најтопол ден – Kurir.mk

Кулминира топлотниот бран во Грција, денеска најтоплиот ден со температури до 46 степени

Дарко Андоновски — Wed, 26 Jul 2023 07:58:52 +0000

Најтопол, но и последен ден од топлотниот бран се очекува да биде денешниот ден во Грција, со температури што во одредени делови од земјата ќе достигнат до 45-46 степени Целзиусови, јави дописничката на МИА од Атина. Според Националната опсерваторија во Атина и порталот „Метео“, над 41 степен Целзиусови ќе бидат измерени во делови на земјата што опфаќаат 8,5 милиони население. Поради високите температури, Министерството за култура на Грција соопшти дека Акропол ќе биде затворен од 11 до 17.30 часот. Министерството за труд и социјални прашања воведе вонредни мерки за заштита од топлотниот бран, според кои во периодот од 12 до 17 часот забранета е достава во деловите од земјата каде што температурата ќе биде над 40 степени, со цел да се заштити здравјето на доставувачите. Надлежниот министер Адонис Георгиадис преку социјалните мрежи упати апел денеска ниту еден работник да не биде на отворено. За денеска исто така е екстремно висока опасноста од пожари поради топлото, суво и ветровите време. Топлотниот бран „Клеон“ ја зафати Грција на 12 јули, а со мали прекини и намалувања на температурата, трае веќе две седмици.

ЗА СИТЕ МАКЕДОНЦИ КОИ СЕ ВО ГРЦИЈА ДЕНЕС: Никако не излегувајте на директно сонце, итно се огласи и премиерот – вакво нешто немало со години!

Дарко Андоновски — Sat, 22 Jul 2023 08:22:34 +0000

Грција денеска е во максимална готовност поради топлотен бран со очекувани температури над 44 Целзиусови степени. Со високи температури се соочува голем дел од светот, вклучително и северот од Европа, но и САД каде во Аризона е вистински пеколно жешко. Што се однесува до Грција, до недела сите археолошки локалитети, вклучително и познатиот Атински Акропол, ќе бидат затворени за посетители во најтоплиот дел од денот, соопшти Министерството за култура. „Потребна е максимална претпазливост бидејќи тешките моменти не се завршени“, предупреди премиерот Киријакос Мицотакис. „Се соочуваме со топлотен бран со можно засилување на ветерот кој од понеделник може да ги разгори пожарите околу Атина“, додаде премиерот. Во сабота во централниот дел на земјата се очекуваат температури до 45 Целзиусови степени. Според опсерваторијата во Атина, рекордната температура во градот била измерена во 2007 година и изнесувала 44,8ºC. Највисоката температура во земјата била измерена во 1997 година во Елефсинос, во близина на Атина, и била 48ºC. Костас Лагувардос, директор на Истражувачкиот институт за животна средина и одржлив развој при Националната опсерваторија во Атина, рече дека е загрижен поради најавите за пораст на температурите и следната недела. „Тоа би бил топлотен бран кој би траел две недели и би бил најдолгиот досега забележан во Грција“, рече Лагувардос.

Британските метеоролози со предупредување дека 17 јули би можел да биде најтоплиот ден досега

Дарко Андоновски — Tue, 12 Jul 2022 09:03:26 +0000

Британската метеоролошка служба предупреди на екстремно високи температури на воздухот следните денови, истакнувајќи дека за 17 јули постои 30 отсто шанси да биде најтоплиот ден во Обединетото Кралство. Во реткото предупредување се наведува дека може да има опасност по животот или евентуално сериозно заболување како последица на високите температури. Како други проблеми се наведуваат затворање патишта и доцнење или откажување на железничките и воздушните услуги. Британската метеоролошка служба Метеоролошката канцеларија најави дека предупредувањето ќе стапи во сила на 16 јули навечер, кога се предвидува дека температурите ќе се искачат над 30 степени. Најтоплиот ден во Обединетото Кралство беше во јули 2019 година кога во ботаничката градина во Кембриџ беа измерени 38,7 степени Целзиусови. Велс го забележа најтоплиот ден во годината вчера кога живата достигна 28,7 степени во паркот Буте во Кардиф. Во Англија температурата достигна максимум од 32 степени во Нортолт, западен Лондон. Најтоплиот ден во Англија досега оваа година останува температурата од 32,7 степени забележана во Сантон Даунхам во Сафолк на 17 јуни.

Следната недела можно е во Австралија да биде измерен најтоплиот ден во историјата

Дарко Андоновски — Sun, 15 Dec 2019 08:27:55 +0000

Следната недела во Австралија би можело да биде регистриран најтоплиот ден во историјата на земјата, бидејќи топлиот бран од запад се префрла на и онака потоплиот истокот на континентот, предвидуваат меторолозите. Од среда се очекуваат температури од над 40 степени Целзиусови. Моменталниот рекорд е забележен на 2 јанаури 1960 година кога биле измерени 50,7 степени во градот Одандата, во јужниот дел на Австралија, пренсе Би-Би-Си. Во делови од западна Австралија и Квинсленд веќе е издадено предупредување за опасност од пожари. Иако пожарите во Австралија се вообичаена појава во текот на жешките лета, што почнуваат од декември, оваа сезона тие се појавија многу порано, пред се заради високите температури во текот на есента.

Регистриран најтоплиот ден во Германија во 2018 година

Даниел Василев — Tue, 31 Jul 2018 14:46:06 +0000

Во Германија денеска е регистран најтопол ден во 2018 година со температура од 39,2 степена Целзиусови во градот Бернбург. Тоа е највисока температура откако се мерат температури во Саксонија-Анхалт и е измерена во 14:30 по локално време, соопшти германскиот Метеоролошки завод. Се очекува температурите утре да бидат повисоки поради тоа што Европа е под влијание на топлотен бран. Можно е да биде „урнат“ рекордот од 40,3 степени Целзиусови, измерен во 2015 година во Китцингтен во јужната држава Баварија. МИА

Најтопол ден во Австралија од 1939 година, измерени 47,3 степени

Ивона Петрова — Sun, 07 Jan 2018 08:33:12 +0000

Во Сиднеј живата на термометарот денес достигна 47,3 степени Целзиусови со што денешниот ден е најтопол од 1939 година. Како што јавува Би-Би-Си во областа околу Сиднеј е издадено предупредување за опасност од пожари, а во градот најстрого е забрането палење на оган. Температурниот рекорд претходно е регистриран во 1939 година кога се измерени 47,8 степени.