намален – Kurir.mk

Намален водостојот на Преспанското Езеро

Тале Кристо — Tue, 22 Dec 2020 09:49:25 +0000

За еден сантиметар е намален водостојот на Преспанското Езеро, а нивоата на другите две природни езера во земјава се исти како вчера, покажуваат резултатите од последните мерења направени од Управата за хидрометеоролошки работи (УХМР). Водостојот на Преспанското и Охридското Езеро е понизок од просечниот за овој период од годинава и тоа за 1,5 метри кај Преспанското и за 23 сантиметри кај Охридското, додека кај Дојранското Езеро е за 2,62 метра повисок од повеќегодишниот просек за декември. Пониски од просечните се и водостоите на сите реки во земјава и кај најголем дел од нив има благо намалување на нивото во однос на вчерашното.

Победникот на Мастерсот во Париз ќе добие четири пати помалку пари во споредба со 2019 година

Тале Кристо — Fri, 30 Oct 2020 08:18:53 +0000

Организаторите на тенискиот Мастерс во Париз повторно го намалија наградниот фонд. Износот што ќе го заработат учесниците во првиот круг останува ист во споредба со претходниот пад, а промените се случија во останатите фази. Сега шампионот ќе добие само 23% од паричната награда за 2019 година, додека финалистот – 30%. Само за пример, во 2019 година освојувачот на трофејот заработи 995 илјади евра, додека паричната награда за 2020 година изнесува 225 илјади евра.

Буџетот на ФИФА за 2019-2022 година е намален за 120 милиони долари

Тале Кристо — Wed, 19 Aug 2020 13:48:17 +0000

Светската фудбалска асоцијација (ФИФА) објави кратење на буџетот за циклусот 2019-2022 година. Буџетот на ФИФА за овој период е намален од 6,56 милијарди долари на 6,44 милијарди долари. Ревизијата на буџетот на организацијата е поврзана со последиците од пандемијата на коронавирус, особено со трансформацијата на календарот на меѓународни натпревари, одложувањето на Светското првенство меѓу клубовите и откажувањето на Купот на Конфедерации. ФИФА ќе потроши 6,34 милијарди долари за циклусот 2019-2022 година. Организацијата очекува да создаде профит пред оданочување од 100 милиони американски долари на крајот на циклусот.

Франција: БДП намален за околу шест отсто во првото тримесечие од 2020

Тале Кристо — Wed, 08 Apr 2020 11:17:06 +0000

Францускиот бруто-домашен производ (БДП) е намален за околу шест отсто во првото тримесечје од 2020 година, силно погоден од епидемијата со Ковид-19, соопшти Банк де Франс, јави дописникот на МИА. Тоа е најнеповолен резултат за едно тримесечје на француската економија од 1945 година. Со тоа што БДП веќе се намали за 0,1 отсто во четвртото тримесечје на 2019, според најновите податоци од националниот институт за статистика ИНСЕЕ, Франција технички е во рецесија. Според проценката на „Банкк де Франс“, активноста е помала за една третина (-32 отсто) од нормалната во текот на последната недела на март, врз основа на анкета направена меѓу 8.500 компании. Такви лоши резултати за едно тримесечје биле регистрирани во 1968 година- БДП се намалил за 5,3 за едно тримесечје. Во согласност со проценките на ИНСЕЕ, француската централна банка проценува дека секоја недела од мерките на ограничување, резултира со пад на 1,5 отсто на БДП на годишно ниво.