа најмногу дожд наврнал во Маврови Анови и Крушево, информира УХМР. Минималните температури до 08:30 часот биле: 14 степени Маврови Анови, 15 во Берово, 17 во Охрид и Претор, 18 во Крива Паланка, Струмица и Тетово, 19 во Битола и Прилеп, 20 во Гевгелија, Кавадарци и Дојран, 21 во Скопје - Зајчев Рид, 22 во Скопје - Петровец, Куманово, Велес и Виница, 23 во Демир Капија и 24 во Штип. Наврнатиот водел талог до 8 часот утрово изнесува два литра на метар квадратен во Маврови Анови и Крушево, како и еден литар на единица површина во Битола, Прилеп, Охрид и Претор. Според УХМР, времето денеска ќе биде променливо облачно и нестабилно со пороен дожд, грмежи и засилен ветер. Од попладневните часови локално процесите ќе бидат поинтензивни во форма на невреме со пообилен пороен дожд за кратко време, поинтензивни електрични празнења, силен ветер и појава на град. Максималната температура ќе биде во интервал од 23 до 33 степени. УВ индексто ќе изнесува 6. Во Скопје ќе биде променливо облачно, од пладне нестабилно со пороен дожд, грмежи и засилен ветер. Во делови од котлината ќе има поинтензивни процеси во форма на невреме. Максималната температура ќе достигне 31 степен.

Минусна температура среде април – најстудено утро на ова место во Македонија, од вечерва ќе трупа и снег без престан!

Дарко Андоновски — Mon, 03 Apr 2023 08:10:06 +0000

Утрово е најстудено во Берово со -1 степен, а максимални 9 степени се измерени во Охрид. Според Управата за хидрометеоролошки работи нула степени се измери на Попова Шапка, три во Крива Паланка, Лазарополе, Маврови Анови и Струмица, четири во Крушево, Скопје-Петровец, Штип и Демир Капија, шест во Гевгелија, седум во Дебар, осум во Дојран, Претор, Куманово, Битола, Тетово, Прилеп, Виница и Скопје-Зајчев Рид. Времето денеска ќе биде облачно, почнувајќи од јужните делови со врнежи од дожд, кои попладне и во вечерните часови на повеќе места ќе бидат поројни и обилни (над 30 л/м2). На планините и на некои повисоки места во западните делови врнежите до крајот на денот ќе преминат во снег, а во текот на ноќта во овие подрачја се очекува и формирање на снежна покривка. Ќе дува умерен до засилен ветер од северен правец. Максималната температура ќе биде во интервал од 8 до 13 степени. Во Скопје ќе биде облачно, попладне и во текот на ноќта со пообилни врнежи од дожд. Ќе дува умерен до засилен северен ветер. Максималната температура ќе достигне 13 степени.

Утрово на едниот дел од државата минусна температура, на другиот вистинска пролет – еве какви температури се измерени

Дарко Андоновски — Sun, 02 Apr 2023 07:57:46 +0000

Утрово е најстудено во Лазарополе, -1 степен, а максимални 10 степени се измерени во Гевгелија. Изминатите 24 часа, пак, највеже дожд наврнал во Маврови Анови, 11 литри на метар квадратен, а најмалку во Скопје-Зајчев Рид, Демир Капија, Прилеп, Битола, Гевгелија и Дојран, еден литар на единица површина. Како што информира УХМР, до 08:30 часот температурата била еден степен во Берово и Маврови Анови, 2 во Крива Паланка, 3 во Крушево, 4 во Скопје-Петровец, Тетово, Охрид, Куманово и Дебар, 5 во Прилеп, Струмица, Штип, Виница и Претор, 6 во Скопје-Зајчев Рид, Битола и Демир Капија, како и 9 во Дојран. До 8 часот утрово водниот талог е 10 литри на метар квадратен во Лазарополе, 8 во Виница и Крива Паланка, 5 во Дебар и на Попова Шапка, 4 во Берово, Охрид и Крушево, 3 во Струмица, како и 2 во Пожаране. Според УХМР, времето денеска ќе биде променливо облачно со сончеви периоди. Претежно во западните делови ќе има повремен локален дожд и ретки грмежи. Ќе дува слаб ветер од променлив правец. Максималната температура ќе биде во интервал од 14 до 20 степенa. Во Скопје ќе биде променливо облачно со сончеви периоди, а попладне со повремен слаб дожд и услови за ретки грмежи. Максималната температура ќе достигне 17 степени.

