намален промет – Kurir.mk

Прометот во индустријата во јули намален во однос на јуни, а зголемен во споредба со јули лани

Тале Кристо — Wed, 15 Sep 2021 10:46:33 +0000

Прометот во индустријата во јули бил намален за 6,4 проценти во однос на јуни, а зголемен за 8,5 проценти во однос на јули минатата година, објави денеска Државниот завод за статистика. Во периодот јануари-јули во однос на истиот период лани, прометот во индустријата е зголемен за 23,3 проценти. Зголемување се бележи и на прометот во индустријата на домашниот пазар за 3,9 проценти во однос на јули лани, а во споредба со јуни има зголемување за 4,4, проценти. Прометот во индустријата на странските пазари во однос на јули лани е зголемен за 7,7 проценти, а во однос на јуни е намален за 10,3 проценти.

НАМАЛЕН ПРОМЕТОТ ВО ЗЕМЈАВА- помали приходи за фирмите и отпуштени работници

Дарко Андоновски — Wed, 02 Sep 2020 10:36:27 +0000

Приходите во буџетот во август изнесуваат 14,2 милијарди денари што е помалку за 13,9 отсто во однос на лани. Кумулативно од почетокот на годината приходите изнесуваат 119,6 милијарди денари и се на пониско ниво за 8,2 отсто во однос на лани, што е пак благо подобрување во однос на првото полугодие кога приходите кумулативно приходите беа пониски за девет отсто во однос на лани, соопштуваат од Министерството за финансии. Во август даночните приходи се пониски за 17,1 отсто во однос на лани, додека кај придонесите се забележува пад од 2,7 отсто. Кај даночните приходи има потфрлање на месечно ниво кај ДДВ од 14,3 отсто, акцизи од 25 отсто, данокот на добивка од 28,9 отсто и на персоналниот данок на доход од 10,4 отсто, додека кај увозните давачки се забележува раст од 7,9 отсто. Расходите во август изнесуваат 17 милијарди денари и се за 5,8 отсто повисоки во однос на лани. Кумулативно, буџетските приходи заклучно август имаат пад од 8,2 отсто што се должи на пад на даночните приходи од 12,1 отсто. Кумулативно од почетокот на годината се забележува раст на придонесите од 7,1 отсто. Од почетокот на годината заклучно со август, има послаба наплата кај скоро сите даноци освен увозните давачки каде растот изнесува седум отсто. Кај данокот на додадена вредност, се забележува кумулативен пад од 13,6 отсто. Вкупните расходи заклучно со август изнесуваат 154,5 милијарди денари и се за 11 отсто повисоки во однос на лани, при што тековните расходи се повисоки за 11,2 осто, додека капиталните за 5,9 отсто. Заклучно со август реализиран е 17,4 милијарди денари дефицит или 75,7 отсто од проектираниот со ребалансот на буџетот. Министерството за финансии, како што наведува во соопштението, во духот на транспаретно известување за состојбите во буџетот продолжува однапред, на почетокот на месецот или 25 дена пред Календарот за објава, да ги објавува податоците за извршување на буџетот на месечно ниво.

Намален прометот во индустријата

Катерина Бојаџиева — Fri, 14 Feb 2020 12:57:38 +0000

Вкупниот промет во индустријата во декември лани е намален за 1,2 отсто во однос на декември 2018 година, а на домашниот пазар за истиот период бележи зголемување од 6,7 отсто, додека на странските пазари има пад од 5,1 отсто. Вкупниот промет во индустријата лани во декември има пад од 20,4 отсто во споредба со ноември 2019 година, а на годишно ниво има раст од 5,6 отсто во споредба со 2018 година. Прометот во индустријата на домашниот пазар, во декември 2019 година пораснал за 7,5 отсто во споредба со ноември, а во периодот јануари − декември 2019 година во споредба со истиот период од 2018 година има раст од 0,8 отсто. За истиот период прометот во индустријата на странските пазари е намален за 28,6 отсто на месечно, а зголемен за 7,1 отсто на годишно ниво. Според податоците на Државниот завод за статистика, вкупниот промет во индустријата во декември 2019 година, во однос на декември 2018 година, бележи пораст кај Интермедијарни производи, освен енергија за 10,9 отсто и Нетрајни производи за широка потрошувачка за 2,6 проценти, додека опаѓање има кај Капитални производи за 12,9 отсто и Tрајни производи за широка потрошувачка за 6,1 процент. Прометот во индустријата на домашниот пазар, пак, во декември 2019 година, во однос на декември 2018 година, бележи пораст кај Интермедијарни производи, освен енергија за 9,3 отсто, Капитални производи за 34,3 отсто и Нетрајни производи за широка потрошувачка за 4,7 отсто, додека опаѓање има кај Tрајни производи за широка потрошувачка за 10 отсто. Прометот во индустријата на странските пазари, во декември 2019 година, во однос на декември 2018 година, бележи пораст кај Интермедијарни производи, освен енергија за 10,6 отсто и Нетрајни производи за широка потрошувачка за 0,2 отсто, додека опаѓање има кај Капитални производи за 14,7 отсто и Tрајни производи за широка потрошувачка за 7,0 проценти.