Утрово на едниот дел од државата минусна температура, на другиот вистинска пролет – еве какви температури се измерени

Дарко Андоновски — Sun, 02 Apr 2023 07:57:46 +0000

Утрово е најстудено во Лазарополе, -1 степен, а максимални 10 степени се измерени во Гевгелија. Изминатите 24 часа, пак, највеже дожд наврнал во Маврови Анови, 11 литри на метар квадратен, а најмалку во Скопје-Зајчев Рид, Демир Капија, Прилеп, Битола, Гевгелија и Дојран, еден литар на единица површина. Како што информира УХМР, до 08:30 часот температурата била еден степен во Берово и Маврови Анови, 2 во Крива Паланка, 3 во Крушево, 4 во Скопје-Петровец, Тетово, Охрид, Куманово и Дебар, 5 во Прилеп, Струмица, Штип, Виница и Претор, 6 во Скопје-Зајчев Рид, Битола и Демир Капија, како и 9 во Дојран. До 8 часот утрово водниот талог е 10 литри на метар квадратен во Лазарополе, 8 во Виница и Крива Паланка, 5 во Дебар и на Попова Шапка, 4 во Берово, Охрид и Крушево, 3 во Струмица, како и 2 во Пожаране. Според УХМР, времето денеска ќе биде променливо облачно со сончеви периоди. Претежно во западните делови ќе има повремен локален дожд и ретки грмежи. Ќе дува слаб ветер од променлив правец. Максималната температура ќе биде во интервал од 14 до 20 степенa. Во Скопје ќе биде променливо облачно со сончеви периоди, а попладне со повремен слаб дожд и услови за ретки грмежи. Максималната температура ќе достигне 17 степени.

ВИСТИНСКИ ПЕКОЛ: Денеска овој град во Македонија е најтопол, измерена вртоглава температура

Дарко Андоновски — Tue, 22 Jun 2021 16:34:13 +0000

Температурата на воздухот денеска во Демир Капија се искачи на 37 степени, а во Тетово, Струмица, Скопје, кај Зајчев Рид и во Гевгелија се регистрирани 36 степени Целзиусови. Според мерењата на УХМР, во Штип и Битола максималната температура била 35, во Прилеп и Виница – 34, Маврови Анови, Охрид и Претор – 32, Крива Паланка – 31, Берово – 30, Крушево -28 и 26 во Лазарополе. УХМР најавува дека до крајот на денот и на почетокот на вечерта на североисток и исток ќе има изолирана нестабилност со пороен дожд, засилен ветер, грмежи и услови за појава на град. Во ноќните часови ќе настапи стабилизирање на времето. Времето утре ќе биде сончево и многу топло со мала локална облачност. Ќе дува слаб до умерен ветер од северен правец. Минималната температура ќе биде во интервал од 13 до 22, а максималната ќе достигне од 32 до 40 степени. УВ индексот ќе изнесува 9. Во Скопје, сончево и многу топло со мала облачност и со слаб до умерен северен ветер. Минималната температура ќе се спушти до 18, а максималната ќе достигне до 39 степени. -Во следните денови под влијание на топла воздушна маса од југ времето ќе биде многу топло со натпросечни температури за овој период од годината. На повеќе места температурите ќе бидат над 35 степени, а најтопло ќе биде во четврток и петок кога на места и особено на југоистокот ќе го надминуваат и 40-тиот степен, најавува УХМР.

најтопол град – Kurir.mk

Утрово на едниот дел од државата минусна температура, на другиот вистинска пролет – еве какви температури се измерени

ВИСТИНСКИ ПЕКОЛ: Денеска овој град во Македонија е најтопол, измерена вртоглава температура