Измерени -50 степени во најстудениот град во светот

Ивона Петрова — Tue, 17 Jan 2023 07:43:49 +0000

Температурите во најстудениот град во светот паднале на -50 степени Целзиусови, јавува Си-Ен-Ен. Градот Јакутск во источен Сибир, кој е познат како едно од најстудените места во светот, доживува невообичаен долг удар на студ. Јануари е најстуден месец и иако се навикнати на ниски температури, жителите превземаат дополнителни мерки за да останат стоплени. -Не можете да се борите против тоа, изјавил за Ројтерс еден од жителите кој на себе имал два шала, повеќе пара ракавици, капа и качулка. -Или ќе се прилагодиш и облечеш во согласност со времето или ќе страдат. Само треба топло да се облечеш, слоевито, како зелка, изјавил друг жител. Во Јакутск живеат помалку од милион жители, а зимите во него може да бидат екстремно студени. Во 2018 година било толку многу студено што некои жители изјавиле дека им смрзнале трепките.

ВИДЕО: Најладното село на светот, на -60°C никој не ги гаси автомобилите

Дарко Андоновски — Mon, 09 Jan 2023 12:11:55 +0000

На рускиот Далечен исток во Република Јакуст, се наоѓа селото Ојмјакон во кое преку зимата температурите паѓаат и до -60°C, а во лето се качуваат над 30°C. Тоа го прави најладно населено место во светот. Кога температурите малку ќе се издигнат жителите се неизмерно среќни, а особено децата. На училиште се оди без неколку слоеви гардероба или едноставно полесно се дише. Најниската температура на ова место достигнала неверојатни -71,2°C. Ветер дува многу ретко, а годишно паѓаат нешто повеќе од 200 милилитри дожд. Сепак, од друга страна, температурите преку лето може да достигнат и 20 до 30°C, а највисоката е забележана во 2010 година, кога биле измерени 34,6°C.

Најстудено во Берово и Битола – Дојран утрово најтопол град во земјава

Дарко Андоновски — Mon, 09 Jan 2023 08:13:45 +0000

Најастудено утрово е во Берово и во Битола, каде во седум часот се измерени -6 степени целзиусови, како и во Скопје, Тетово и Демир Капија со -4 степени. Најтопло е во Дојран каде се измерени 4 степени целзиусови. Во текот на ноќта времето беше ведро и студено, а утрово е променливо облачно. Во Демир Капија има појава на магла со ограничена хоризонтална видливост до 50м. Цремето претпладне по одделни котлини со појава на магла и ниска облачност. Попладне најпрво во западните, а во текот на ноќта и во останатите делови ќе има повремени врнежи од дожд, а на планините од снег. Ќе дува слаб до умерен, а долж Повардарието засилен ветер од југоисточен правец. Максималната температура ќе биде во интервал од 4 до 10 степени. Во Скопје променливо облачно, кон крајот на денот и во текот на ноќта со повремени врнежи од дожд. Ќе дува слаб до умерен југоисточен ветер. Максималната температура ќе достигне 5 степени.

НА ОВИЕ ДВЕ МЕСТА УТРОВО НАЈСТУДЕНО – минусните температури се далеку пониски од главниот град

