Дејан Георгиевски најуспешен спортист на Град Скопје за 2021 година

Тале Кристо — Tue, 28 Dec 2021 12:26:56 +0000

Освојувачот на сребрен медал на Олимипјадата во Токио, членот на таеквондо клубот Бутел, Дејан Георгиевски е прогласен за најуспешен спортист на Град Скопје за 2021 година. – Се надевам дека во 2022 година ќе остварам уште подобри резултати, а на сите наши спортисти им посакувам успешна следна година и повеќе норми за големите натпреварувања, изјави македонскиот медалист од Игрите во Токио. На денешната свеченост во градското собрание, наградата на Георгиевски му ја додели градоначалничката Данела Арсовска. – Град Скопје, како и досега и во иднина ќе дава поддршка на спортистите. На сите освојувачи на признанијата им честитам од мое и од името на советниците и им посакувам многу успеси во идните настапи, рече Арсовска. Од второто до 10.место во категоријата најуспешни спортисти во сениорска категорија се најдоа: борачот Могамед Нуров, кикбоксерката Викторија Варадинова, кикбоксерот Бобан Илиоски, каратистите Петар и Симона Заборски, маратонецот Дарио Ивановски, пливачот Филип Дерковски и маратонката Адријана Поп Арсова. Најуспешни 10 спортисти во младинска категорија: Стефан Стојановиќ (карате), Столе Смилковски 9карате), Марија Спировска (борење), Мери Акиевска (фитнес), Миа Тодоровска (кикбокс), Калин Ивановски (тенис), Миа Блажевска- Еминова (пливање), Антонија Белазелкоска (карате), Мила Младеновска (карате) Александра Симева (тенис). Најуспешен тренер е Борче Костовски од таеквондо клубот Бутел. Анте Гаџа од РК Вардар е најуспешен странец кој игра за екипа од Скопје. Андреј Стојановски и Стоилко Стоицев се најуспешни спортисти во категоријата на лица со попреченост. Најуспешен перспективен млад спортист – кадет е тенисерот Амар Хусеиновиќ.

Стојанче Стоилов, Арбад Штербик, Раул Гонзалес- Ова се најуспешните спортисти во Скопје за 2017 година

Дарко Андоновски — Mon, 25 Dec 2017 12:50:43 +0000

Стојанче Стоилов од ракометниот клуб Вардар е прогласен за најуспешен спортист на Град Скопје за 2017 година во сениорска категорија. Традиционално како и секоја година според одлуката на градската Комисија за избор на најуспешни спортистки и спортисти, тренер и спортска екипа на Град Скопје, најуспешен тренер за оваа година е стратегот на РК Вардар Раул Гонзалес, најуспешна спортска екипа е РК Вардар, а најуспешен странец кој настапува во скопска екипа е голманот на РК Вардар Арпад Штербик. Каратистот Петар Заборски е прогласен за најдобар спортист во младинска категоирија, додека најталентиран млад спортсит е Аид Салихи од боречкиот клуб Тефејуз. Најуспешен спортист во категоријата на лица со посебни потреби е Андреј Стојановски од пливачлкиот клуб Бета, а веднаш зад него е неговиот колега Флоренс Герет со освоено прво место во дисциплина 50 метри грбно на европското првенство за лица со Даунов синдром одржано во Париз. Комисијата за избор на најуспешните во областа на спортот за 2017 на Град Скопје додели 21 награда. Десет беа доделени за најуспешните во сениорска категорија, пет за науспешните во младинска категорија, по еден за најталентиран младинец, тренер, спортска екипа и странец и двајца најуспешни спортисти во категорија на лица со посебни потреби.

најуспешен спортист – Kurir.mk

Дејан Георгиевски најуспешен спортист на Град Скопје за 2021 година

Стојанче Стоилов, Арбад Штербик, Раул Гонзалес- Ова се најуспешните спортисти во Скопје за 2017 година