налози – Kurir.mk

САД запленија милиони долари од налози што ги користеле екстремистите

Тале Кристо — Fri, 14 Aug 2020 06:59:42 +0000

Министерството за правда на САД соопшти дека се запленети милиони долари од криптовалутните налози во странство што екстремистичките организации, помеѓу кои и Ал Каеда и Исламска држава ги користеле за финансирање на насилни операции. Екстремистичките групи ги користеле налозите за донации, а некои од нив и мамеле дека продаваат заштитна опрема за Ковид-19. Тоа е најголема операција за заплена на средства во облик на дигитална валута поврзана со тероризмот. Криптовалутите, како биткоинот, често се користат за недозволени трансакции бидејќи се верува дека потешко им се влегува во трага.

Тинејџер ги хакирал Твитер налозите на Безос, Маск и Гејтс

Магдалена Андонова — Sat, 01 Aug 2020 08:34:13 +0000

Седумнаесетгодишниот Грем Кларк од Тампа, Флорида е обвинет дека хакирал повеќе Твитер налози, помеѓу кои и на најбогатиот човек во светот Џеф Безос, сопственикот на „Тесла“, Илон Маск и основачот на Мајкрсофт, Бил Гејтс. Кларк се товари по 30 точки од обвинението за измама на повеќе луѓе ширум САД поврзани со хакирањето на Твитер налозите на познати и моќни Американци на 15 јули. Според обвинението Кларк имал намера да ги украде идентитетите на познатите личности, за да ги наведе жртвите да му испратат биткоини. За само еден ден на Кларк му се уплатени биткоини во вредност поголема од 100.000 долари. На мета на Кларк беше и поранешниот американски претседател Барак Обама, како и претседателскиот кандидат на демократите, Џо Бајден и Мајкл Блумберг. Државното обвинителство ќе го процесира Кларк како полнолетен, бидејќи законот во Флорида овозможува малолетни лица да бидаат обвинети како возрасни во случај на финансиски измами. Уште двајца мажи се обвинети пред сојузниот суд во Калифорнија за стекнување на корист од хакирање. (МИА)

„Твитер“ објасни зошто не може да укине налози на светски лидери

Ивона Петрова — Sat, 06 Jan 2018 07:59:17 +0000

Компанијата Твитер соопшти дека налозите на светските лидери на таа социјална мрежа имаат посебен статус, одбивајќи барања на поединци да се забранат пораки на претседателот на САД, Доналд Трамп на Твитер. – Со блокирање на еден светски лидер или бришење на негови контроверзни твитови, би се скриле важни информации што луѓето би требало да имаат можност да ги видат и да дебатираат за нив, објави Твитер.