Дарко Андоновски — Mon, 19 Dec 2022 09:26:52 +0000

Најстудено е утрово во Берово со -5 степени, на Попова Шапка се измерени -4, во Крива Паланка, Куманово и Штип -2, а во Скопје-Зајчев Рид, Маврови Анови, Струмица, Виница -1 степен. Нула степени се измерени во Лазарополе, Демир Капија, Крушево, еден степен во Прилеп, два во Тетово, Охрид, Дебар, три степени во Дојран, а четири во Битола и во Гевгелија. Максимални пет степени се измерени во Претор. Во текот на ноќта беше променливо облачно со слаб до умерен ветер од северен правец. Утрово во источните делови е сончево, а зголемена облачност има во западните и северозападните делови. Во Преспанската котлина има појава на магла. Дува слаб до умерен ветер претежно од северен правец. Претпладне ќе има ниска облачност, а од пладневните часови ќе биде сончево со мала до умерена облачност и посвежо. Ќе дува слаб до умерен ветер од северен правец. Максималната температура ќе биде во интервал од 4 до 11 степени. Во Скопје претпладне значително облачно, преку денот облачноста ќе се намалува. Ќе дува слаб до умерен ветер од северен правец. Максималната температура ќе достигне до 6 степени.

Утрово измерени -7 степени во Берово, најтопло во Гевгелија

Магдалена Андонова — Sat, 26 Nov 2022 09:20:07 +0000

Утрово е најстудено во Берово, каде се измерени -7 степени Целзиусови, додека најтопло е во Гевгелија со шест степени. Според УХМР, до 8:30 часот -3 степени се измерени во Попова Шапка, Крива Паланка, Битола, Маврови Анови, Струмица, -2 во Скопје-Петровец, Тетово, Прилеп, Штип и Демир Капија, -1 во Крушево, нула во Скопје-Зајчев Рид, Охрид, Претор, Виница и Дебар, а 5 степени во Дојран. Времето денеска ќе биде променливо облачно, во источните делови со подолги сончеви периоди. Ќе дува слаб до умерен ветер од северен правец. Максималната температура ќе биде во интервал од 7 до 13 степени. Во Скопје ќе биде претежно облачно со слаб до умерен ветер од северен правец. Максималната температура ќе достигне 9 степени. (МИА)

МИНУСНИ ТЕМПЕРАТУРИ УТРОВО – во овој македонски град најстудено, измерени -2 степени

Дарко Андоновски — Wed, 05 Oct 2022 07:09:15 +0000

Најниски температури под нулата утрово се измерени во Берово -2 и -1 во Лазарополе, лседат Попова Шапка со 0 степени, 2 во Крива Паланка, 3 Скопје-Петровец, Тетово, Битола, Демир Капија, Маврови Анови, Крушево, 4 Прилеп, Струмица, Штип, 5 Претор, Дебар, 6 Охрид, Виница, 7 Скопје-Зајчев Рид, 9 Гевгелија и 12 во Дојран. Времето денеска ќе биде сончево со мала до умерена облачност. Ќе дува слаб до умерен ветер од северен правец. Максималната температура ќе биде во интервал од 15 до 23 степени. Во Скопје слично време со температура до 20 степени.

Најстудено на Попова Шапка, најмногу дожд во Крушево

Дарко Андоновски — Tue, 19 Apr 2022 07:06:37 +0000

Утрово до 8:30 часот минимални -7 степени се измерени на Попова Шапка, а максимални четири во Скопје – Зајчев Рид, Скопје – Петровец и Гевгелија. Според УХМР, -3 е во Маврови Анови, -2 во Крушево и Берово, 0 во Крива Паланка и Претор, еден во Струмица и Виница, два во Битола, Прилеп, Охрид, Штип и Демир Капија, како и три степени во Тетово, Дебар, Куманово и Дојран. Во изминатите 24 часа наврнале 8 литри на метар квадратен воден талог во Крушево, 6 во Битола, 5 во Демир Капија, 4 во Маврови Анови и Дојран, 3 во Гевгелија, 2 во Претор, Тополчани, Струмица и Берово, како и еден литар во Прилеп, Штип и Виница. Снежната покривка во Крушево до осум часот била пет сантиметри. УХМР информира дека времето денеска ќе биде променливо облачно со сончеви периоди. Претежно во планинските подрачја ќе има повремени слаби врнежи од дожд и снег. Ќе дува слаб јужен, а во западните делови умерен западен ветер. Максималната температура ќе достигне од 8 до 16 степени. Во Скопје ќе биде променливо облачно со сончеви периоди и со слаб јужен ветер. Максималната температура ќе достигне до 14 степени.